Isaias 52:12 - Maung A Balita Biblia

¹² Ag kayo natan nepeg ya ontaynan a magangganat; ag yo ipapasen ya onlilimot kayon ontaynan. Say Katawan a Dios yo so mangiwanwan ed sikayo tan mangyagel ed sikayod amin a dapag.

Maung a Balita Biblia

¹² Ag kayo natan nepeg ya ontaynan a magangganat; ag yo ipapasen ya onlilimot kayon ontaynan. Say Katawan a Dios yo so mangiwanwan ed sikayo tan mangyagel ed sikayod amin a dapag.

Isaias 52:12 Iomraidhean Croise

1 Saray Awaran 14:15

No narengel mod tagey na kakiewan so tanul na panaakar da ray sondalo, dogpa ka, ta wala ak ed onaan mo a mibakal ed saray sondalo na Filistia.”

Exodo 12:11

No kanen yo, nepeg ya akakawes ki la na pambiahi yo, akasandalya kayo la tan sankabembenan yo lay baston yo; ganatan yoy mangan. Sikatoy Pista na Paskua a pamagalang ed siak a Katawan.

Exodo 12:33

Pinaganatan a pilit na saray Egipsio a taynan la na saray Israelita so bansa ra; inkuanda, “Ompatey kamin amin no ag kayo ontaynan.”

Exodo 12:39

Ginawa ran tinapay ira may anggapoy libaduran masa ya inawit da nen tinaynan day Egipto, ta lapud biglan impangibaki rad sikara, anggapoy panaon dan angiparaan na antokaman a kanen da.

Exodo 14:8

Pinaawet na Katawan so puso na ari, kanyan inosilan to ray Israelita a sipapalabo ran ontataynan.

Isaias 26:7

Katawan, pararakepen moy dalan da ray totoon matonung; palanas so dadalanen da.

Isaias 28:16

Balet natan saya so kuan na Katawan a Dios; “Mangipapasen ak ed Sion na mabiskeg tan baleg a pundasion. Mangililira ak ed pundasion na baleg a baton suyok ya akapangisulatan na sarayan salita, ‘Maanos met so malet a pananisia.’

Isaias 42:16

“Itabin ko ray bulag a totook diad saray dalan ya ag da nin balut nanakaran. Pagmaliwen kon liwawa so bilonget da tan pataren koy matibagkul a dalin da. Sikara yay sipan ko, et sumpalen ko ran sumpalen.

Isaias 45:2

“Siak a diliy mangiparaan na dalan mo, pataren ko ray kapalandeyan tan saray kapokdulan. Igebak iray gansan puirta tan poteren ko ray balewet a balatyang.

Isaias 49:10

ag iran balut naerasan odino naapgaan. Ag ira napasakitan na petang na agew tan makasinit a dagem, ta iwanwan ira na samay maarod sikara. Iwanwan to rad abay na sobul na danum.

Isaias 49:11

“Manggawa ak na maawang a dalan ya ombeltang ed kapalandeyan tan iparaan koy dalan a panakaran na saray totook.

Isaias 51:14

Ag mabayag nabolus la ray priso; mambilay ira na andokey tan nawalaan ira na amin a nakaukolan dan kanen.

Isaias 57:18

“Anengneng koy ginagawa ra, balet paabigen ko ra. Iwanwan ko ra tan tulongan ko ra, ta ligliwaen ko ray maermen.

Isaias 58:8

“Diad satan say panangasik onwandag ed sikayo a singa ibutay na agew ed kabwasan tan onabig a tampol iray sugat yo. Wala ak lawas ed dikingan yo a mangilaban ed sikayo; say kiwawalak et iyagel to kayo ed anggan iner a pasen.

Mikias 2:13

Say Dios lokasan toy dalan para sikara tan iwanwan to ra manlapud inkibantakan da. Ompaway irad saray puirta na siudad tan nabolus la ra. Say Katawan a dili ya ari ra so mangiwanwan ed sikara.

Saray Bilang 10:25

Saray onur a mankurang a sikaray guardiad beneg na amin da ray olupan et saray walad silong na bandira na olupan ya iwanwan na tribu nen Dan. Agrupo-grupo ra tan si Ahiezer a lakin anak nen Amisadai so pangulo ra.

Deuteronomio 16:3

No kanen yo yan panangan, ag kayo mangakan na tinapay a walay libadura. Ta pitoy agew mangan kayo na tinapay ya anggapoy libadura to, a singa samay ginawa yo nen tinaynan yon magangganat so Egipto. Akan yo yan tinapay, say tinapay na kairapan, pian legan na pambilay yo nanunotan yo may agew ya impaway yod Egipto, saman a pasen a nanirapan yo.

Deuteronomio 20:4

Say Katawan a Dios et olupen to kayo, tan panaloen to kayo.’

Josue 4:11

Nen akabasil la ra, inmonad sikara iray paparin manasakbat na Kaban na Sipanan na Katawan.

Saray Huis 4:14

Insan inkuanen Debora ed kinen Barac, “Laka! Say Katawan so mangipangulod sika! Natan ed sayan agew ipatalo tod sika si Sisara.” Kanyan inmakseb si Barac a nanlapud Palandey na Tabor a kaiba to ray samplon libon totoo to.