Isaias 51:3 - Maung A Balita Biblia

³ “Kasian ko so Jerusalem saray amin a manaayam ed saray deral-deral to. Anggaman a kalawakan so dalin to, gawaen ko a sakey a tanamanan, singa samay tanamanan a ginawak ed Eden. Niwalad man so liket tan gayaga, tan saray kantan pangidayew tan pisalamat ed siak.

Maung a Balita Biblia

³ Kasian ko so Jerusalem saray amin a manaayam ed saray deral-deral to. Anggaman a kalawakan so dalin to, gawaen ko a sakey a tanamanan, singa samay tanamanan a ginawak ed Eden. Niwalad man so liket tan gayaga, tan saray kantan pangidayew tan pisalamat ed siak.

Isaias 51:3 Iomraidhean Croise

Genesis 13:10

Ninengneng sirin nen Lot so kaliber-liber tan abantag ton say patar na Jordan ya anggad Zoar et dakel so danum to, a singa Tanamanan na Katawan o singa dalin na Egipto. (Diad saman a panaon, ag ni dineral na Katawan so siudad na Sodoma tan say siudad na Gomorra.)

Saray Salmo 85:8

Onderengel ak ed ibabagay Dios a Katawan; isisipan toy kareenan ed sikatayon dilin totoo to, no ag ti la pawilen so kaogsan tayo.

Isaias 12:1

Onsabiy agew a saray totoo mankanta ra: “Idadayew ta ka, Katawan! Mamapasnuk kad siak nen saman, balet natan liligliwaen mo ak tan ambetel lay olom ed siak.

Isaias 25:9

No nagawa la ya, say balang too ikuanto, “Sikatoy Dios mi! Nanmatalek kami ed sikato, kanyan inyagel to kami. Sikato so Katawan! Nanmatalek kami ed sikato, et natan maliket tan magayaga kami lapud inyagel to kami.”

Isaias 35:6

Manlukson singa ulsa iray piley, tan mankantad liket iray emel. Onagos iray kolus ed kalawakan;

Isaias 41:16

Ibontuk yo ra ed tagey; ibatik ira na dagem, tan itaytayak ira na bagyo. Diad satan manliket kayo ta siak so Dios yo; idayew yo ak, say masanton Dios na Israel.

Isaias 43:19

Talaranan yoy gawaen kon balo a bengatla. Nagagawa la—nanengneng yo la natan! Manggawa ak na dalan ed kalawakan tan itdan ta kayo na saray sobul diman.

Isaias 44:26

Balet no walay ipasakbay na aripen ko, no walay ibakik a mangipaamta na saray planok gagawaen kon ontua ira man a pasakbay tan planok. Ibabagak ed Jerusalem a manayam lamet iray totood man, tan ibagak ed saray siudad na Juda a nipaalagey ira lamet. Onalagey lamet iray siudad ya aderal-deral.

Isaias 49:13

Mankanta kayo, sikayon katawenan! Eyag kad liket, sikan mundo. Maksil a mankanta komun iray kapalandeyan! Ligliwaen na Katawan iray totoo to; kasian to ray totoon maniirap.

Isaias 49:19

“Aderal tan apaolyan so bansam— balet natan magmaliw lan melmelag a panayaman na saray onsasabin totoo. Et napataynan ed arawi ira may nanderal ed sika.

Isaias 49:8

Say Katawan kuantod saray totoo to, “No onsabiy panaon na pangilaban kod sikayo, ipatnag kod siyayoy maung a linawak tan ebatan koy ikekerew yoy tulong. Bantayan tan iyagel ta kayo tan diad panamegley yo misipanan ak ed amin a katoowan. Panayamen ta kayo lamet ed dalin yo a natan et anggapoy kabaliksan to.

Isaias 51:12

Say Katawan kuanto, “Siak so mamapabiskeg ed sikayo. Akin et takotan yoy too ya ompatey, ya ag mambayag a mambilay a singa dika?

Isaias 52:9

Ikasil yoy pankanta yo lapud liket, sikayo ran deral-deral na Jerusalem! Ta say Katawan iyagel toy siudad to tan ligliwaen to ray totoo to.

Isaias 61:10

Manliket so Jerusalem lapud ginagawa na Katawan. Sikatoy singa nubian akasolung na kawes a para kasal to. Say Dios kinawesan to na kilalaban tan pananalo.

Isaias 65:18

Ando lan andon manliket tan manggayaga kayo komun ed palsaen ko. Say balon Jerusalem a gawaen ko et napano na liket, tan manliket iray totoo to.

Jeremias 31:25

Pasimbaloen koy liknaan da ray mapagpaga, tan peneken koy kakanen iray makapkapoy lad eras.

Ezekiel 28:13

Nanayam kad Eden a tanamanan na Dios, tan nanalahas ka na nandoroman klasin mabmablin bato: rubi, diamanti, topasio, birilo, karnilia, jaspi, sapiro, ismiralda, tan garnita. Wala ra met so ates mon balituk. Agawa ran para sika nen agew ya apalsa ka.

Ezekiel 36:11

Parakelen koy bilang da ray totoo tan saray ayayep. Magmaliw a dakel niy bilang yo nen say karakel yo nen saman, ta nawalaan kayo na amayamay ya anak. Panayamen ta kayod man a singa samay impanayam yo nen saman, ta paaligwasen koy bilay yo a mapalalo nen say bilay yo nen saman. Diad satan naamtaan yo a siak so Katawan.

Ezekiel 36:35

Salitaen na balang sakey no panon a sayan siudad, a nen saman sakey a kalawakan, et nagmaliw a singa Tanamanan na Eden, tan no panon a panaayaman la tan apaliberan la na padir iray siudad ya ageba-geba, ataynan, tan aderal-deral nen saman.

Joel 2:3

Singa panagtemek na apoy so pangan dad saray tanaman. Singa Tanamanan na Eden so dalin a walad arap da, balet sakey a begtebegtew a kabueran so dalin ed beneg da. Anggapon balut so nalabsanan dan tanaman.

1 Pedro 1:8

Anggaman ya ag yo anengneng, aaroen yo. Anggaman ya ag yo nanenengneng natan, manisia kayod sikato. Kanyan manlepwad puso yoy baleg a liket ya ag nayarin ibalikas,