Isaias 51:22 - Maung A Balita Biblia

²² iyaagel kayo na Katawan a Dios yo tan kuanto, “Eekalen koy kupan inter kod sikayo lapud pasnuk ko. Ag yo la nepeg ya inomen so alak a makapadongilngil ed sikayo.

Maung a Balita Biblia

²² iyaagel kayo na Katawan a Dios yo tan kuanto, Eekalen koy kupan inter kod sikayo lapud pasnuk ko. Ag yo la nepeg ya inomen so alak a makapadongilngil ed sikayo.

Isaias 51:22 Iomraidhean Croise

Saray Salmo 35:1

Sumlang mo pa ray onsusumlang ed siak, O Katawan, tan labanan mo ray onlalaban ed siak!

Saray Salmo 60:3

Impanirap mon mapalalo iray totoom; mandongilngil kamin singa abuek.

Probirbio 22:23

Say Katawan iyalageyan to ra tan taktakoten toy bilay da ray manataktakot na bilay da.

Isaias 29:9

Mankulang-kulangan kayo, et magmaliw kayon makulang-kulang. Manbulag-bulagan kayo, et magmaliw kayon bulag. Magmaliw kayon abuek, anggaman ya anggapoy alak! Mandongilngil kayo, anggaman ya ag kayo akainom na anggan sankaakmon ya alak!

Isaias 3:12

Papairapen na saray managpaabang na kuarta iray totook tan sasaolen ira na saray akautangan da. Totook, ibabalang kayo na saray pangulo yo, kanyan ag yo amta no iner so laen yo.

Isaias 3:13

Akaparaan lay Katawan a mangibaga na liknaan to; sipaparaan lan manintinsia ed saray totoo to.

Isaias 49:25

Say Katawan kuanto, “Ontan so nagawa. Nibatik iray priso na sondalo tan naala so asamsam na maruksan too. Labanan koy siopaman ya onlaban ed sikayo, tan iyagel ko ray anak yo.

Isaias 51:17

Jerusalem, liing ka! Molagat ka tan bangon ka! Inminom kad kupa na dusa a diad pasnuk na Katawan et inter tod sikan inomen mo; ininom mo, et nampadongilngil ed sika.

Isaias 62:8

Say Katawan sinambaan ton insipan, Tan lapud pakayari to sumpalen to yan sipan to: “Ag la magmaliw a tagano na saray kalaban yo iray bungay tanaman yo, Tan ag la inomen na saray sangkaili so alak yo.

Jeremias 25:15

Say Katawan a Dios na Israel inkuantod siak, “Nia so kupa na alak a napnoy pasnuk ko. Alam ta ipainom mod saray bansan pangibakian kod sika.

Jeremias 50:34

Balet mabiskeg so mangyagel ed sikara—Yahweh a Makapanyarin-amin so ngaran to. Sikaton diliy mangyalagey ed sikara tan mangyakar na kareenan ed mundo, balet gunigon so iyakar tod saray taga Babilonia.”

Jeremias 51:36

Kanyan say Katawan kuantod saray taga Jerusalem, “Iyalageyan ta kayo, tan ibawian ta kayod saray kalaban yo, lapud saray ginagawa dad sikayo. Paekaten koy sobul na danum na Babilonia, tan paekaten ko ray ilog to.

Saray Tagleey 3:15

Kapaitan na kairapan ya amin so inter tod siak a kakanen tan iinomen.

Saray Tagleey 3:58

“Inyagel mo ak, Katawan, tan inlaban moy bilay ko.

Ezekiel 39:29

Ikalbok ed saray totood Israel so ispirituk tan ag ko la ran balut ikaindan. Siak a Katawan a Dios so nansalita.”

Joel 3:2

Tiponen kon amin iray bansa tan iyakar ko rad Patar na Sintinsia. Sintinsiaan ko rad man, lapud amin a ginagawa rad saray totook. Inkakayat dad saray arum a bansa iray Israelita tan inaapag day dalin kon Israel.

Obadias 1:16

Saray totook et ininom day ampait a kupa na dusa diad masanton palandey ko. Balet amin da ray bansad kaliber-liber inomen day lalon ampait a kupa na dusa; inomen da ya amin tan maandipat ira.

Mikias 7:9

Nankasalanan kamid Katawan, kanyan nepeg min itepel a magano so pasnuk to. Balet diad kaonuran iyagel to kami tan pagmaliwen ton pankaabigan mi so maoges ya agawad sikami. Agwaten to kami ed liwawa; mambilay kamin nanengneng mi so panangilaban to.

Zacarias 12:2

“Pagmaliwen kon singa kupa na alak so Jerusalem; oninom iray bansan walad kaliber-liber to et mandongilngil iran singa abuek. Et no lakoben day Jerusalem, lakoben da met iray arum a siudad na Juda.

Mateo 20:22

“Ag yo amtay kekerewen yo,” kuanen Jesus. “Nayarian yo kasiy oninom ed kupan inoman ko?” “Nayarian mi,” ebat da.

1 Samuel 25:39

Nen nadngelan nen David ya inatey si Nabal, inkuanto, “Nagalang so Katawan! Binmawid kinen Nabal lapud impamabaing tod siak. Say Katawan so angipaliis ed siak ya aripen to ed panggawak na maoges. Dinusa na Katawan si Nabal lapud kaogsan to.” Insan angibakiy David na mangibagan labay ton asawaen si Abigail.