Isaias 51:2 - Maung A Balita Biblia

² Nunot yoy laki yon Abraham, tan si Sara a sikaray sengeg na boleg yo. Anggapoy anak nen Abraham nen tinawag ko, balet binindisionan ko tan initdan ko na saray anak; pinarakel ko ray kabyangay boleg to.

Maung a Balita Biblia

² Nunot yoy laki yon Abraham, tan si Sara a sikaray sengeg na boleg yo. Anggapoy anak nen Abraham nen tinawag ko, balet binindisionan ko tan initdan ko na saray anak; pinarakel ko ray kabyangay boleg to.

Isaias 51:2 Iomraidhean Croise

Genesis 22:17

isipan ko ya itdan ta ka ray kabyangay boleg mo a singa karakel na bitewen ed tawen o buer ed gilig na dayat. Taloen na saray kabyangay boleg mo iray kalaban da.

Genesis 24:1

Masikesiken lay Abraham, tan binindisionay Katawan ed amin a ginagawa to.

Genesis 24:35

“Binindisionan a maung na Katawan so amok tan ginawa ton mayaman. Initdan toy amayamay a karniro, kanding, baka, pilak, balituk, lalaki tan bibiin aripen, kamilyo, tan asno.

Isaias 29:22

Kanyan natan say Katawan a Dios na Israel, ya angyagel ed kinen Abraham nen walad gunigon, kuanto, “Sikayo ran totook, ag kayo la napelag ed kababainngan, ag kayo la mampabalangay lupa.

Isaias 41:8

“Balet sikayo, Israelitan aripen ko, sikayo ray totoon pinilik saray kabyangay boleg nen Abraham a kaarok.

Isaias 43:27

Say sankaonaan a lakim et nankasalanan; nankasalanan ed siak iray pangulom,

Isaias 48:1

Dengel yo ya, sikayo ran totood Israel, sikayo ran totoon say sengeg yo et si Juda: Mansasamba kayod ngaran na Katawan tan ibabaga yon igagalang yoy Dios na Israel— balet anggapoy kabaliksan iray salita yo.

Isaias 60:22

Anggan say sankamelagan tan sankamugmoan a pamilyam Magmaliw a singa matalonggaring a bansa. No onsabiy niganan panaon, Masiglat ko yan sumpalen. Siak so Katawan!”

Isaias 63:16

Sika so ama mi. Ag kami bibirbiren na saray lalaki min di Abraham tan Jacob, balet sika, Katawan, so ama mi; sika lawas so mangyaagel ed sikami.

Ezekiel 33:24

Inkuanto, “Siak a toon ompatey, saray totoon manaayam ed saray aderal-deral a siudad na dalin na Israel et ibabaga ra: ‘Saksakey a too si Abraham, et niiter ed sikatoy intiron dalin. Amayamay itayo la, kanyan natan kayaryan tayo la yay dalin.’

Deuteronomio 1:10

Say Katawan a Dios yo et impagmaliw to kayo la natan a singa karakel na bitewen ed tawen.

Deuteronomio 26:5

Insan diad arap na Katawan ibitla yo ra yan salita: ‘Say lakik et sakey ya akar-akar ya Arameo, ya inawit ton nanayam ed Egipto so pamilya to. Nen linma rad Egipto dagdaiset ira, balet nagmaliw iran baleg tan makapanyarin bansa.

Josue 24:3

Insan ko inala si Abraham a laki yo diad nibaliw na Eufrates tan inwanwan kon nankurang ed intiron dalin na Canaan. Initdan ko na amayamay a kabyangay boleg. Inter kod sikayo si Isaac,