Isaias 51:17 - Maung A Balita Biblia

¹⁷ Jerusalem, liing ka! Molagat ka tan bangon ka! Inminom kad kupa na dusa a diad pasnuk na Katawan et inter tod sikan inomen mo; ininom mo, et nampadongilngil ed sika.

Maung a Balita Biblia

¹⁷ Jerusalem, liing ka! Molagat ka tan bangon ka! Inminom kad kupa na dusa a diad pasnuk na Katawan et inter tod sikan inomen mo; ininom mo, et nampadongilngil ed sika.

Isaias 51:17 Iomraidhean Croise

Say Libro nen Job 21:20

Ipaako yod saray makasalanan so dusa ran dili; ipalikna yod sikara so sanuk na Makapanyarin-amin a Dios.

Saray Salmo 11:6

Ipepelag toy ngalab tan mandarlang ya asupri ed saray totoon maoges; dusaen to ra na makasinit a dagem.

Saray Salmo 60:3

Impanirap mon mapalalo iray totoom; mandongilngil kamin singa abuek.

Saray Salmo 60:5

Ilaban mo kami pa diad panamegley na pakayarim; ebatan mo pay pikakasi mi, pian niagel iray totoon inarom.

Saray Salmo 75:10

Poteren toy pakayari da ray totoon maoges, balet naaruman so pakayari da ray matonung.

Saray Salmo 75:8

Bembembenay Katawan so kupa, a napnoy mabayanin alak na pasnuk to. Ibabales to tan iinomen na amin a totoon maoges; ooputen da ya anggad kaonuran a terter.

Isaias 29:9

Mankulang-kulangan kayo, et magmaliw kayon makulang-kulang. Manbulag-bulagan kayo, et magmaliw kayon bulag. Magmaliw kayon abuek, anggaman ya anggapoy alak! Mandongilngil kayo, anggaman ya ag kayo akainom na anggan sankaakmon ya alak!

Isaias 40:2

Pabiskeg yoy linawa da ray totoo ed Jerusalem. Ibaga yod sikaran andokey lay paniirap da tan apirdona la ray kasalanan da. Sigput ko la ran dinusa lapud amin a kasalanan da.”

Isaias 51:21

Sikayon maniirap a totood Jerusalem, sikayon mandongilngil a singa kayo abuek,

Isaias 51:22

iyaagel kayo na Katawan a Dios yo tan kuanto, “Eekalen koy kupan inter kod sikayo lapud pasnuk ko. Ag yo la nepeg ya inomen so alak a makapadongilngil ed sikayo.

Isaias 51:9

Liing ka pa, Katawan, ta tulongan mo kami! Ikanam pa so pakayarim ta ilaban mo kami; ikanam pa a singa ginawam nen saman. Sika so nantetegteg ed Rahab a dragon ed dayat.

Isaias 52:1

Jerusalem, mampabiskeg ka tan mampatalonggaring ka lamet! Masanton siudad na Dios, kawesan moy sikan dili na kagalangan! Ag lan balut looban na saray pagano iray puirtam.

Isaias 63:6

Diad pasnuk ko ginagatinan ko ray amin a bansa tan tinetemek ko ra. Imbung kod dalin so dala ra.”

Jeremias 13:13

Insan ibagam ed sikara a siak, say Katawan, pansawaen ko na alak iray totood sayan dalin anggad nabuek ira: saray ari a kabyangan iray boleg nen David, saray papari, saray propita, tan amin a totood Jerusalem.

Jeremias 25:18

Apainom so Jerusalem tan amin a baley ed Juda, pati saray arari tan saray pangulo na Juda, pian magmaliw iran bunton na dera-deral; makapataktakot tan makapasinagem iran nengnengen, tan saray totoo ikana ran sakey a samba so ngaran da a singa gagawaen da ni. (Onya natan so agawad sikara.)

Jeremias 25:27

Insan inkuan ed siak na Katawan, “Ibagam ed saray totoo a siak, say Katawan a Makapanyarin-amin a Dios na Israel, igaganggan ko ra ya oninom a anggad nabuwek-buwek ira tan manota-ota ra, anggad natumba ra tan ag ira la makabangon lapu ed bakal ya ipadalan kod sikara.

Jeremias 44:6

Kanyan nampasnuk ak a maung ed saray baley na Juda tan diad saray dalan na Jerusalem, tan pinopoolan ko ra. Aderal-deral ira tan nagmaliw iran makapagiwgiw a nengnengen, a singa kipapasen da natan.

Zacarias 12:2

“Pagmaliwen kon singa kupa na alak so Jerusalem; oninom iray bansan walad kaliber-liber to et mandongilngil iran singa abuek. Et no lakoben day Jerusalem, lakoben da met iray arum a siudad na Juda.

Mateo 20:22

“Ag yo amtay kekerewen yo,” kuanen Jesus. “Nayarian yo kasiy oninom ed kupan inoman ko?” “Nayarian mi,” ebat da.

1 CORINTO 15:34

Pawil kayod maptek a panagnunot yo tan ibeneg yo la ray kasalanan yo. Pigarad sikayo so ag makapikabat ed Dios; ibabagak ya, pian nabaingan kayo.

TAGA-EFESO 5:14

ta amin a naliliwawaan et magmamaliw a silew. Kanyan onyay kuanda, “Bangon ka, sikan nanaogip, bangon kan manlapud patey, silewan to ka nen Cristo.”

Deuteronomio 28:28

Say Katawan ekalan to kayoy kalakal; bulagen to kayo tan gewgewen to kayo.

Deuteronomio 28:34

Say kairapan yo et deralen toy kalakal yo.

Puyan 14:10

inomen toy alak, say alak na pasnuk na Dios ya imbales ton anggapoy lauk ed kupay sanuk to! Napairap ed apoy tan asupri diad arap na Kordiro tan saray masanton anghil.

Puyan 16:19

Nankatlon apisag so makapanyarin siudad, tan nagnagba ray amin a siudad ed intiron mundo. Ag akaliktar ed dusay Dios so makapanyarin Babilonia. Anunotan na Dios so Babilonia, tan pinainom to na alak, say alak na ontan lan pasnuk to.

Puyan 18:6

Gawa yo met ed sikatoy ginawa tod sikayo; bales yo na mamidwad karakel so ginagawa to. Pano yoy kupa to na iinomen a mamidway kinabiskeg to ed samay impainom tod sikayo.

Saray Huis 5:12

Ipangulom, Debora, ipangulom! Ipangulom! Mankanta ka! Ipangulom! Kurang ka, Barac a lakin anak nen Abinoam; mankurang kan sankatengteng mo ray totoon adakep mo!