Isaias 51:1 - Maung A Balita Biblia

¹ Say Katawan kuanto, “Dengel yo ak, sikayon malabay a nilaban, sikayo ran onsisingger ed siak ya onkerew na tulong. Nunot yoy baton-dampay a nanlapwan yo, say panagtabasan na bato ya akatabasan ed sikayo.

Maung a Balita Biblia

¹ Say Katawan kuanto, Dengel yo ak, sikayon malabay a nilaban, sikayo ran onsisingger ed siak ya onkerew na tulong. Nunot yoy baton-dampay a nanlapwan yo, say panagtabasan na bato ya akatabasan ed sikayo.

Isaias 51:1 Iomraidhean Croise

2 Saray Awaran 15:2

insan linman inmabet ed Ari Asa. Inkuanto, “Dengel mo ak, Ari Asa, tan amin yon totood Juda tan Benjamin! Mansiansiad sikayo so Katawan, legan a mansiansia kayo ed sikato. No anapen yoy Katawan iyabuloy ton naalmo yo, balet no ibeneg yo ikaindan to kayo.

2 Saray Awaran 15:4

Balet nen sinmabiy segsegang, sinmingger irad Katawan a Dios na Israel. Inanap da et arumog da.

Saray Salmo 24:6

Sikarayan totoo so onsisingger ed Dios, tan oonlad arap na Dios nen Jacob.

Saray Salmo 94:15

Manari lamet so inkatonung ed saray korti, tan italindeg na amin a totoon matonung.

Probirbio 15:9

Kabosul na Katawan so kagagawa da ray totoon maoges, balet inaro to ray manggagaway kaptekan.

Probirbio 21:21

Mambilay kan mapangasi tan maptek, et andokey so bilay mo; pagalangan ka na arum a totoo tan ag da ka saolen.

Isaias 45:19

Ag ak nansalita ed maamut odino inamut koy getmak. Ag ko imbagad saray totood Israel ya anapen da ak ed maamut a pasen. Siak so Katawan, sasalitaen koy katwaan; Ipapaamtak no antoy maptek.”

Isaias 48:1

Dengel yo ya, sikayo ran totood Israel, sikayo ran totoon say sengeg yo et si Juda: Mansasamba kayod ngaran na Katawan tan ibabaga yon igagalang yoy Dios na Israel— balet anggapoy kabaliksan iray salita yo.

Isaias 48:12

Say Katawan kuanto, “Dengel kad siak, Israel, saray totoon pinilik! Siak si Siak, say sankaonaan, tan say sankaonuran!

Isaias 51:4

“Dengel yo ak, sikayo ran totook, dengel yoy ibabagak: Iter koy bangat ko ed saray bansa; mangiter ed sikara na liwawa iray ganggan ko.

Isaias 51:7

“Dengel yo ak, sikayon makaamta na inkatonung, sikayo ran mabmabli ed puso, yoy bangat ko. Ag kayo natatakot no balbalawen tan pabpabaingan kayo na saray totoo;

Isaias 55:6

Pawil kayod Katawan tan mampikasi kayod sikato, natan ta asingger ni.

Isaias 65:10

Igalang da ak tan ipastol da ray karniro tan saray baka ra ed Patar na Saron diad sagur tan diad Patar na Gunigon diad bokig.

Amos 5:6

Singger kayod Katawan, et mambilay kayo. No ag kayo onsingger ed Katawan, sikatoy mamalanit a singa apoy ed saray totood Israel. Poolan na apoy iray totood Betel, tan anggapoy makaerep ed pool.

Sofonias 2:3

Singger kayod Katawan, amin yon mapaabeban totoo ed bansa, sikayon manusumpal na saray ganggan to. Manggawa kayo na kaptekan, tan mampaabeba kayo ed arap na Katawan. Angangko napaliisan yoy dusa no agew ya idapo na Katawan so pasnuk to.

Mateo 5:6

“Maliket iray mampipilalek a manumpal na linaway Dios, ta iter tod sikaray pampilalekan da!

Mateo 6:33

Sikayo, balet, anap yon onona so Panarian na Dios tan say pambilay yon onung ed linawa to, et iter tod sikayoy amin a nakaukolan yo.

Saray Taga Roma 10:3

Lapud ag da amta so panamaandi na Dios ed kasalanay too, sineetan day angiletneg na dili ran polaing, tan ag ira tinmoluk ed panamaandi na Dios ed kasalanay too.

Saray Taga Roma 14:19

Kanyan nepeg tin panseetan a gawaen iray makapangiter na kareenan tan makapabiskeg na sakey tan sakey.

FILIPOS 3:13

Agagi, ag ko ipapasen ya agamuran ko la ya. Say gagawaen ko labat balet et say pangilingwan koy linmabas la tan say panseseet kon damputey walad arapen.

1 Timoteo 6:11

Balet sikan tooy Dios, paliisan mo ra yan amin. Seetan mon tombukey katonungan, kasantosan, pananisia, panangaro, panaganos, tan kinaoyamo.

2 Timoteo 2:22

Kanyan paliisan moy maoges iran pilalek na kalangweran. Manseet kan magmaliw a matonung, matoor, maaro, tan mambilay kan mareen, a kaibam iray totoon malinis so puso ran ontatawag ed Katawan.

Saray Hebreo 12:14

Gawa yoy anggaay nayarian yo a mikaarod amin a too tan mampasanto kayo, ta no ag ya gawaen na siopaman, ag to nanengneng so Katawan.