Isaias 50:8 - Maung A Balita Biblia

⁸ lapud asingger so Dios, tan paneknekan ton anggapoy kasalanan ko. Wala kasiy siopaman a makatepel a mangakusa ed siak? No wala, onla kamin dua ed korti, ta iparontal toy pangaakusaan tod siak.

Maung a Balita Biblia

⁸ Lapud asingger so Dios, tan paneknekan ton anggapoy kasalanan ko. Wala kasiy siopaman a makatepel a mangakusa ed siak? No wala, onla kamin dua ed korti, ta iparontal toy pangaakusaan tod siak.

Isaias 50:8 Iomraidhean Croise

Say Libro nen Job 13:19

O Dios, ondago kan mangakusa ed siak? No ondago ka, sipaparaan ak ya ag onesel tan ompatey.

Saray Salmo 119:151

Balet wala kad abay ko, Katawan, tan tuan amin iray ganggan mo.

Exodo 22:9

“Diad balang kolkolan a nipaakar ed pankayaryan na bengatlan, singa bilang baka, asno, karniro, kawes, odino antokaman ya abalang, saray duaran totoon mangakayaryan et nepeg iran niyakar ed pasen a panangigalangan. Say toon ibawag na Dios a sikatoy nankasalanan et nepeg a mambayar na dobli ed samay sakey a too.

Isaias 1:18

Say Katawan kuanto, “Gali dia natan, ta mampapalinewan itayo. Anggaman a marotarotak kayod kasalanan, pagmaliwen ta kayon malinis a singa yilo. Anggaman ya ambalangan singa dala iray kasalanan yo, pagmaliwen ta kayon singa kapotiy bagoy karniro.

Isaias 41:1

Say Dios kuanto, “Mandeen kayo tan dengel yo ak, sikayo ran arawin dalin! Mamparaan kayon mangiparontal na kaso yo ed korti; nawalaan kayoy pankanawnawan mansalita. Mantitipon tayon manimbang no siopay walad katonungan.

Isaias 41:21

Say Katawan ya ari na Israel kuanto: “Sikayo ran diriyos na bansa, iparontal yoy riklamo yo. Ipaway yo la ray sankaabigan a paneknek yo!

Isaias 43:26

“Onla ta ed korti; ipaway mo no antoy dalem mo! Iparontal mo ray pankatonungan mo a mamaneknek a dugay gagawaen mo!

Isaias 45:25

Siak, say Katawan, ilaban ko ray amin a kabyangan na boleg nen Jacob, et idayew da ak.

Isaias 54:17

Balet anggapoy armas a makapasakit ed sika; walay niebat mo ed amin a mangakusa ed sika. Iyagel ko ray aripen ko tan panaloen ko ra.” Say Katawan so nansalita.

Mateo 5:25

“No walay angisegep na kasod sika ed korti, miariglo ka ambegyan wala niy panaon, kasakbayan na bista. Ta no andi, ipalima to kad huis; say huis ipalima to kad polis a mangiprisod sika.

Deuteronomio 19:17

nepeg ya onla ran dua ed samay pasen a panangigalangan, tan sintinsiaan ira na saray pari tan saray huis a peles dan manlilingkur.

1 Timoteo 3:16

Anggapoy makapangibori no panoy kabaleg na niamut a katwaan na rilihion tayo. Sikatoy pinmanengneng a sakey a too, pinaneknekan na Ispiritu a sayan too et maptek, tan anengneng na saray anghil. Nipulong ed nandoroman bansa, sinisia na saray katoowan, tan niatagey ed tawen.

Puyan 12:10

Insan nadngel koy maksil a bosis ed tawen ya inkuanto, “Sinmabi lay pangilabay Dios! Impanengnengto lay pakayari ton Ari! Impanengneng la na Cristo so pakaoley to! Ta apataynan lad tawen so mangaakusan agew-labi ed saray agagi tayo, diad arap na Dios.