Isaias 50:6 - Maung A Balita Biblia

⁶ Intaryak so beneg ko ed saray nansiplat ed siak. Ag ko ra binaat nen pinabaingan da ak, nen binagut da ray balbas ko tan nilulukdaan day lupak.

Maung a Balita Biblia

⁶ Intaryak so beneg ko ed saray nansiplat ed siak. Ag ko ra binaat nen pinabaingan da ak, nen binagut da ray balbas ko tan nilulukdaan day lupak.

Isaias 50:6 Iomraidhean Croise

Nehemias 13:25

Nampasnukan ko ra may lalaki tan insambak ira. Pinepepekpek ko ra tan inggogonut ko ra. Impansambak ira diad ngaran na Dios ya ag la ra mangasawa na saray bibiin taga arum a bansa.

Say Libro nen Job 16:10

Elek-elekan ak na saray totoo; momokuten da ak insan da ak tamtampalen.

Say Libro nen Job 30:10

Kabosubosul da ak; abaloan dan ag ak manepeg ed sikara, tan ag da kawkawanan ingen a lukdaan ak ed lupa.

Saray Salmo 129:3

Sinusugat da na aralem so beneg ko, tan ginawa ran singa binakan alog.

Saray Salmo 69:7

Lapud sika alemlemew ak tan mapalaloy inkabaingan ko.

Saray Salmo 69:8

Singa ak sangkaili ed saray dilin agagik, singa ak toon nanlapud arum a bansa ed dilin pamilyak.

Isaias 53:5

Balet asugat-sugat lapud saray kasalanan tayo, apekpekpek lapud saray kaogsan a ginagawa tayo. Apaabig itayo lapud dusan nilikna to; lapud saray siplat a dinmadapod laman to pinmawil so gendat a biskeg tayo.

Isaias 53:7

“Mapalaloy inkairapan to, balet sipapaabeban nantepel; ag ton balut nambalikas na anggan sakey a salita. Aliling toy sakey a kordiron magano lan patasen, singa sakey a karniron magano lan katliay bago, ag ton balut nambalikas na anggan sakey a salita.

Saray Tagleey 3:30

Nepeg ya akoen tayoy amin a panamabaing tan panagkabil dad sikatayo.

Mikias 5:1

Sikayo ran totood Jerusalem, pantitipon yo ray sondalo yo! Aliktub itayo la! Dodogpaan da ray pangulo na Israel!

Saray Bilang 12:14

Inmebat so Katawan, “No sikatoy nilukdaan na ama to ed lupa, pitoy agew a nepeg a manakoy kababaingan. Kanyan papaway mon sakey simba ed kampo; kasumpal na satan a panaon nayari lan ipawil ed dalem na kampo.”

Mateo 26:67

Insan da niluklukdaay lupa to, tan kinakabil da. Inkuanda ray nantatampal ed sikato.

Mateo 27:26

Imbolus tod sikara si Barabbas, balet impapasiplatan toy Jesus tan inyawat ton ipasak ed krus.

Mateo 27:30

Nilulukdaan da, inala ra may bislak tan impapaspas dad olo to.

Mateo 5:39

Balet ibagak ed sikayo natan: ag kayo ombabawi ed siopaman a nanggaway maoges ed sikayo. No walay manampal ed kawanan ya aping mo, ipatampal mo niy kawigin aping mo.

Marcos 14:65

Ginapoan na saray arum a nilulukdaan si Jesus tan pinerengan da. Kinakabil da tan kuanda, “Ibagam pa no siopay angabil ed sika?” Inala na saray guardia, insan da met tinatampal.

Marcos 15:19

Pinapaspas day olo to tan nilulukdaan da, insan ira nantatalimukor a mangigalang ed sikato.

Juan 18:22

Kapangibaga nen Jesus ed saya, tinampal na sakey ed saray guardian wadman. “Akin et ontay kakaebat mod Pangulon Pari?” tinepet to.

Saray Hebreo 12:2

Ag tayo nepeg ya alisay mata si Jesus a sikatoy nanlapwan tan pansumpalay pananisia tayo. Lapud liket a manaalagar ed sikato, ag to imbaing so ompatey ed krus, tan akayorung natan ed nikawanay trono na Dios.