Isaias 50:1 - Maung A Balita Biblia

¹ Say Katawan kuanto, “Abaloan yo amon pinataynan ko ray totook a singa sakey a lakin angisian na asawa to? Kawalaan sirin na saray kasulatan na impansian? Abaloan yo amon inlako ta kayo ed inkadakep a singa sakey a too ya inlako ton aripen iray anak to? Andi, adakep kayod arawi lapud saray kasalanan yo; apataynan kayod arawi lapud saray kaogsan a ginagawa yo.

Maung a Balita Biblia

¹ Say Katawan kuanto, Abaloan yo amon pinataynan ko ray totook a singa sakey a lakin angisian na asawa to? Kawalaan sirin na saray kasulatan na impansian? Abaloan yo amon inlako ta kayo ed inkadakep a singa sakey a too ya inlako ton aripen iray anak to? Andi, adakep kayod arawi lapud saray kasalanan yo; apataynan kayod arawi lapud saray kaogsan a ginagawa yo.

Isaias 50:1 Iomraidhean Croise

1 Saray Arari 21:25

Anggapoy manoley a singa si Acab a sigput so impanggawa toy kaogsan ed arap na Katawan—si asawa ton Jezebel so nantatanggoyur ed sikato.

2 Saray Arari 17:17

Insaklang dan bagat a popoolan ed saray paganon diriyos iray anak dan lalaki tan bibii; angipanonan da ray manangipanon ed saray ispiritu na inatey tan saray managparles, tan sigput dan ginawa ray maoges ed arap na Katawan, kanyan impanpasnuk da.

2 Saray Arari 4:1

Linmad kinen Eliseo so sakey a biin balo na sakey a kabyangan na grupo da ray propita tan kuanto, “Inatey lay asawak! Amta yo met la a walay takot tod Dios imay asawak, balet linmad siak so lakin akautangan to, ta aalaen ton aripenen iray duaran lalakin anak ko a pinagkabayar na utang na asawak.”

Nehemias 5:5

Nampaparay dala mi, sikami tan saray kapara min Judio. Anggapoy pidomaan na saray anak mi ed saray anak da. Balet akin et nakaukolan a gawaen min aripen iray anak mi? Nilako lan aripen iray arum ya anak min bibii. Pangaskasiyan kami, lapud nala la ray kaalogan tan kaubasan mi.”

Ester 7:4

Saray totook tan siak et nilako kamin pateyen. No nilako kamin aripenen labat komun, andi bali la; ag ak la komun onesel, tan ag ta ka la sigensigenen nipaakar ed saya. Balet ngalngali da kami la pateyen, paandipaten!”

Saray Salmo 44:12

Mamurmuray impangilakom ed saray dilin totoom, a singa anggapoy kablian da.

Exodo 21:7

“No say sakey a laki et ilako ton aripen so anak ton bii, sayan bii et naitdan na kawayangan ya aliwan singa pangiter na kawayangan ed saray lalakin aripen.

Isaias 1:28

Balet deralen toy balang sakey a mankakasalanan tan onlalaban ed sikato; pateyen toy siopaman a mangikaindan ed sikato.

Isaias 27:8

Dinusa na Katawan iray totoo to diad panamegley na impangibantak tod sikara ed arum a bansa. Impaibantak to ra ed mabiskeg tan maruksan dagem a nanlapud bokig.

Isaias 43:27

Say sankaonaan a lakim et nankasalanan; nankasalanan ed siak iray pangulom,

Isaias 46:8

“Tandaan yo ya, sikayo ran makasalanan; nudnunot yo ray ginagawak.

Isaias 52:3

Say Katawan a Dios kuantod saray totoo to, “Nen nagmaliw kayon aripen, anggapoy kuartan imbayar; ontan met anggapoy kuartan ibayar diad panondon ed sikayo.

Isaias 54:6

Israel, singa ka malangwer ya asawan bii, a tinaynan na asawa to kanyan mapalaloy segsegang mo. Balet tinawag ka lamet na Katawan a kuanto,

Isaias 54:7

“Diad maganon bekta tinaynan ta ka; balet lapud ontan lan panangarok ed sika sayakopen ta ka.

Isaias 58:1

Say Katawan kuanto, “Eyag kayod anggaay nayarian yo! Ibaga yod saray totook ya Israelita iray kasalanan da!

Isaias 64:6

Nankasalanan kamin amin; marotarotak a tuloy so anggan say sankaabigan lan gagawaen mi. Lapud saray kasalanan mi singa kami saray amagaan a bolung ya intitikyab na dagem.

Jeremias 3:1

Say Katawan kuanto, “No isian na sakey a laki so asawa to, tan ontaynan la may bii, insan naasawa na sananey a laki, samay angisian ag to la nababawi may insian to. Dotakan a sigput na onya so bansa. Balet, Israel, amayamay so kainarowan mo et, natan, labay moy ompawil ed siak!

Jeremias 3:8

Anengneng met na Juda ya insian koy Israel tan pinataynan ko, lapud inkaindan to ak tan nagmaliw a marotak a bii. Balet ag tinmakot so Juda ya aliwan matoor a biin agi na Israel. Nagmaliw met a marotak a bii,

Jeremias 4:18

Juda, sika met ni lamlamang so nanlapwan ed saya lapud impanbilay mo tan lapud saray ginagawam. Say kasalanan mo so makasengeg ed sayan kairapan; tinoruk ton tinalus so pusom.

Oseas 4:5

Labi-agew a manggagawa kayoy kaogsan; ontan da met iray propita. Deralen ko so Israel ya ina yo.

Levitico 25:39

No magmaliw a mairap so bilay na kapara yon Israelita a kaabay yo tan ilako tod sikayo so sikaton dili ya aripen, ag yo pankikimeyen a singa sakey ya aripen.

Mateo 18:25

Anggapoy nibayar to, kanyan ingganggan na ari a sikatoy ilako, pati say asawa to, saray anak to, tan amin a kayaryan to, pian makabayar.

Deuteronomio 32:30

Akin et tinalo na sakey a too so sanlibon totoo, tan duara so samplon libo? Say Katawan a Dios da et inkaindan to ra; say makapanyarin Dios da impalima to rad kalaban da.