Isaias 5:5 - Maung A Balita Biblia

⁵ “Onya so gawaen kod samay kaubasan ko: Baguten ko ray dikad kaliber-liber to, igebak iray padir a mangyaagel, tan abuloyan ko ray ayayep ed katakelan a mambuwag tan manggatin-gatin ed kaubasan ko.

Maung a Balita Biblia

⁵ Onya so gawaen kod samay kaubasan ko: Baguten ko ray dikad kaliberliber to, igebak iray padir a mangyaagel, tan abuloyan ko ray ayayep ed katakelan a mambuwag tan manggatin-gatin ed kaubasan ko.

Isaias 5:5 Iomraidhean Croise

Genesis 11:4

Insan inkuanda, “Mangipaalagey tayoy sakey a siudad a walay tori ton toktokdulen toy tawen, pian ombantug itayo ta ag la pigan nikaykayat itayod intiron mundo.”

Genesis 11:7

Onakseb itayo tan pandoromaen tayoy salita ra, pian ag ira makapantatalusan.”

Nehemias 2:3

tan inmebat ak, “Andokey ni komun so pambilay yo, Kagalang kon Impirador! Panon a niamut so ermen ko no say siudad ya angipomponan ed saray lalakik et aderalderal tan saray puirta to et dineral na apoy?”

Saray Salmo 89:40

Ginebam iray padir na siudad to, tan dineral mo ray tirinsira to.

Saray Salmo 89:41

Amin da ray ondadalan tatakewan da; elek-elekan na saray kakaabay to.

Probirbio 24:31

Napno ra na saray masabit a tanaman tan saray dikarika. Ageba ray padir ed kaliber-liber da.

Ecclesiastes 3:3

Say panaon na pampatey tay say panaon na pampaabig, say panaon na pangigeba tan say panaon na pamaalagey.

Isaias 10:6

Imbakik so Asiria ya ondogpa ed sakey a bansan anggapoy Dios to, diad saray totoon amapetang na olok. Imbakik iray taga Asiria a mansamsam, mantakew, tan mangigatin-gatin ed saray totoo a singa ra dotak ed saray dalan.”

Isaias 25:10

Iyagel na Katawan so Palandey na Sion, balet nigatin iray totoo ed Moab a singa kigatin na dayami ed tai na ayep.

Isaias 28:18

Magmaliw ya andi-kana so impisipanan yod patey, tan naderal so impipaknaan yod pasen a panaayaman da ray inaatey. Natumba kayon nibasig, no ondalan ed sikayoy deral.

Isaias 28:3

Nagatin-gatinan so panagpaatagey na saray pangulo.

Isaias 32:10

Nayarin malikeliket so panagbilay yo natan, balet diad arapen a taon ed onyan panaon manermen kayo lapud anggapoy naborbor yon bungay ubas.

Jeremias 18:11

Natan sirin, ibagam ed saray totood Juda tan saray taga Jerusalem a walay getmak a sumpaen ira tan ipaparaan koy panusak ed sikara. Ibagam ed sikara a tondaan da lay maoges a panagbilay da—salatan da lay kabibilay da tan bengatlan gagawaen da.

Jeremias 21:4

ya ibaga rad kinen Sedekias a say Katawan a Dios na Israel kuanto, “Sedekias, taloen ko ray sondalom a pilalabanen mo sumpad ari na Babilonia tan saray sondalo to. Ibunton kod pegley na siudad iray armas yo.

Jeremias 28:8

Saray propitan nansalita nen abayag lan panaon kasakbayan na panaon ko tan panaon mo, impropisiya ray idalan na bakal, eras, tan salot ed saray amayamay a bansa tan saray makapanyarin nanarian.

Jeremias 45:4

“Balet siak a Katawan, babagbagen ko so impaalagey ko tan babaguten ko so intanem ko. Gawaen ko ya ed intiron mundo.

Saray Tagleey 1:15

“Inelekan na Katawan ya amin iray makapanyarin sondalok; Angibaki na saray sondalon ondogpa ed siak tan maneral ed saray lalakin tobun-balo. Minekmek to ray sankaabigan a totook a singa kapepespes na saray ubas ed panagpespesan.

Saray Tagleey 2:6

Minekmek toy Timplo ya angigalangan mid sikato; Pinatonda to ray masanton agew tan saray Agew na Panagpainawa. Ari may pari, alikna ray biskeg na petang na olo to.

Saray Tagleey 4:12

Anggapoy siopaman ed anggan iner a pasen, anggan saray manoley ed saray arum a bansa, so anisian walay kalaban a makaloob ed saray puirta na Jerusalem.

Daniel 8:13

Insan ko nadngel so sakey ya anghil ya anepet ed kapara ton anghil, “Kapigay pangangga na saraman a bengatlan anengneng ed pasingayew? Kapigay pangangga na sakey a makapasinagem a kasalanan a sinmalat ed inagew-agew iran bagat? Kapigay pangangga na pakagatin-gatin ed saray sondalo ed tawen tan say Timplo?”

Oseas 2:12

Deralen koy kaubasan to tan saray kakiewan ton igos, ya onung ed imbaga to iniiter ed sikato na saray kainarowan to, lapud panlilingkur tod sikara. Pagmaliwen kon kalawakan iray kaubasan to tan saray kakiewan to; deralen ira na saray ayayep ed katakelan.

Oseas 2:14

Kanyan iyakar ko lamet ed kalawakan yan bii; diman ko pandaleman na panangarok pian napapawil kod siak.

Lucas 21:24

Ompatey irad ispada, awiten da ran aripenen ed amin a bansa, tan deralen na saray Hintil so Jerusalem, anggad nasumpal so panaon da.”

Puyan 11:2

Balet ag mo la susukaten so kuarton walad paway na timplo, ta niiter lad saray Hintil, a sikaray manggatin-gatin ed Masanton Siudad ed loob na apataplo tan duay bulan.