Isaias 5:30 - Maung A Balita Biblia

³⁰ No onsabi tan ya agew, singa kakasil na ungol na dayat so panungol dad Israel. Nengneng yo yan bansa! Kabilongetan tan kaermenan! Inakmun na bilonget so liwawa.

Maung a Balita Biblia

³⁰ No onsabi tan ya agew, singa kakasil na ungol na dayat so panungol dad Israel. Nengneng yo yan bansa! Kabilongetan tan kaermenan! Inakmun na bilonget so liwawa.

Isaias 5:30 Iomraidhean Croise

Ecclesiastes 12:2

Saraya so panaon a say liwaway agew, say bulan, tan saray bitewen et ombilonget la rad matam, tan ag la naandi so oran na lorem.

Isaias 13:10

Ontondan onsinag iray bitewen tan amin da ray onsisinag a walad liwang, ambilonget so agew no ompaway, tan ag onsinag so bulan.

Isaias 13:4

Dengel yoy ingal ed kapalandeyan—say ingal da ray amayamay a totoo, say ingal da ray mantitipon a bansa tan nanarian. Ipaparaan na Katawan na saray Sondalo iray sondalo ton mibakal.

Isaias 17:12

Agolo-golo ray bansa tan manungol ira a singa panungol na ankakabaleg a daluyon na dayat.

Isaias 30:6

Sikato yay sinalita na Dios nipaakar ed saray ayayep ed kalawakan diad abalaten: “Saramay imbaki ondadalan irad maatap a kalawakan a panaayaman na saray lion tan wala ray maditan oleg tan mantikyab a dragon. Saray beneg na saray asno tan saray kamilyo et pinano ra na saray mabmablin rigalo ya iter dad bansan ag makatulong ed sikara.

Isaias 59:9

Saray totoo kuanda, “Amta tayo la natan no akin et ag itayo iyagel na Dios ed saray mamapairap ed sikatayo. Pampipilalekan tayoy liwawan pankurangan, balet bilonget labat ya amin so wala,

Isaias 8:22

odino onnengneng irad dalin, balet anggapoy arum a nanengneng da no ag say gunigon tan kabilongetan, say makapataktakot a kabilongetan ya akaibantakan da.

Jeremias 13:16

Pagalangan yoy Katawan a Dios yo, kasakbayan a mangyakar na kabilongetan, tan natumtumba kayod kapalandeyan; kasakbayan a pagmaliwen ton ambilbilonget so iilaloan yon liwawa.

Jeremias 30:5

“Nadngel koy makapataktakot ya eyag, sakey ya eyag a mangiter na takot, aliwan kareenan.

Jeremias 50:42

Inala da la ray pana ra tan saray ispada ra; maruksa tan anggapoy panangasi ra. Singa manungol a dayat so tanul da, legan dan mamapakoyat na saray kabayo ra. Akaparaan iran mibakal ed Babilonia.

Jeremias 6:23

Inaala ray pana tan saray ispada ra; maruksa tan anggapoy panangasi ra. Singa ungol na dayat so tanul da no papabatiken da ray kabayo ra. Sipaparaan iran mibakal sumpad Jerusalem.”

Saray Tagleey 3:2

Sinonson to ak lan sinonson ed kabilongetan ya anggapo lan balut so liwawa.

Ezekiel 26:3

“Natan sirin, saya so ibabagak, siak a Katawan a Dios: Siak so kalaban mo, sikan siudad na Tiro. Mangyakar ak na amayamay a bansan ondogpad sika, tan singa saray daluyon so isabi ra.

Joel 2:10

Diad idadalan da nayeyegyeg so dalin; nayayakayak so tawen. Ombibilonget so agew tan say bulan, tan ag la onsisinag ira bitewen.

Amos 5:18

Pangaskasiyan so kipapasen yo, sikayo ran mampilalek ed isabi na agew na Katawan! Antoy kaabigan a niiter ed sikayo na saman ya agew? Para sikayo, saman ya agew et agew na kabilongetan, aliwan agew nan liwawa.

Amos 8:9

Onsabiy panaon a paseleken ko so agew no kaagwan tan pabilongetan ko so mundo no agew. Siak, say Katawan a Dios, so nansalita.

Mateo 24:29

“Kasumpal na satan a kairapan, ombilonget so agew tan ag la onsinag so bulan. Napelag iray bitewen a manlapud tawen, tan saray pakayarid liwang ag da natombuk so gendat a kinaoksuy da.

Puyan 6:12

Ninmengneng ak nen inekal na samay Kordiro so kumanem a timbri. Yinmegyeg na makmaksil, dinmeket a singa baliwan so agew, tan binmalangan singa dala so intiron bulan.