Isaias 5:28 - Maung A Balita Biblia

²⁸ Matdem iray pana ra, tan akaparaan a mamana iray pana ra. Anawet a singa bato iray kokoy kabayo ra, tan singa alimbusabos so katetelek na saray bokel na karwahi ra.

Maung a Balita Biblia

²⁸ Matdem iray pana ra, tan akaparaan a mamana iray pana ra. Anawet a singa bato iray kokoy kabayo ra, tan singa alimbusabos so katetelek na saray bokel na karwahi ra.

Isaias 5:28 Iomraidhean Croise

Saray Salmo 120:4

Dusaen to kayod panamegley na saray maotuk a panay sondalo, diad panamegley na saray ampetapetang a ngalab!

Saray Salmo 45:5

Matdem iray tarem na panam; tuturoken day kapusoan na saray kalaban mo, saray bansa ondadakmomo rad saliyan mo.

Isaias 13:18

Pateyen dad pana iray tobun-balon lalaki. Ag da kasian iray ogogaw.

Isaias 21:1

Sikato yay propisiya a nipaakar ed Babilonia. Say deral a manlalapud makapatak-takot a pasen et onsabin singa alimbusabos ya ombebeltang ed kalawakan.

Isaias 66:15

Say Katawan onsabin kaiba toy apoy. Onlogan ed saray payak na bagyo no dusaen to ray pamapasnukan to.

Jeremias 4:13

Nengneng yo, onsasabin singa lorem so kalaban. Singa alimbusabos iray karwahi to; mabatik nen saray agila iray kabayo to. Pangaskasiyan iti la! Aderal itayo la!

Jeremias 47:3

Narengel da ray kutdang na saray kabayo, say pampanaspas na saray karwahi, say tanul na pantetlek da ray dalig. Ag la pawilen na saray ama iray anak da; laoylaoy iray taklay da.

Jeremias 5:16

Mamatey ya andi-panangasi iray pumapana ra tan matalonggaring ya amin so sondalo ra.

Ezekiel 26:11

Paalimbosabosen na saray sondalon akakabayo iray daladalan mo, tan pateyen da diad panamegley na ispada iray totoom. Nagebad dalin iray mabiskeg a lusek mo.

Ezekiel 38:9

Sikato tan saray amayamay a sondalo to a pati saray amayamay a bansa et dogpaan dan singa ra kaloreman ya onlaknab ed saman a dalin.”

Daniel 11:40

“No ngalngali la mansamput so panoley na ari na Siria, ondogpad sikato so ari na Egipto, et say ari na Siria iyoput toy pakayari ton onlaban ya ipakana to ray karwahi, saray kabayo, tan amayamay a bapor. Singa danum a delap ya onagos so iloob tod saray amayamay a bansa.

Mikias 4:13

Say Katawan kuanto, “Totood Jerusalem, laka yo, ta dusa yo ray kalaban yo! Pagmaliwen ta kayon singa mabiskeg a bakan kalakyan a balatyang iray saklur to tan gansa ray koko to. Temeken yo ray amayamay a bansa, tan iyapay yod siak a Katawan na intiron mundo iray kayamanan a sinasamsam da.”

Nahum 3:2

Dengel yo! Say sanotsut na lewet, say kalarakar na saray dalig, say banesbes da ray kabayo, say dalagorug na saray karwahin para bakal!

Saray Huis 5:22

Insan mapanaspas a sinmabi ray kabayo, a mabanegbeg ed dalin iray sali ra.