Isaias 5:25 - Maung A Balita Biblia

²⁵ Mamapasnuk so Katawan ed saray totoo to tan inyonat toy lima ton manusad sikara. Nayegyeg iray kapalandeyan, tan natilak a singa dotak ed saray dalan iray bangkay da ray ompatey. Anggaman onyay nagawa ag onkepay pasnuk na Katawan, tan siansian akaonat niy lima ton manusa.

Maung a Balita Biblia

²⁵ Mamapasnuk so Katawan ed saray totoo to tan inyonat toy lima ton manusad sikara. Nayegyeg iray kapalandeyan, tan natilak a singa dotak ed saray dalan iray bangkay da ray ompatey. Anggaman onyay nagawa ag onkepay pasnuk na Katawan, tan siansian akaonat niy lima ton manusa.

Isaias 5:25 Iomraidhean Croise

1 Saray Arari 14:11

Kanen na saray aso so siopaman ya ompatey ed siudad a kabyangay pamilyam, tan siraen na saray manok a buitri so siopaman ya ompatey ed maawang ya alog. Siak a Katawan so nansalita.’”

1 Saray Arari 16:4

Kanen na saray aso so angkay na siopaman a kabyangay pamilyam ya ompatey ed siudad, tan siraen na saray manok a buitri so bangkay na siopaman ya ompatey ed kaalogan!”

1 Saray Arari 21:24

Kanen met na saray aso so bangkay na siopaman a kakanayon mon ompatey ed siudad, tan kanen na saray buitri so bangkay na siopaman ya ompatey ed kaalogan.” (

2 Saray Arari 13:3

Lapud saya, akapasnuk ed Israel so Katawan, kanyan inabuloyan toy Hazael na Siria tan si anak ton laki a si Ben-hadad a tinalo ran amimpiga so Israel.

2 Saray Arari 9:37

Nabuybuyak a singa dotak so bangkay to tan anggapoy makabirbir ed sikato.’”

2 Saray Awaran 36:16

Balet niludlurey da ray totoon imbabaki na Dios, ag da dinengel iray salita to, tan inelek-elekan da ray propita to. Diad kaonuran, ontan lay pasnuk na Katawan ed sikara kanyan ag la ra makapaliis.

Say Libro nen Job 9:13

Ag napakepa so pasnuk na Dios. Pinapatey to ray kalaban to a tinmulong ed Rahab, Say dragon na dayat ya onsusumpad sikato.

Saray Salmo 106:40

Kanyan amasnuk so Katawan ed saray totoo to; naingungotan ed sikara.

Saray Salmo 114:7

Giwgiw ka, O sankamundoan, diad isabiy Katawan, diad arap na Dios nen Jacob,

Saray Salmo 18:7

Insan ginmiwgiw tan yinmegyeg so dalin; ginmalaw tan ayegyeg iray pundasion na kapalandeyan tan amasnuk so Dios.

Saray Salmo 68:8

yinmegyeg so dalin, tan angipelag na oran so tawen, lapud isabiy Dios na Sinai, say isabiy Dios na Israel.

Saray Salmo 77:18

Tinmolin-tolin so dalagurog na karul mo, tan niliwawaan na kirmat so intiron mundo; ayakayak tan ayegyeg so dalin.

Saray Salmo 78:38

Balet say Dios mapangasid saray totoo to. Pinirdona to ray kasalanan da tan ag to ra pinatey. Naynay a pinokpokan toy pasnuk to, tan pinabetel toy petang na olo to.

Saray Salmo 83:10

Tinalom irad Endor, tan aboluk-boluk ed dalin iray bangkay da.

Exodo 7:19

Say Katawan kuantod kinen Moises, “Ibagam ed kinen Aaron ya awiten to may baston to tan iyatagey ton ipetek ed tapew na amin ya ilog, banawang, tan amin a dipositoway danum ed Egipto. Et say danum magmaliw a dala tan nawalaan na dala so intiron dalin ya anggan diad saray kiew tan baton pananginay danum.”

Isaias 10:4

Napatey kayo ed bakal odino naala kayon priso. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Isaias 10:6

Imbakik so Asiria ya ondogpa ed sakey a bansan anggapoy Dios to, diad saray totoon amapetang na olok. Imbakik iray taga Asiria a mansamsam, mantakew, tan mangigatin-gatin ed saray totoo a singa ra dotak ed saray dalan.”

Isaias 14:19

balet anggapoy pantion mo tan nibantak a naboluk so bangkay mo. Atabunan na saray bangkay da ray sondalon apatey ed bakal; nibantak a pati sikara ed mabaton abut, tan agatin-gatinan.

Isaias 23:11

Inyonat la na Katawan so lima tod tapew na dayat tan tinatalo to ray nanarian. Ingganggan to a deralen dad Fenicia iray pasen a kawalaay ankakabaleg a nigosio.

Isaias 25:11

Ikapay day lima ran singa ra onlangoy, balet say Dios paabebaen to ra; makapasinagem ya onlereg so lima ra.

Isaias 29:2

insan say Dios iyakar toy deral ed siudad a tatawagey “altar na Dios.” Niwalad satan so panakis tan panagugol, tan say intiron siudad et magmaliw a singa altar a naames na dala.

Isaias 42:25

Lapud saya indapo tod sikatayoy pasnuk to tan impanirap to tayod bakal. Singa apoy ya amool ed intiron Israel so pasnuk to, balet ag tayo atalusan no antoy kabaliksan na nagagawa; ag tayon balut akaaral ed agawa.

Isaias 51:20

Diad suyok na balang dalan mamparogsod kapoy iray totoom; singa ra ulsan narel ed iket na umaanop. Alikna ray sulit na pasnuk na Dios.

Isaias 64:3

Wala may panaon a dinmago ka tan nanggawa ka na saray makapataktakot a bengatlan ag mi inilaloan. Anengneng ka na saray kapalandeyan tan ginmiwgiw irad takot da.

Isaias 66:15

Say Katawan onsabin kaiba toy apoy. Onlogan ed saray payak na bagyo no dusaen to ray pamapasnukan to.

Isaias 66:24

“No onsisiput ira, nanengneng da ray bangkay na saray linmaban ed siak. Ag balut ompatey iray bigis a mangan ed sikara, tan ag balut naerep so apoy a mamool ed sikara. Makapaingungot ed amin a katoowan so nengneng da.”

Isaias 9:11

Sinogsogan na Katawan iray kalaban da a dogpaan da ra.

Isaias 9:16

Saray mangiwawanwan ed sarayan totoo et imbalang da ra tan sigput da ran ginewgew.

Isaias 9:17

Ag yabuloy sirin na Katawan a makabatik so siopaman ed saray tobun-balo, tan ag to kasian so siopaman ed saray balo tan saray olila, lapud anggapoy Dios da ray amin a totoo tan maoges ira tan kaogsan ya amin so sasalitaen da. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Isaias 9:20

Diad intiron bansa saray totoo alaen tan kanen day antokaman a naakan da, balet ag iran balut napesel. Kanen day anggan saray dilin anak da!

Isaias 9:21

Saray totood Manases tan saray totood Efraim et manlalaban ira, tan mammomoyung iran ondogpa ed Juda. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Jeremias 15:3

Siak, say Katawan, ginetmak lan apatiran makapasinagem a segsegang so ondalan ed sikara: napatey ira; bingbingkasen na saray aso iray bangkay da; kanen na saray manok iray bangkay da, tan buagen na saray ayayep ed katakelan iray nakeraan.

Jeremias 16:4

Ompatey irad ambelat a sakit. Anggapoy manermen ed ipatey da, tan ag ira nipompon. Magmaliw a singa taiy ayep ya abunton ed dalin iray bangkay da. Napatey irad bakal, odino ompatey irad eras, tan buagen na saray manok tan saray ayayep ed katakelan iray bangkay da.

Jeremias 17:4

Napasoot kayon mangikban na dalin ya inter kod sikayo. Pagmaliwen ta kayon aripen na saray kalaban yo diad dalin ya ag yo kabat, lapud say pasnuk ko et singa apoy, tan ondalang ya anggad angga.”

Jeremias 4:24

Binantag ko ray kapalandeyan—nayeyegyeg ira, tan saray kapokdulan mambabayes ira.

Jeremias 4:8

Kanyan mansolung kayoy sako, mannangis tan manermen kayo, lapud ag nakal ed Juda so ontan lan sanuk na Katawan.

Jeremias 6:12

Niiter ed saray arum iray kaabungan da; ontan met ed saray kaalogan da tan saray kaasawaan da. Dusaen ko ray totoo ed sayan dalin.

Jeremias 8:2

Natipon tan nipompon ira komun, balet magmaliw iran singa saray taiy ayayep ya ataytayak ed dalin. Nitayak irad arap na agew, bulan, tan saray bitewen ya inaro tan nanlingkuran na sarayan totoo; angipanonan tan angigalangan da ra.

Jeremias 9:22

Ataytayak iray bangkay na saray totoo, singa ra nikaykayat a tai na ayayep ed kaalogan, singa ra ginapas tan intilak na saray umaani, tan anggapoy manipon na ilik. Sikato yay papaibaga na Katawan ed siak.”

Saray Tagleey 5:22

Odino andi-anggaan lay impangikaindan mod sikami? Ag la manganggay pasnuk mod sikami?

Ezekiel 15:6

Natan saya so ibabaga na Katawan a Dios: “No panon a say wakal et naalad takel tan napoolan, ontan met so pangalak ed saray totoon manaayam ed Jerusalem,

Ezekiel 30:25

On, pakapoyen ko so ari na Egipto tan pabiskegen ko so ari na Babilonia. No iter kod sikato so ispadak tan itoro tod Egipto, naamtaan na balang too a siak so Katawan.

Ezekiel 6:14

On, onla ak a maneral ed bansa ra. Say bansa ra et pagmaliwen kon andi-kakanaan tan begtebegtew a pasen, manlapud niabalaten a kalawakan ya anggad siudad na Ribla diad baybay; napibaliy amin a pasen a panaayaman da ray Israelita. Diad satan naamtaan dan amin a siak so Katawan.”

Daniel 9:16

Nen saman inyaagel mo kami lapud pakayarim, kanyan ag ka pa la mamapasnuk ed Jerusalem. Siudad tan masanton pokdul mo so Jerusalem. Balbalawen na amin a totoo ed saray kaliber-liber a bansa so Jerusalem tan saray totoom, lapud saray kasalanan mi tan saray maoges a ginagawa da ray lalaki mi.

Oseas 14:4

Say Katawan kuanto, “Papawilen kod siak iray totook. Aroen ko ra ed intiron pusok; nakal lay pasnuk kod sikara.

Amos 8:8

Kanyan onyegyeg so mundo tan manermen so balang sakey a manaayam ed tapew na dalin. Nayegyeg so intiron bansa; onatagey tan nakusbo a singa Ilog na Nilo.

Mikias 1:4

Insan diad silong to natonaw iray kapalandeyan, natonaw iran singa katonaw na ispirmad apoy; onibung irad saray patar, singa danum ya onaagos a nanlapud kapokdulan.

Nahum 1:5

Diad arap na Katawan nayeyegyeg iray kapalandeyan; natotonaw iray kapokdulan. Nayeyegyeg so dalin no ompapatnag so Katawan; manggiwgiw so mundo tan amin da ray katoowan.

Habacuc 3:10

Nen anengneng ka na kapalandeyan ginmiwgiw ira; naibung so danum manlapud saray tawen. Inmungol iray danum ed dalem na dalin, tan binmabaleg iray daluyon da.

Sofonias 1:17

Say Katawan kuanto, “Iyakar ko yan deral ed saray katoowan, pian balang sakey et kumarapas a singa bulag. Nankasalanan irad siak, kanyan natan naibung a singa danum so dala ra, kitongilang a naboboluk ed dalin iray bangkay da.”

Deuteronomio 31:17

No ontan so nagawa mampasnuk ak ed sikara; ikaindan ko ra, et ompatey ira. Amayamay so ondalan ed sikaran makapataktakot a deral, et nabirbir da ya agawa ra yad sikara lapud andi ak lad sikara, siak a Dios da.

Deuteronomio 31:18

Ag ko rad satan tulongan lapud maoges so ginawa ra tan angigalang irad saray diriyos.

1 TESALONICA 2:16

Labay da ni ingen a patondaen kami ed pangipupulong mid saray Hintil na Maung a Balitan kilabanan da. Napno da lay bayung na kasalanan, kanyan sinmabin siansiay pasnuk na Dios ed sikara!

Puyan 20:11

Kasumpal to ya, anengneng koy baleg a tronon ampoti tan say akayorung diman. Naandipat so tawen tan dalin ed arap to, tan ag la ran balut anengneng.