Isaias 5:24 - Maung A Balita Biblia

²⁴ Kanyan natan, no panon a napoolan so dayami tan amagan dika, ontan met a naboluk iray lamut yo tan namagaan iray rosas yo, insan ira itikyab na dagem, lapud impolisay yoy imbangat ed sikatayo na Katawan a Makapanyarin-amin a masanton Dios na Israel.

Maung a Balita Biblia

²⁴ Kanyan natan, no panon a napoolan so dayami tan amagan dika, ontan met a naboluk iray lamut yo tan namagaan iray rosas yo, insan ira itikyab na dagem, lapud impolisay yoy imbangat ed sikatayo na Katawan a Makapanyarin-amin a masanton Dios na Israel.

Isaias 5:24 Iomraidhean Croise

2 Saray Arari 19:22

Siopay abaloan mon papabaingan tan luludlureyen mo? Ag mo ak pinagalangan, siak a masanton Dios na Israel.

Nehemias 9:26

“Balet kinalaban ka na saray totoom tan ag da ka inonur; binenegan day Ganggan mo. Pinapatey da ray propitan mamapasakbay ed sikara, saray propitan mangibabagad sikaran ompawil irad sika. Pinapabaingan da kan amimpigapiga na saray totoom,

Say Libro nen Job 18:16

Amagaan iray lamut to tan nalnes iray sanga to.

Say Libro nen Job 8:17

Ombabaliber ed saray bato iray lamut da tan ompepeket ira ed balang baton-dampay.

Saray Salmo 50:17

Ag yo labay so pamepetek kod sikayo, ipopolisay yo ray ganggan ko.

Exodo 15:7

Diad talonggaring na katageyan mo tataloen mo ray kalaban mo; ondadalang so pasnuk mo tan popoolan mo ran singa dayami.

Exodo 5:12

Kanyan saray Israelita linma ra ed intiron dalin na Egipto a nanaanap na dayami.

Isaias 1:31

No panon a napadalang na anggan melmelag ya apoy so amagan dayami, ontan met a naderal iray makapanyarin totoo diad panamegley na saray dilin maoges a gawgawa ra tan anggapoy makapatonda na kaderal da.

Isaias 1:4

Nadudusa ka, sika a makasalanan a bansa, sikayon marotak tan maoges a totook! Ikokotep ka na saray kasalanan mo! Impolisay moy Katawan a masanton Dios na Israel tan imbeneg mo.

Isaias 24:6

Lapud saya, insamba na Dios so dalin. Babayaran na saray totoo so ginagawa ra. Mandaiset lan mandaiset so nakekeraan a mabilay.

Isaias 26:11

Ag amta na saray kalaban mo a dusaen mo ra. Katawan, ipelag mo pa rad kababaingan tan panliknam pa ray kairapan; ipaliknam ed sikaray dusan imparaan mo. Ipanengneng mo pad sikara so ontan lan panangarom ed saray totoom.

Isaias 30:12

Balet say masanton Dios na Israel kuanto: “Ag yo labay a dengelen iray ibabagak, no ag ingen manmamatalek kayod panagduksa tan panagpalikdo.

Isaias 30:9

Sikaray totoon onsusumlang lawas ed Dios, matila ra lawas, tan ag da labay lawas so ondengel ed saray bangat na Katawan.

Isaias 47:14

“Aliling da naaniy dayami, et poolan iran paandipaten na apoy! Ag da anggan nilaban so sikaran dili— ag da natepelan so petang na dalang; aliwan makapinawa yan apoy a pandangdangan da.

Isaias 7:9

Aliwan mabiskeg so Israel nen say Samaria a manonan baley to, tan say Samaria aliwan mabiskeg nen si Ari Peca. “No aliwan malet so pananisiam, ag ka makapansiansia.”

Isaias 8:6

Inkuanto, “Lapud sarayan totoo et impolisay day mareen a danum na Sobul na Siloe, tan manggiwgiw irad arap di Ari Rezin tan Ari Peca,

Isaias 9:18

Say kaogsan na saray totoo et ondadalang a singa apoy a manemek na abeba ran kiew tan saray masabit a dika. Ondadalang a singa pool ed takel a mangipapaatagey na makapal ya asewek.

Isaias 9:19

Lapud pasnuk na Katawan a Makapanyarin-amin, say pananusa to et ondadalang a singa pool ed intiron dalin tan papateyen to ray totoo, tan balang sakey iyaagel toy sikaton dili.

Jeremias 6:19

Dengel ka, O mundo! Diad panusak ed maoges a plano da ra yan totoo, mangyakar ak na deral ed sikara, lapud ag da inonur iray salitak tan impolisay day bangat ko.

Jeremias 8:9

Abaingan iray makabat yon totoo; ag da amtay gawaen da tan apatitan ira. Impolisay da ray salitak; anton kakabatan so walad sikara natan?

Ezekiel 15:6

Natan saya so ibabaga na Katawan a Dios: “No panon a say wakal et naalad takel tan napoolan, ontan met so pangalak ed saray totoon manaayam ed Jerusalem,

Oseas 11:9

Ag ta ka dusaen ed pasnuk ko; ag ko la deralen lamet so Israel, Ta Dios ak, aliwan too. Siak a Masanton Dios, wala ed sika. Ag ta ka dagoen a deralen.

Oseas 5:12

Mangyakar ak na dusa tan deral ed saray totood Israel tan Juda.

Oseas 9:16

Saray totood Israel et singa ra sakey a tanaman ya amagaay lamut to tan ag makapambunga. Ag la ra makaanak, et anggaman a makaanak ira, pateyen ko ray inararo ran anak.”

Joel 2:5

Diad panlulukso rad kapalandeyan, mapanaspas iran singa saray karwahi; masalanosut iran singa dikan napopoolan. Mandarasig iran singa amayamay a sondalon akaparaan a mibakal.

Amos 2:4

Say Katawan kuanto, “Nankakasalanan iray totood Juda, kanyan andi-saew a dusaen ko ra. Impolisay da ray bangat ko tan ag da inonur iray ganggan ko. Imbalang ira na saray tila-tilan diriyos a nanlilingkuran na saray lalaki ra.

Amos 2:9

“Balet, totook, sikayo so makasengeg no akin et sigput kon dineral iray Amorreo, totoon singa kiew a sidro so kabaleg da tan singa kiew a robli so kabiskeg da.

Nahum 1:10

Napoolan kayo a singa kapoolan na saray alokut-lokut a sabitan tan amagaan a dayami!

Malakias 4:1

Say Katawan kuanto, “Onsabiy agew a napoolan a singa dayami iray mapaatagey tan maoges a totoo. Diad satan ya agew napoolan ira tan anggapoy nakeraan ed sikara.

Mateo 3:12

Sankabembenan toy bigaon pantaep to na trigo. Tiponen toy ilik ed kamalir to, balet poolan toy taep ed apoy ya ag balut naerep.”

Lucas 10:16

Inkuantod saray disipulo to, “Siopamay ondengel ed sikayo, siak so dengelen to. Siopamay mangipolisay ed sikayo, siak so ipolisay to; tan say mangipolisay ed siak, say angibakid siak so ipolisay to.”

Lucas 3:17

Sankabembenan toy bigaon pantaep to na trigo. Tiponen toy ilik ed kamalir to, balet poolan toy taep ed apoy ya ag balut naerep.”

Lucas 7:30

Balet ag sinumpal na saray Pariseo tan saray iskriba so linaway Dios para sikara, ta ag ira nampabinyag ed kinen Juan.

Juan 12:48

Walay mangiter na sintinsia ed siopaman a mangipolisay ed siak tan ag mangawat ed saray salitak. Say salitan impulong ko so manintinsiad sikato diad kaonuran ya agew.

Saray Gawgawa 13:41

‘Nengneng yo, sikayon mabalaw! Onkelaw tan ompatey kayo! Ta say kimey a gagawaen kod panaon yo et ag yon balut napanisiaan, anggan walay mangipaliwawad sikayo!’”

Deuteronomio 28:24

Oran komun so ipelag tod sikayo, balet andi; paalimbusabosen to ingen na dabuk tan buer ya anggad ag yo ipatey.

1 TESALONICA 4:8

Kanyan siopamay mangipolisay ed sayan bangat, aliwan say too so ipolisay to, no ag ingen say Dios a mangiiter ed sikayoy Ispiritu Santo to.

1 Samuel 15:23

Say isumpa ed sikato et singa kinaoges na panangipanon ed saray maoges ya ispiritu tan say panagpaatagey et singa kinaoges na panangigalang ed saray diriyos. Lapud impolisay moy ganggan na Katawan, impolisay to ka met ya ari.”

1 Samuel 15:26

“Ag ak milad sika,” ebat nen Samuel. “Impolisay moy ganggan na Katawan, kanyan impolisay to ka ya ari na Israel.”