Isaias 5:17 - Maung A Balita Biblia

¹⁷ Diad saray deral-deral na saray siudad mankabkab na dika iray kordiro tan makalmo ray napankabkaban iray kilaw na kanding.

Maung a Balita Biblia

¹⁷ Diad saray deral-deral na saray siudad mankabkab na dika iray kordiro tan makalmo ray napankabkaban iray kilaw na kanding.

Isaias 5:17 Iomraidhean Croise

Nehemias 9:37

Saray bungay dalin oonla rad saray arari ya inter mo ran manoley ed sikami lapud impankasalanan mi. Gagawaen dad sikami tan saray ayayep mi so labalabay da, kanyan sigput kamin pangaskasiyan!”

Saray Salmo 119:70

Ag makatalus ira yan totoo, balet panliliketan koy ganggan mo.

Saray Salmo 17:10

anggapoy panangasi ra tan mapasirayew iran mansasalita.

Saray Salmo 17:14

iyagel mo ak pad saray totoon walad sikaray amin a labay da diad sayan bilay. Dusam pa ra diad panamegley na saray kairapan ya intaryam ed sikara; nawalaan komun na dakerakel a kairapan iray anak da, tan wala ni komuy nakeraan a para saray apo ra!

Saray Salmo 73:7

ompapaway so kaogsan ed kapusoan da, tan ag ontotondan mamplano na kaogsan iray kanunotan da.

Isaias 1:7

Nagmaliw ya apaolyan so bansa yo tan tinemek na apoy iray siudad yo. Sankanengneng yon sasakopen na saray taga arum a bansa so dalin yo tan dederalen day amin a bengatla.

Isaias 10:16

Say Katawan a Makapanyarin-amin mangipadalan na sakit a manusad saray matataban sondalo. Diad saray laman da walay apoy a mampool lan mampool.

Isaias 17:2

Nakaindan ya anggad angga iray siudad na Siria. Magmaliw iran pastolan na saray karniro tan saray baka, et anggapoy mangablug ed saraya.

Isaias 32:14

Nataynan so anggan palasio tan magmaliw a sigput a begtebegtew so anggan manonan siudad. Naderal ed ando lan ando iray kaabungan tan saray torin panagguardiaan. Manakar-akar diman iray asnod katakelan, tan mankabkab irad may karniro.

Isaias 40:11

Asikasoen to ray karniro to a singa panagkomponi na pumapastol; tiponen to ray kordiro tan ampopoen to rad taklay to; anosan ton iwanwan iray kainaan da.

Isaias 65:10

Igalang da ak tan ipastol da ray karniro tan saray baka ra ed Patar na Saron diad sagur tan diad Patar na Gunigon diad bokig.

Isaias 7:25

Amin da ray kapokdulan ya ataneman nen saman na saray tanaman et natuboan na amayamay a masabit a dika, kanyan anggapoy onlad man. Magmaliw lan pasen a panagpastolan na saray baka tan karniro.”

Jeremias 5:28

no akin et matataba ra tan maung so kapapakan da. Anggapoy anggaay panaggawa ray kaogsan; ag da iiter so katonungan da ray olilan sigput odino ipapanengneng so kaptekan ed saray napapairap.

Saray Tagleey 5:2

Walad lima na saray taga arum a bansa iray kayaryan mi; manaayam ed kaabungan mi iray totoon sangkaili.

Oseas 4:16

Benger a singa saray ayep a mula iray totood Israel. Panoy pamakan kod sikara a singa pamakan ed saray kordiro diad malambut a pastolan?

Oseas 8:7

No mangisibwag ira na dagem manani ra na bagyo! Say alog ya ag ontakken iray bungay tanaman to et ag balut makaiter na pantagano. Balet anggan bilang makapangiter, pambilay na saray taga arum a bansa.

Mikias 2:12

“Balet pantitiponen ta kayo, amin yon totood Israel a nakdaan. Tiponen ta kayon singa saray karniron ompapawil ed koral da. Say dalin yo et napano lamet na amayamay a totoo a singa sakey a pastolan a napno na karniro.”

Sofonias 2:14

Magmaliw a sakey a pasen a pandokul-dokulan na saray karniro, baka, tan amin a klasiy ayayep. Manayam ed kawalaan da ray deral-deral iray kolayut tan ontaglool irad saray bintana. Manwakwak ed saray sasabiyen na puirta iray wawak. Naekal ed saray paalagey to iray tablan sidro.

Sofonias 2:6

Magmaliw a maawang a kaalogan iray dalin yod gilig na dayat, wala ray nipaalagey ya alolung na pumapastol tan saray pokukan na karniro.

Lucas 21:24

Ompatey irad ispada, awiten da ran aripenen ed amin a bansa, tan deralen na saray Hintil so Jerusalem, anggad nasumpal so panaon da.”

Deuteronomio 28:33

Saray totoo na sakey a bansan ag yo amta et alaen na da ray bunga na saray tanaman a nansagputan yon pinabaleg, balet panamairap tan panamasegsegang labat so awaten yo lawas.

Deuteronomio 32:15

“Minmayaman iray totoo na Katawan, matataba ra ta sawasawaan day kakanen, balet mananumlang irad Katawan. Inkaindan day Dios ya amalsad sikara tan impolisay day makapanyarin manangilaban da.