Isaias 5:12 - Maung A Balita Biblia

¹² Diad saray pista yo wala ray arpa, pandirita, tan plauta tan alak. Balet ag yo natatalusan so gagawaen na Katawan.

Maung a Balita Biblia

¹² Diad saray pista yo wala ray arpa, pandirita, tan plauta tan alak. Balet ag yo natatalusan so gagawaen na Katawan.

Isaias 5:12 Iomraidhean Croise

Genesis 31:27

Akin et pinalikdo mo ak diad inyalis mon ag ko amta? No imbagam labat komun ed siak, pinasiput ta kan walay liket, kansion, tan togtog na saray arpa tan pandirita.

2 Samuel 19:35

Walomploy taon ko la tan anggapo lay antokaman a makaiter ed siak na liket. Ag ko la nananam so kakanen tan iinomen ko, tan ag ko la narengel so bosis da ray kumakanta. Makabelbelat ak labat ed sika, Kagalang kon Ari.

Say Libro nen Job 34:27

lapud tinondaan day itotombuk dad sikato tan ag da la ikabkabilangan iray ganggan to.

Saray Salmo 28:5

Ag da iimanoen iray ginagaway Katawan, odino saray pinapalsa to; kanyan dusaen to ra, tan deralen to ra ya anggad angga.

Isaias 22:13

Balet naneelek tan nanliliket kayo la laingen. Nampapatey kayo na saray karniro tan saray baka a kinakakan yo, tan naniinom kayo na alak. Inkuanyo, “Maung la laingen no mangan tan maninom tayo, ta nabwas ompatey itayo.”

Isaias 24:8

tan tinmonda la ray maliket a togtog na saray arpa tan saray tamborin da.

Isaias 29:1

Say altar na Dios, say dilin Jerusalem et pangaskasiyay kipapasen to! Kaskasian so siudad a nankampoan nen David! Palabasen niy sakey o duaran taon, a pati saray pista to,

Isaias 5:19

Kuanyo, “Mangganat la komun so Katawan a manggawa ed imbaga ton gawaen, pian nanengneng mi. Sumpalen la komun na masanton Dios na Israel iray plano to; naamtaan mi la komun so walad kanunotan to.”

Isaias 56:12

Sarayan bueken kuanda, ‘Mangala tayoy alak tan maninom tayoy laba-labay tayo! Nabwas lalon maliket tayo, ta dakel niy alak a nainom tayo nen say natan.’”

Ezekiel 26:13

Patondaen kon amin iray kansion mo, tan saray togtog na saray arpam.

Daniel 5:23

Ginawam iray sumpad Katawan na tawen, ta impaalam ira may kupa tan losur a nala ed Timplo to. Naniinoman yo, sika, saray manonan opisyal mo, saray asawam, tan saray iyaamung mon bibii tan inggalang mo ray diriyos a balituk, pilak, gansa, balatyang, kiew, tan bato—saray diriyos ya ag ira makanengneng odino makadngel tan anggapoy amta ran alu. Balet ag mo pinagalangan so Dios a walad lima toy bilay mo tan walad silong na pakayari toy amin a gagawaen mo.

Lucas 16:19

“Walay sakey a mayaman a mabmabli ray kawes to tan agaylay abig so kakanen ton inagew-agew.

1 CORINTO 14:7

Anggan saray anggapoy bilay ya ikakanad panagtogtog, a singa say plauta tan say arpa—panoy pakaamta na anggan siopa no antoy totogtogen da, no aliwan malinew so tanul da ray nota?

Judas 1:12

Makarotarotak ira diad pirongo rad sikayo, lapud makapabaing a panangan da. Say laman da labat so nununoten da. Singa ra lorem ya ipapalig-palig na dagem, balet ag mangipelag na oran. Singa ra met kiew ya ag mambunga anggan panaoy panagbunga; aliling day kiew ya abagut anggad lamut, tan inate-atey la.

1 Samuel 12:24

Takotan yoy Katawan, tan matoor so panlingkur yod sikato diad intiron puso yo. Ag yo lilingwanan iray makapakelaw a ginagawa ton para sikayo.