Isaias 49:9 - Maung A Balita Biblia

⁹ Ikuankod saray priso, ‘Laka kayo la!’ tan diad saray walad kabilongetan ikuanko, ‘Paway kayo lad liwawa!’ Magmaliw iran singa saray karniro a mankakabkab ed kapokdulan;

Maung a Balita Biblia

⁹ Ikuankod saray priso, Laka kayo la! tan diad saray walad kabilongetan ikuanko, Paway kayo lad liwawa! Magmaliw iran singa saray karniro a mankakabkab ed kapokdulan;

Isaias 49:9 Iomraidhean Croise

Saray Salmo 102:20

Nadngel toy tagleey da ray priso, tan imbolus to ray asintinsiaan ya ompatey.

Saray Salmo 146:7

kikilingan tod panagsintinsia to iray napapairap, tan iitdan toy nakan iray narasan. Say Katawan ibobolus to ray priso,

Saray Salmo 22:26

Saray mairap-bilay mangan iray labalabay da; saray ondaragod Katawan igalang da. Onaligwas ira komun ed ando lan ando!

Saray Salmo 69:33

Dedengelen na Dios iray walad pankaukolan, tan ag to lilingwanan iray totoo tod prisowan.

Isaias 41:18

Saray ilog paagosen kod saray kapokdulan ya anggapoy tanaman tan paagosen kod saray patar iray sobul. Pagmaliwen kon dipositoy danum so kalawakan; pagmaliwen kon managagos a danum so amagan dalin.

Isaias 42:16

“Itabin ko ray bulag a totook diad saray dalan ya ag da nin balut nanakaran. Pagmaliwen kon liwawa so bilonget da tan pataren koy matibagkul a dalin da. Sikara yay sipan ko, et sumpalen ko ran sumpalen.

Isaias 42:7

Itdan moy pakanengneng iray bulag, tan ibolus mo ray akayorung ed ambilonget a prisowan.

Isaias 48:17

Say masanton Dios na Israel, say Katawan a Mananondon yo, kuanto: “Siak so Katawan a Dios yo, say Dios a mangibangat ed sikayo ed pankaabigan yo tan sikatoy mangiwanwan ed dalan na panagbilay a nepeg yon tombuken.

Isaias 5:17

Diad saray deral-deral na saray siudad mankabkab na dika iray kordiro tan makalmo ray napankabkaban iray kilaw na kanding.

Isaias 61:1

Say Katawan a Dios pinano to ak na ispiritu to. Pinili to ak tan imbaki to ak A mangibagad saray mairap-bilay na maung a balita. Mamaabig ed saray maermen, Mangibawag na kawayangan ed saray adakep Tan mangibolus ed saray priso.

Isaias 65:13

Kanyan ibagak ed sikayo a saray mangigagalang tan mangoonur ed siak et nawalaan ira na daakan a nakan tan nainom, balet naerasan tan naapgaan kayo. Manliket ira, balet napelag kayod kababaingan.

Isaias 9:2

Akanengneng na baleg a silew iray totoon nankukurang ed kabilongetan. Nanayam irad sakey a dalin ya ambilbilonget, balet natan onsisindag so silew ed sikara.

Ezekiel 34:23

Itdan ko ray sakey ya arin singa si aripen kon David tan sikatoy saksakey a mampastol ed sikara, tan asikasoen to ra.

Ezekiel 34:29

Itdan ko ra na mataban kaalogan tan patondaen ko la so eras ed dalin. Ag la rad satan balbalawen na saray arum a bansa.

Joel 3:18

Diad satan a panaon napano na kaubasan iray kapalandeyan, tan nawalaan na baka so balang pokdul; nawalaan na daakan a danum so intiron Juda. Manlapud Timplo na Katawan onagos so kolus a manalog ed Patar na Acacia.

Levitico 25:54

No ag narondon ed sayan polaing, sikato tan saray anak to et nibolus ed arapen a Taon na Panangipawil.

Mikias 5:4

No sikatoy onsabi, oleyan to ray totoo to diad panamegley na biskeg a manlalapud Katawan; walad sikato so dilin pakapanyari na Katawan a Dios. Mambilay ya arawid kaatapan iray totoo to, lapud birbiren na saray katoowan ed intiron mundo so inkatalonggaring to,

Lucas 1:79

pian nasilewan ton manlapud tawen iray walad bilonget tan anino na patey, tan iwanwan to itayod dalan na kareenan.”

Lucas 2:32

Say silew a mamaliwawad saray Hintil, tan mangiter na dayew ed bansam ya Israel.”

Lucas 4:18

“Walad siak so Ispiritu na Katawan, ta pinili to ak a mampulong na Maung a Balita ed saray mairap-bilay. Imbaki to ak a mangibalitad saray apriso a nabolus la ra, tan saray bulag a makanengneng la ra. Imbaki to ak met a mangibalitad saray napapairap a nainawaan la ra,

Juan 10:9

Siak so puirta. Nilaban so siopaman ya onloob ed panamegley ko; onloob tan ompaway, et makalmoy pankabkaban to.

Juan 8:12

Nansalita lamet si Jesus ed saray totoo. Inkuanto, “Siak so silew na sankamundoan. Say ontombuk ed siak walad sikatoy silew a mangiiter na bilay tan ag manakar ed kabilongetan.”

Saray Gawgawa 26:18

Ibaki ta kad sarayan totoo a mangilokas na saray mata ra, mamaasingger ed sikarad liwawa manlapud bilonget, mamaasingger ed sikarad Dios manlapud pakayari nen Satanas! Diad panamegley na pananisia rad siak, napirdona ray kasalanan da tan makapibiang irad saray totoon piniliy Dios!’”

TAGA-EFESO 5:14

ta amin a naliliwawaan et magmamaliw a silew. Kanyan onyay kuanda, “Bangon ka, sikan nanaogip, bangon kan manlapud patey, silewan to ka nen Cristo.”

TAGA-EFESO 5:8

Wala kayo nen saman ed bilonget, balet lapud totoo ki lay Katawan, wala ki lad silew. Kanyan mambilay kayo ed nepeg a pambilay da ray totoon walad silew.

Deuteronomio 32:13

“Inabuloyan ton manoley ira ed saray atagey a pasen, tan impanbilay day bunga na saray tanaman ed kaalogan. Nanaala ray dilo ed saray sengat na saray ankakabaleg a bato; malambut a tinmobod kabatowan iray kakiewan dan oliba.

COLOSAS 1:13

Inlaban to itayon nanlapud kabilongetan tan inyalis to itayod panarian na inararo ton Anak.

1 Pedro 2:9

Balet sikayoy apilin totoo, papari na Ari, sakey a bansan masanto, tan totoo na Dios. Say Dios pinili to kayon mangipulong na makapakelaw iran gawgawa to. Sikato met so anawag ed sikayod kabilongetan tan angyakar ed sikayod makapakelaw a liwawa to.