Isaias 49:24 - Maung A Balita Biblia

²⁴ Nibatik yo kasiy asamsam na sakey a sondalo? Niagel yo kasi ray priso na sakey a maruksan too?

Maung a Balita Biblia

²⁴ Nibatik yo kasiy asamsam na sakey a sondalo? Niagel yo kasi ray priso na sakey a maruksan too?

Isaias 49:24 Iomraidhean Croise

Esdras 9:13

Anggan kayari na impakadusa mi lapud saray maoges tan makapoy a ginagawa mi, amta mi, O Dios mi, a daiset nen say kanepegan min dusa so inter mod sikami tan inyabuloy mo ingen a makapambilay kami ni.

Esdras 9:9

Naaripen kami, balet ag mo kami pinaolyan ed saman a kipapasen. Lapud ag mangoman a panangarom initdan mo ray impirador ed Persia na puson maabagey ed sikami, kanyan inabuloyan da kami nin mambilay tan mangipaalagey lamet na Timplom ya aderal-deral. Inabuloyan da kami met a mambilay ya arawid kaatapan diad Juda tan diad Jerusalem.

Nehemias 9:33

Maptek so ginawam diad impanusam ed sikami; matoor ka lawas, anggaman a nankasalanan kami.

Nehemias 9:37

Saray bungay dalin oonla rad saray arari ya inter mo ran manoley ed sikami lapud impankasalanan mi. Gagawaen dad sikami tan saray ayayep mi so labalabay da, kanyan sigput kamin pangaskasiyan!”

Isaias 42:22

Balet natan asamsaman iray totoo to; akolung ira ed dalem na dalin tan niamut irad saray prisowan. Atakewan tan asamsaman ira, balet anggapoy onsingger a mangyagel ed sikara.

Isaias 5:29

Saray sondalo et mangngongwam iran singa lion ya akapatey na ayep tan aawiten tod pasen ya anggapoy makasamsam ed sikara.

Isaias 53:12

Kanyan itdan ko na pasen na kagalangan, sakey a pasen a nakaiba to ray matalonggaring tan makapanyarin totoo. Sibobolus ton inter so bilay to tan say impatey to kapara na impatey na saray totoon maoges. Inala toy pasen da ray amayamay a makasalanan tan impikasi ton napirdona ra.”

Ezekiel 37:11

Inkuan na Dios ed siak, “Sika a toon ompatey, saray totood Israel et singa sarayan pokepokel. Ibabaga ra ya amagaan ira, naandian la ray ilalo tan anggapoy kabaliksan na arapen da.

Ezekiel 37:3

Inkuantod siak, “Sika a toon ompatey, nabilay ni kasi ra yan pokel?” Inmebat ak, “Katawan a Dios, sika labat so makaebat ed satan a tepet mo!”

Nahum 2:13

“Siak so kalaban mo!” kuay Katawan a Makapanyarin-amin. “Poolan ko ray karwahim. Napatey ed bakal iray sondalom, tan alaen kon amin iray bengatlan sinasamsam mod saray arum a bansa. Ag la narengel so antokaman ya ibaga na saray ibabakim.”

Mateo 12:29

“Anggapoy makaloob a mantakew ed abung na toon mabiskeg, likud no baluren to ni kasakbayan ton takewan. No abalur to la, sikato labat so pakaloob tod abung a mantakew.

Marcos 3:27

“Anggapoy makaloob a mantakew ed abung na toon mabiskeg, likud no baluren to ni kasakbayan to a takewan. No abalur to la, sikato labat so pakaloob tod abung a mantakew.