Isaias 49:19 - Maung A Balita Biblia

¹⁹ “Aderal tan apaolyan so bansam— balet natan magmaliw lan melmelag a panayaman na saray onsasabin totoo. Et napataynan ed arawi ira may nanderal ed sika.

Maung a Balita Biblia

¹⁹ Aderal tan apaolyan so bansam balet natan magmaliw lan melmelag a panayaman na saray onsasabin totoo. Et napataynan ed arawi ira may nanderal ed sika.

Isaias 49:19 Iomraidhean Croise

Saray Salmo 124:3

inakmun da itayo lan mabilay komun lapud mapalalon pasnuk dad sikatayo;

Probirbio 1:12

Nayarin mabilabilay tan mabisbiskeg ira no narumog tayo ra, balet kasiput tayo naoyus lay bilay da!

Isaias 1:7

Nagmaliw ya apaolyan so bansa yo tan tinemek na apoy iray siudad yo. Sankanengneng yon sasakopen na saray taga arum a bansa so dalin yo tan dederalen day amin a bengatla.

Isaias 3:8

On, aderal la so Jerusalem! Abagbag lay Juda! Sumpad Katawan iray amin a sasalitaen tan gagawaen na saray totoo ra; maparontal dan papabaingan so Dios.

Isaias 49:17

“Magano lan onsabi ray mangipaalagey lamet ed sika, tan ontaynan iray nanderal ed sika.

Isaias 49:8

Say Katawan kuantod saray totoo to, “No onsabiy panaon na pangilaban kod sikayo, ipatnag kod siyayoy maung a linawak tan ebatan koy ikekerew yoy tulong. Bantayan tan iyagel ta kayo tan diad panamegley yo misipanan ak ed amin a katoowan. Panayamen ta kayo lamet ed dalin yo a natan et anggapoy kabaliksan to.

Isaias 5:6

Paolyan kon natuboan na saray dika. Ag ko potut-potutay sanga to odino bukalkalen so dalin, no ag ingen paolyan kon kobutan na ambabaing tan arum nin masabit a dika. Iganggan ko ni ingen iray lorem ya ag da terteran na oran.”

Isaias 51:3

“Kasian ko so Jerusalem saray amin a manaayam ed saray deral-deral to. Anggaman a kalawakan so dalin to, gawaen ko a sakey a tanamanan, singa samay tanamanan a ginawak ed Eden. Niwalad man so liket tan gayaga, tan saray kantan pangidayew tan pisalamat ed siak.

Isaias 54:3

Paawangen moy ketegan mo ed amin a dapag; nabawi na saray totoo so dalin a panaayaman natan na saray arum a bansa. Napano na saray totoo iray siudad ya ataynan ira natan.

Jeremias 30:16

Balet natan, nabwag ya amin iray mambubuag ed sikayo; naalan priso iray amin a kalaban yo. Napairap ya amin iray mamapairap ed sikayo, nasamsaman ya amin iray manasamsam ed sikayo.

Jeremias 51:33

Ag mabayag, gapasen ira la na saray kalaban tan gatin-gatinan da ran singa ilik ed panagilikan. Siak, say Katawan a Makapanyarin-amin a Dios na Israel, so nansalita.”

Jeremias 51:44

Dusaen koy Bel a dios na Babilonia, tan paipawil kod sikato ray tinatakew to; ag la igalang na saray bansa. “Atumba ray padir na Babilonia.

Ezekiel 36:3

“Mampropisiya ka, sirin, tan ibawag mo so ibabagak, siak a Katawan a Dios. Nen adakep tan asamsaman na saray kaliber-liber a bansa so kapalandeyan na Israel, niluludlurey na balang sakey a too so Israel.

Zacarias 10:10

Pasempeten ko ran manlapud Egipto tan Asiria tan manayam ira ed dilin bansa ra. Panayamen ko ra met ed Galaad tan diad Libano; napano na totoo so intiron dalin.

Zacarias 2:11

Diad satan a panaon dakerakel iray bansan onsingger ed Katawan tan magmaliw iran totoo to. Manayam ed kawalaan yo, et nabirbir yo ya imbaki to ak ed sikayo.

Zacarias 2:4

Kuantod samay inmabet, “Batik ka, ta ibagam ed samay lakin tobun-balo a sankaawit toy panagsukat, a nawalaan na amayamay a totoo tan baka so Jerusalem, kanyan diad gaway kaawang to ag nayarin paliberay padir.

Zacarias 2:8

Siopamay mangabil ed sikayo kabilen toy sankablian ed siak.” Kanyan say Katawan a Makapanyarin-amin imbaki to ak a mangikuan ed saray bansan sinasamsaman da ray totoo to,