Isaias 49:17 - Maung A Balita Biblia

¹⁷ “Magano lan onsabi ray mangipaalagey lamet ed sika, tan ontaynan iray nanderal ed sika.

Maung a Balita Biblia

¹⁷ Magano lan onsabi ray mangipaalagey lamet ed sika, tan ontaynan iray nanderal ed sika.

Isaias 49:17 Iomraidhean Croise

Esdras 1:5

Lapud saya namparaan ya onlan mamaalagey lamet ed Timplo na Katawan ed Jerusalem iray pangulo na saray boleg ed tribu di Juda tan Benjamin, saray papari tan saray Levita, tan amin da ray tinenyeg na Dios so puso ra.

Nehemias 2:17

Balet natan inkuankod sikara, “Nengneng yoy gunigon a walad sikatayo, lapud aderal-deral so Jerusalem tan saray puirta to. Pasimbaloen tin ipaalagey so padir na siudad tan pansamputen tayo la yay kababaingan tayo.”

Saray Salmo 137:3

Impankanta kami na saray anakep ed sikami; inkuanda a paliketen mi ra: “Manganta kayoy nipaakar ed Sion!”

Isaias 10:6

Imbakik so Asiria ya ondogpa ed sakey a bansan anggapoy Dios to, diad saray totoon amapetang na olok. Imbakik iray taga Asiria a mansamsam, mantakew, tan mangigatin-gatin ed saray totoo a singa ra dotak ed saray dalan.”

Isaias 37:18

Amta min amin, Katawan, a dinederal na saray impirador na Asiria so amayamay a bansa, ginagawa ran andi-kabaliksan iray dalin da,

Isaias 49:19

“Aderal tan apaolyan so bansam— balet natan magmaliw lan melmelag a panayaman na saray onsasabin totoo. Et napataynan ed arawi ira may nanderal ed sika.

Isaias 51:13

Alingwanan yo lay Katawan a nanggawad sikayo, ya angipanat ed katawenan tan angiletneg na saray pundasion na mundo? Akin et antakot kayo lawas ed pasnuk da ray mamapairap ed sikayo, saray sipaparaan a maneral ed sikayo? Ag kayo la nadiwit na ontan lan pasnuk da.

Isaias 60:4

Nengneng kad kaliber-liber mo, tan imanom no antoy nagagawa: Mantitipon iray totoom ya onsempet la! Manlapud arawin pasen iray anak mon lalaki; Naawit a singa ogogaw iray anak mon bibii.

Isaias 62:5

Singa sakey a balolakin mangaasawa na sakey a birhin, Say anibokel ed sika asawaen to ka. No panoy panliket na nubio ed nubia to, Ontan met so panliket ed sika na Dios mo.

Ezekiel 28:24

Say Katawan kuanto, “Anggapo lan balut ed saray nambabalaw a bansan walad kaliber-liber na Israel so magmaliw lamet a singa masabit a tanaman a mamasakit ed Israel. Diad satan naamtaan da a siak so Katawan a Dios.”

Ezekiel 36:10

Parakelen koy bilang yo. Manayam kayod saray siudad tan pasimbaloen yon ipaalagey iray aderal-deral a bengatla.