Isaias 49:16 - Maung A Balita Biblia

¹⁶ Jesusalem, ag ta kan balut nalingwanan! Insulat kod saray dakolap ko so ngaran mo.

Maung a Balita Biblia

¹⁶ Jesusalem, ag ta kan balut nalingwanan! Insulat kod saray dakolap ko so ngaran mo.

Isaias 49:16 Iomraidhean Croise

Exodo 13:9

Sayan pista et sakey a pakanudnonotan a singa bengatlan nisinger ed lima yo odino diad muling yo; ipanunot tod sikayo so pangituloy yoy pangibitla tan panaral na Ganggan na Katawan, lapud say Katawan impaway to kayod Egipto diad panamegley na baleg a pakayari to.

Kanta nen Solomon 8:6

Siak labat so arom; siak labat so lakap mo. Makapanyari tan mabiskeg a singa patey so aro. Onliuliub a singa pool.

Isaias 26:1

Onsabiy agew a saray totooy Dios et kantaen dad dalin na Juda yan kanta: Mabiskeg so siudad tayo! Say Dios a dili so mangyaagel ed saray padir to!

Isaias 54:12

Rubi ray ikanak ed pangipaalagey kod saray torim, bato ran mankidyam a singa apoy iray ikanak ed saray puirtam, tan alahas iray ikanak ed padir.

Isaias 60:18

Ag la narengel iray tanul na panamairap; Anggapo lay nagawan panagderal ed dalin mo. Magmaliw ak a singa padir a mangyagel ed sika. Idayew mo ak lapud inlaban ta ka.

Isaias 62:6

Angipasen ak ed tapew na saray padir mo, Jerusalem, na saray bantay; Nepeg ya agew labi ran ag balut ondeen. Nepeg ya ipanunot dad Katawan iray sipan to Tan ag da ipalingwan ed Katawan.

Isaias 62:7

Nepeg ya ag da pampapainawaen so Katawan anggad ipaalagey to lamet so Jerusalem, Tan gawaen ton siudad a dadayewen na intiron mundo.

Jeremias 17:1

Say Katawan kuanto, “Totood Juda, insulat na balatyang a lapis so kasalanan yo; intatak na maotuk a diamanti ed kapusoan yo, tan nikorti ed saray sokung na saray altar yo.

Jeremias 22:24

Inkuan na Katawan ed lakin anak nen Joakim a si Joakin ya ari na Juda, “Legan a siak so mabilay a Dios, ekalen ta ka anggaman a sika so singsing a panagtimbri diad gamet ko,

Aggeo 2:23

Diad satan ya agew alaen ta ka, Zorobabel, ya aripen ko tan toroen ta kan manoley ed ngaran ko. Sika so pinilik.” Say Katawan a Makapanyarin-amin so nansalita.