Isaias 48:6 - Maung A Balita Biblia

⁶ “Agawa la ray amin ya impasakbay ko; nepeg mon birbiren yan katwaan. Natan ibagak ed sikay balon bengatla ya onsabi, bengatla ran nagawa ya ag ko impaamta nen saman.

Maung a Balita Biblia

⁶ Agawa la ray amin ya impasakbay ko; nepeg mon birbiren yan katwaan. Natan ibagak ed sikay balon bengatla ya onsabi, bengatla ran nagawa ya ag ko impaamta nen saman.

Isaias 48:6 Iomraidhean Croise

Saray Salmo 107:43

Nudnunoten komun na saray makabat ira yan bengatla; motekteken da komun so ag mangoman a panangaroy Katawan.

Saray Salmo 119:13

Olit-oliten kon ibelyaw ya amin iray ganggan ya inter mo.

Isaias 21:10

Totook a taga Israel, singa kayo trigon nailik-ilik, balet natan imbawag kod sikayo so maung a balitan nadngel ko ed Katawan a Makapanyarin-amin a Dios na Israel.

Isaias 42:20

Israel, amayamay so nanenengneng mo, balet anggapoy walad sika. Akalokas iray layag mo, balet anggapoy narerengel mo.”

Isaias 42:8

“Yahweh so ngaran ko, Anggapoy arum a dios a makapibiang ed kagalangan ko; ag ko abuloyan a makapibiang iray talintaoy diriyos ed dayew ko.

Isaias 42:9

Tinmua la natan iray impapasakbay ko. Ibagak ed sikayo natan iray balon bengatla anggan kasakbayan na igapoy pakagawa ra.”

Isaias 43:19

Talaranan yoy gawaen kon balo a bengatla. Nagagawa la—nanengneng yo la natan! Manggawa ak na dalan ed kalawakan tan itdan ta kayo na saray sobul diman.

Isaias 48:7

Natan ko labat iyaabuloy a nagawa ra; ag mo ni nadngelan ya agawa lay onya. Ta no agawa la nen saman, ibagam ya amtam lay nipaakar ed saya.

Jeremias 2:31

Dengel kayod ibagak, amin yon totood Israel. Nagmaliw ak ta a singa kalawakan ed sikayo odino singa dalin ya ambilonget tan walay kaatapan? Akin sirin, totook, et ibabaga yon gawaen yoy labay yo, tan ag kayo la ompawil ed siak?

Jeremias 33:3

“Tawag kad siak, et ebatan ta ka; ibagak ed sika ray makapakelaw tan niamut a bengatlan ag mo ni ra akabatan.

Jeremias 50:2

“Ibagam ed saray bansa so balita! Ibawag mo! Iparontal moy tanda, tan ibandom so balita! Ag mo iyaamut! Naplag so Babilonia! Say dios ton Merodac et naplag ed kababaingan! Mabambanday so asumpalan da ray talintaoy diriyos na Babilonia; atemek-temek iray makapaingungot a talintao to.

Amos 3:6

Nayari kasin ag ontakot iray totoo no napaknul ed siudad so trumpitan manawag na bakal? Nayari kasin onsabiy deral ed siudad no ag ipadalan na Katawan?

Mikias 6:9

Kakabatan so itakot ed Katawan Say Katawan ontatawag ed siudad, “Dengel kayo, sikayo ran totoo a mantitipon ed siudad!

Mateo 10:27

Say ibabagak ed sikayod ambilonget, olit yon maliwawa; tan say iyeesaes kod sikayo, ibando yon manlapud toktok na saray abung.

Juan 15:15

Ag ta ki la ipapasen ya aripen natan, ta ag kabat na aripen so gagawaey katawan to. Ipapasen ta ki lan kakaaro, lapud impaamtak ed sikayo ray amin a nadngel kod Amak.

Saray Gawgawa 1:8

Balet naitdan kayoy pakayari no onsabid sikayoy Ispiritu Santo, tan magmaliw kayon tasik ed Jerusalem, diad intiron Judea tan Samaria, tan diad amin a sokung na mundo.”

1 CORINTO 2:9

Balet onung na ibabagay Masanton Sulat, “Ag ni anengneng odino nadngel na too, ag met ni anggan sinmibang ed nunot to, so imparaan na Dios ed saray mangarod sikato.”

Puyan 1:19

Kanyan isulat mo ray nanenengneng mo: saray nagagawa natan tan saray nagawad arapen.

Puyan 4:1

Kasumpal to ya, walay sananey a naimatunan kon payawar: anengneng kod tawen so sakey a puirtan lokas. Insan ko lamet nadngel imay bosis a singa tanul na sakey a trumpita ya inkuanto, “Segep ka dia, ta ipanengneng kod sikay nakaukolan ya onsoblay a nagawa.”