Isaias 48:17 - Maung A Balita Biblia

¹⁷ Say masanton Dios na Israel, say Katawan a Mananondon yo, kuanto: “Siak so Katawan a Dios yo, say Dios a mangibangat ed sikayo ed pankaabigan yo tan sikatoy mangiwanwan ed dalan na panagbilay a nepeg yon tombuken.

Maung a Balita Biblia

¹⁷ Say masanton Dios na Israel, say Katawan a Mananondon yo, kuanto: Siak so Katawan a Dios yo, say Dios a mangibangat ed sikayo ed pankaabigan yo tan sikatoy mangiwanwan ed dalan na panagbilay a nepeg yon tombuken.

Isaias 48:17 Iomraidhean Croise

Genesis 24:48

Tinmalimukor ak tan inggalang koy Katawan. Indayew koy Katawan a Dios na amok ya Abraham ya angiwanwan ed siak a tampol ed kanayon na amok, a walay biin anak ton nalmok a para anak na amok.

1 Saray Arari 8:36

dengel mo pa rad tawen. Pirdonam pa ray kasalanan na ari tan saray totoom ya Israelita. Ibangat mo pad sikaray matonung a pambilay da, tan ipelag moy oran ed sayan dalin mo ya impatawir mod saray totoom.

Say Libro nen Job 36:22

Nudnunot mo so ontan lan kabaleg na pakayari na Dios; sikatoy sankamaungan ed amin da ray bumabangat.

Saray Salmo 25:12

Saray matoluk ed Katawan et naamtaan dad sikato so dalan a nepeg dan tombuken.

Saray Salmo 32:8

Kuay Katawan, “Iwanwan ta kad dalan a nepeg mon tombuken; ibangat tan simbawaan ta ka.

Saray Salmo 71:17

Nanlapud impanogaw ko ibabangat mo ak la, tan totongtongen ko ni ray makapakelkelaw a ginagawam.

Saray Salmo 73:24

Iwawanwan ak na pananimbawam et diad kaonuran, mapagalang ya awaten mo ak.

Isaias 2:3

tan ikuan na saray totoo ra, “Gali dia ta ontatdang itayod palandey na Katawan, diad Timplo na Dios na Israel. Ibangat to itayo na saray labay ton pagawad sikatayo; mankurang itayod saray dalan sa pinili to. Ta manlalapud Jerusalem iray bangat na Katawan; manlapud Sion mansasalitad saray totoo to.”

Isaias 28:9

Manririklamo ra nipaakar ed siak. Kuanda, “Siopa ray abaloan na satan a too a babangatan to? Siopa ray mankaukolan na saray ibabangat to? Onkana ra labat ed saray kapamakson ogogaw!

Isaias 30:20

Say Katawan abuloyan to kayon manliknay kairapan, balet wadtan a mangibangat ed sikayo; ag la nakaukolan ya anapen yo.

Isaias 30:21

No onsuawi kayod dalan, narengel yod benegan yo so bosis to a mankuan, “Saya so dalan. Tombuk yo.”

Isaias 41:14

Say Katawan kuanto, “Daiset may makapoy kayon Israelita, ag kayo natatakot, tulongan ta kayo. Siak, say masanton Dios na Israel, so mangyaagel ed sikayo.

Isaias 43:14

Say masanton Dios na Israel, say Katawan a Mananondon yo, kuanto, “Diad pangilaban kod sikayo, mangibaki ak na saray sondalo a mibakal ed Babilonia; igebak iray puirta na siudad, et magmaliw ya akis so eyag na saray totoo to.

Isaias 43:16

Nen saman a panaon, say Katawan nanggaway dalan a binmeltang ed dayat, say dalan ed madaluyon a danum.

Isaias 45:11

Say Katawan a masanton Dios na Israel, a walad lima toy nagawad arapen, kuanto: “Anggapoy kanepegan mon manepet na nipaakar ed saray anak ko odino ibagam ed siak so nepeg kon gawaen!

Isaias 48:20

Paway kayod Babilonia, taynanan yo man a pasen! Maliket yon ibawag so balita; ipaamta yod amin a pasen: “Dinondon la na Katawan so aripen ton Israel!”

Isaias 49:26

Pagmaliwen kon mampapateyan iray mamapairap ed sikayo; nabuek irad pampatey na too. Diad satan naamtaan na amin a katoowan a siak so Katawan, say Mananondon tan Manangilaban yo. Naamtaan da a siak so makapanyarin Dios na Israel.”

Isaias 49:7

Say masanton Dios tan manangilaban na Israel kuanto ed bansan mapalaloy kababalaw to, a kabosul na saray bansa tan aripen na saray manoley: “Saray arari nanengneng dan nibolus ka tan onalagey ira diad pamagalang da; nanengneng met na saray prinsipi so kabolus mo tan ondakmomo ra diad pangigalang dad sika.” Nagawa ya lapud say Katawan pinili toy aripen to; say masanton Dios na Israel susumpalen to ray sipan to.

Isaias 54:13

“Siak a dili so mambangat ed saray totoom tan mangiter ed sikara na ontan lan aligwas na bilay.

Isaias 54:5

Magmaliw a singa asawam a laki so Amalsad sika— Yahweh a Makapanyarin-amin so ngaran to. Ilaban ka na masanton Dios na Israel— sikatoy manoley ed intiron mundo.

Isaias 54:8

Diad maganon bekta tinaynan ta kan walay pasnuk ko, balet andi-anggaan kon ipanengneng so panangarok ed sika.” Saya sirin so ibabaga na Katawan a mangilalaban ed sika.

Jeremias 6:16

Inkuan na Katawan ed saray totoo to, “Manalagey kayod nansasangaan na dalan, tan nengneng kayo; tepet yo no iner so kawalaan da ray dagdaan a dalan tan no iner so kawalaay sankamaungan a dalan. Dalan kayod saya, et nagamuran yoy kareenan.” Balet inkuanda, “Ag kami ondalan ed satan!”

Mikias 4:2

et ikuan na saray katoowan da, “Onkalab tayod palandey na Katawan, diad Timplo na Dios na Israel. Ta ibangat tod sikatayo so labay ton pagawad sikatayo; manakar itayod saray dalan a pinili to. Ta manlalapud Jerusalem so bangat na Katawan; manlapud Sion say Katawan mansasalitad saray totoo to.”

Juan 6:45

Insulat na saray propita, ‘Tan nabangatan iran amin na Dios.’ Ondadagod siak so balang sakey ya onderengel tan manaaral ed Ama.

TAGA-EFESO 4:21

no tuan nadngel yoy nipaakar ed sikato tan inaral yoy katwaan a walad kinen Jesus.

Josue 3:4

Ag kayo ni dia akakar nen saman, kanyan ibasbas da kayo no iner so laen yo. Balet ag yo aasinggeran so Kaban na Sipanan; dia kayod beneg to tan arawian yo na walon lasus mitro.”