Isaias 47:6 - Maung A Balita Biblia

⁶ Akapasnuk ak ed saray totook; impasen kon ag ko la ra kayaryan: Impasilong ko rad pakayarim, et ag mo ra kinasian; anggan saray mamatakken pinairap mo ran tuloy.

Maung a Balita Biblia

⁶ Akapasnuk ak ed saray totook; impasen kon ag ko la ra kayaryan: Impasilong ko rad pakayarim, et ag mo ra kinasian; anggan saray mamatakken pinairap mo ran tuloy.

Isaias 47:6 Iomraidhean Croise

2 Samuel 24:14

Inmebat si David, “Makapasinagem so kipapasen ko! Balet ag ko labay a dusaen ak na too. Say Katawan so labay kon manusad sikami, ta mapangapangasi.”

2 Saray Awaran 10:11

Ambelat so impapasakbat ed sikayo nen amak; ambelat niy ipasakbat kod sikayo. Nilatiko kayo nen amak, pekpeken ta kayoy balatyang!’”

2 Saray Awaran 28:9

Manaayam ed Samaria so sakey a lakin manngaran na Obed, sakey a propita na Katawan. Inabet to ra may ompapawil a sondalon Israelita ya onloloob la rad siudad tan kuanto, “Akapasnuk ed Juda so Katawan a Dios na saray lalaki yo kanyan impadakep to rad sikayo. Balet nadngelan to a lapud mapalalon petang na olo yo pinapatey yo ra

2 Saray Awaran 36:17

Kanyan imbaki na Katawan so ari na Babilonia ya ondogpad sikara. Pinapatey na ari iray tobun-balon lalaki a taga Juda, anggan diad Timplo. Anggapoy panangasi to ed anggan siopa, malangwer may matakken, laki may bii, mansasakit may maksil so laman. Say Dios impalima to ran amin ed sikato.

2 Saray Awaran 36:20

Siopaman ya apaliisan toy patey et inawit ira nen Nabucodonosor ed Babilonia, tan diman to ra inaripen, pati saray kabyangay boleg da, ya anggad inkiletneg na Impirio na Persia.

Esdras 5:12

Balet lapud impanpasnuk na saray lalaki mi so Dios na Tawen, impadakep to kami ed Ari Nabucodonosor na Babilonia.

Saray Salmo 69:26

Papairapen da ray dinudusam; sasalitaen da ray irirap da ray sinusugatan mo.

Isaias 10:6

Imbakik so Asiria ya ondogpa ed sakey a bansan anggapoy Dios to, diad saray totoon amapetang na olok. Imbakik iray taga Asiria a mansamsam, mantakew, tan mangigatin-gatin ed saray totoo a singa ra dotak ed saray dalan.”

Isaias 13:16

Legan ya ibabasig na saray kalaban da iray mansususon anak da, aakokosen da ray kayaryan dad abung da, tan papasooten da ray kaasawaan da, mamambantay ira labat ta anggapoy nagawaan dan mangyagel.”

Isaias 14:17

Ag ta saya man so toon aneral ed saray siudad tan impagmaliw ton kalawakan so mundo? Ag ta sikato ya may toon ag balut angibolus ed saray adakep to odino amasempet ed sikara?”

Isaias 14:6

a diad gaway petang na olo ra et pinapairap da ray totoo tan ag iran balut tinmonda a nampapairap ed saray bansan adakep da.

Isaias 43:28

tan saray manoley mo impagmaliw dan andi-kakanaan a pasen so santuariok. Lapud saya dineral koy Israel; inyabuloy kon napabaingan iray dilin totook.”

Jeremias 50:42

Inala da la ray pana ra tan saray ispada ra; maruksa tan anggapoy panangasi ra. Singa manungol a dayat so tanul da, legan dan mamapakoyat na saray kabayo ra. Akaparaan iran mibakal ed Babilonia.

Saray Tagleey 1:14

“Inlista ton amin iray kasalanan ko, insan to ra binerber ya amin; Imbitin to ra ed beklew ko, et kinmapoy ak lapud saya. Impalima ak na Katawan ed saray kalaban ko, tan siak so sarasarag da.

Saray Tagleey 1:21

“Dengel mo pay panayay ko; anggapoy manligliwad siak. Panliketan na saray kalaban ko so impangiter moy gunigon ed siak. Ipasabim pa la may agew ya insipan mo; panirap mo pa ray kalaban ko a singa paniirap ko.

Saray Tagleey 2:2

Andi-panangasi a dineral na Katawan ya amin iray bario na Juda. Diad pasnuk to inggegeba to ray tirinsira na Juda. Impelag tod kababaingan so nanarian tan amin iray manoley to.

Saray Tagleey 4:16

Anggapo lay pannunot na Katawan ed sikara; sikaton diliy angikaykayat ed sikara. Anggapo lay panagasasikaso tod saray papari tan saray pangulo tayo.

Saray Tagleey 5:12

Narel tan nibitay iray pangulo mi; ag da inggalang iray mamatakken mi.

Ezekiel 24:21

a salitaen ko yad sikayon Israelita: Ikikinon yoy biskeg na Timplo. Labalabay yon nengnengen tan laen, balet dotakan na Katawan. Napatey ed bakal iray malangwer nin kabyangay pamilya yon atilak ed Jerusalem.

Ezekiel 28:16

Anggapoy tondam a nansasaliw tan nanlalako, balet sikato yay makasengeg na impagmaliw mon maruksa tan makasalanan. Kanyan pinasoot ta kan ontaynan ed masanton palandey ko, tan samay anghil a nambantay ed sika et pinaarawi to kad saramay mankidyam a mabmablin bato.

Obadias 1:10

“Lapud tinakewan tan pinapatey yo ray agagi yon kabyangay boleg nen Jacob, napelag kayod kababaingan tan napaandi kayon anggad angga.

Obadias 1:16

Saray totook et ininom day ampait a kupa na dusa diad masanton palandey ko. Balet amin da ray bansad kaliber-liber inomen day lalon ampait a kupa na dusa; inomen da ya amin tan maandipat ira.

Zacarias 1:12

Insan samay anghil kuanto, “Katawan a Makapanyarin-amin, pitomploy taon lan mamapasnuk kad Jerusalem tan saray siudad na Juda. Kapigan kasiy pansamput na ag mo pangasi ed sikara?”

Zacarias 1:15

Balet baleg so pasnuk kod saray bansa a manliliket ed kareenan, ta diad pamopokpok koy pasnuk kod saray totook, iloloor dan pairapen iray totook.

Mateo 7:2

Ta no panoy panisintinsia yod arum a too, ontan met so panisintinsia na Dios ed sikayo; tan no panoy panusukat yod arum a too, ontan met so panusukat na Dios ed sikayo.

Deuteronomio 28:50

Makapataktakot ira tan anggapoy panangasi rad siopaman, tobun-balo may matakken.

Santiago 2:13

Ta diad panagsintinsiay Dios, ag to kasiay toon ag to amtay mangasi; balet say panangasi taloen toy sintinsia.