Isaias 47:14 - Maung A Balita Biblia

¹⁴ “Aliling da naaniy dayami, et poolan iran paandipaten na apoy! Ag da anggan nilaban so sikaran dili— ag da natepelan so petang na dalang; aliwan makapinawa yan apoy a pandangdangan da.

Maung a Balita Biblia

¹⁴ Aliling da naaniy dayami, et poolan iran paandipaten na apoy! Ag da anggan nilaban so sikaran dili ag da natepelan so petang na dalang; aliwan makapinawa yan apoy a pandangdangan da.

Isaias 47:14 Iomraidhean Croise

Exodo 5:12

Kanyan saray Israelita linma ra ed intiron dalin na Egipto a nanaanap na dayami.

Isaias 10:17

Say Dios a silew na Israel et magmaliw a sakey ya apoy. Say masanton Dios na Israel et magmaliw a manliub ya apoy a diad sanagew et poolan toy amin a bengatla, anggan saray masabit a karikaan.

Isaias 30:14

Nabetag kayon singa banga, tan diad kamisimisi yo anggapoy langa a nayarin panginan na ngalab o pangaur na danum ed bobun.”

Isaias 33:14

Manggiwgiw ed takot iray makasalanan a totood Sion. Kuanda, “Singa apoy a mandarlang ed anggad angga so panagsintinsia na Dios. Wala kasid sikatayoy makapangitepel ed onyan dalang?”

Isaias 40:24

Singa ra malangwer a tanaman; katubo-tubo ra tan kakkapanlamut da. No say Katawan et paragemen to, namagaan ira tan nitikyab iran singa dayami.

Isaias 41:2

“Siopay angyakar na mananalod bakal a taga bokig tan panataloen to ya anggad iner so laen to? Siopay mangiiter ed sikatoy pananalo ed saray arari tan saray bansa? Wawasiwasen to ra na ispada to, et nikayat iran singa dabuk. Bubuyaken ira na saray pana to, et magmaliw iran singa osang ya itiktikyab na dagem.

Isaias 44:16

Parlangan to iray arum a parti na kiew; pankalutan to na karni, kanen to, tan napesel. Mandangdang tan ikuanto, “Agaylay abig ta apetangan ak! Agaylay dakep yan apoy!”

Isaias 5:24

Kanyan natan, no panon a napoolan so dayami tan amagan dika, ontan met a naboluk iray lamut yo tan namagaan iray rosas yo, insan ira itikyab na dagem, lapud impolisay yoy imbangat ed sikatayo na Katawan a Makapanyarin-amin a masanton Dios na Israel.

Jeremias 51:30

Tinondaan la na saray sondalo na Babilonia so mibakal tan nanayam la rad tirinsira ra. Nakalan iray biskeg na linawa, tan nagmaliw iran singa bibii. Ageba ray puirta na siudad tan apoolan iray kaabungan.

Jeremias 51:32

Adakep la na kalaban so babaliwan ed ilog tan apoolan la ray amin a tirinsira. Ag da la amtay gagawaen da iray sondalon taga Babilonia.

Jeremias 51:58

Nageba ya anggad dalin iray makapal a padir na Babilonia, tan napoolan iray atatagey iran puirta to. Magmaliw ya andi-kakanaan ya amin iray kimey da ray totood saray bansa, tetemeken na apoy ya amin iray nansagpotan da. Siak, say Katawan a Makapanyarin-amin, so nansalita.”

Ezekiel 15:7

insan ko ra dusaen. Apaliisan da lay sakey ya apoy, balet natan poolan ira na kumadwan apoy. No dusaen ko ra, naamtaan mo a siak so Katawan.

Joel 2:5

Diad panlulukso rad kapalandeyan, mapanaspas iran singa saray karwahi; masalanosut iran singa dikan napopoolan. Mandarasig iran singa amayamay a sondalon akaparaan a mibakal.

Obadias 1:18

Saray totoon kabyangay boleg nen Jacob tan Jose et magmaliw iran singa apoy; deralen da ray totoon kabyangay boleg nen Esau a singa pamool na apoy ed dayami. Anggapoy makaliktar a kabyangay boleg nen Esau. Siak, say Katawan, so nansalita.

Nahum 1:10

Napoolan kayo a singa kapoolan na saray alokut-lokut a sabitan tan amagaan a dayami!

Malakias 4:1

Say Katawan kuanto, “Onsabiy agew a napoolan a singa dayami iray mapaatagey tan maoges a totoo. Diad satan ya agew napoolan ira tan anggapoy nakeraan ed sikara.

Mateo 10:28

Ag yo tatakotan iray mamatey na laman ya ag da balet napatey so kamarerwa. Say Dios so takotan yo, ta nayarian ton deralen ed impirno so kamarerwa tan laman.

Mateo 16:26

Antoy nagonggona na sakey a toon nakayarian toy intiron mundo, no naandi lamlamang so bilay to? Anggapoy nibayar na too a pamapawil toy bilay to.

Puyan 18:21

Insan dinemet na makapanyarin anghil so sakey a baton singa kabaleg na gilingan. Intupak tod dayat, tan inkuanto, “Onyay kakasil na kitupak na makapanyarin siudad na Babilonia, tan ag lan balut nanengneng!