Isaias 47:11 - Maung A Balita Biblia

¹¹ Onsabid sikay deral, et anggapoy salamangkam a makapatondad saya. Biglan onsabid sikay desyang— say desyang ya ag mon balut inilaloan!

Maung a Balita Biblia

¹¹ Onsabid sikay deral, et anggapoy salamangkam a makapatondad saya. Biglan onsabid sikay desyang say desyang ya ag mon balut inilaloan!

Isaias 47:11 Iomraidhean Croise

Nehemias 4:11

Abaloan na saray kalaban mi ya ag mi ra nanengneng odino ag mi naamtaan so nagagawa, anggad akasabi la ran mamapatey ed sikami tan mamapatondad kimey mi.

Saray Salmo 35:8

Balet naderal iran ag da amta; naerel irad dilin patit da tan ompatey ira.

Saray Salmo 50:22

“Dengel yo ya, sikayon ag mangasasikasod siak, ta no andi, bingbingkasen ta kayo, et anggapoy mangyagel ed sikayo.

Saray Salmo 55:15

Biglan ompatey komun iray kalaban ko; onla ra komun a mabilay ed pasen a panaayaman da ray inaatey! Say kaogsan walad kaabungan tan kapusoan da.

Saray Salmo 73:19

Bigla ran naderal; makapataktakot so pansumpalan da.

Probirbio 13:21

Tombutombuk ed anggan iner so gunigon ed saray makasalanan, balet natumangan na saray maung a bengatla iray matonung.

Isaias 13:6

Ingal kayod paniirap yo! Asingger lay agew na Katawan, say agew a pangyakar na Makapanyarin-amin na panagderal!

Isaias 29:5

Jerusalem, amin da ray taga arum a bansan ondodogpad sika et singa ra dabuk ya ontikyab ed arawi, tan saray makapataktakot a sondalo ra et ontikyab iran singa taep. Insan diad ag iilaloan tan bigla-biglan nagawa,

Isaias 30:13

Nankasalanan kayo. Singa kayo sakey ya atagey a padir a linmetak manlapud tagey ya anggad leksab; ag mabayag bigla kayon nageba.

Isaias 37:36

Diad saman a labi linmad kampo na saray taga Asiria so sakey ya anghil na Katawan tan pinatey toy sanlasus tan walomplo tan liman libon sondalo. Diad palbangon ed ontombuk ya agew kibalatar irad man ya inaatey!

Isaias 45:7

Papalsaen ko so liwawa tan kabilongetan; iiter koy bindision tan ipapadalan koy deral. Siak a Katawan so manggagawa ed sarayan amin.

Isaias 47:9

Balet diad sakey a bekta, diad sakey ya agew, nagawa ra yan dua ed sika. Anggan antoy panggawam na amin a salamangka, nabalang moy asawam tan saray anak mo.

Isaias 48:8

Amtak ya ag ka napanmatalkan, a sika lawas so bantug a mananumpa. Sikato yay makasengeg ya ag mo yan balut nadngelan nen saman, ya ag mon balut naamingaw.

Isaias 57:1

Ompatey iray matonung, et anggapoy toon makatalus odino mangabagey. Balet no ompatey ira, anggapo lay makasigensigen ed sikara.

Jeremias 51:29

Manggiwgiw so sankamundoan lapud susumpalen na Katawan so plano to a pagmaliwen a nikaindan a pasen so Babilonia; kanyan anggapo lad may toon malabay a manayam.

Jeremias 51:43

Nagmaliw a makapataktakot a nengnengen iray baley to, tan nagmaliw iran andiay danum a kabueran, ya anggapo lad may toon manaayam odino ondadalan.

Jeremias 51:8

Biglan atalo so Babilonia, tan aderal! Ermenan yo! Iyalaan yoy tambal, ta ag la pigan onabig.

Saray Tagleey 1:21

“Dengel mo pay panayay ko; anggapoy manligliwad siak. Panliketan na saray kalaban ko so impangiter moy gunigon ed siak. Ipasabim pa la may agew ya insipan mo; panirap mo pa ray kalaban ko a singa paniirap ko.

Ezekiel 7:26

Mantotombukan so deral, tan mansasbi so maoges a balita. Kerewen yod saray propita ya ipaamta ray nanenengneng dan nagawa ed arapen a panaon. Saray papari anggapoy amta ran ibangat ed saray totoo, tan saray mamasiken anggapoy nisimbawa ra.

Mateo 18:34

Diad ontan lan pasnuk to may ari, impaipriso to ya anggad ag to pakabayar.

Lucas 12:59

Ag kad man makapaway a balut, kuankod sika, anggad ag mo nabayaray samput a sentimo na utang mo.”

Lucas 17:27

Nen saman, nanaakan tan naniinom so balang sakey ed sikara, angaasawa tan akiaasawa ra. Onyay ginagawa ra ya anggad inloob nen Noe ed biong. Insan sinmabiy delap tan inaatey iran amin.

1 TESALONICA 5:3

No ikuay totoo, “Mareen tan anggapoy kaatapan,” biglan onsabid sikaray kadederal. Ag ira makaliktar ta say isabi to et singa isabiy panagpasakit na biin magano lan mananak.

Puyan 3:3

Nunot mon maung sirin no anto ray nibangat ed sika tan nadngel mo. Sumpal mo ra, tan mampatauli ka. No ag ka onliing, singa ak matakew ya onlad sika—ag mo amta so oras na isabik.