Isaias 46:9 - Maung A Balita Biblia

⁹ Tandaan yo ray agawa nen saman; birbir yon bukbukor koy Dios tan anggapo lay arum a singa siak.

Maung a Balita Biblia

⁹ Tandaan yo ray agawa nen saman; birbir yon bukbukor koy Dios tan anggapo lay arum a singa siak.

Isaias 46:9 Iomraidhean Croise

Say Libro nen Job 10:13

Balet amtak la natan a nanlapud saman wala lay maamut a getmam a mamasakit ed siak.

Saray Salmo 111:4

Ag ipapalingwan na Katawan iray makapakelaw a kimey to; sikatoy mapangasi tan maabagey.

Exodo 15:11

“Katawan, siopad saray diriyos so singa sika? Siopay singa sikan makapakelaw ed inkasanto? Siopay makapanggawa na saray milagro tan saray makapakelaw a gawa a singa saray ginagawam?

Exodo 8:10

Inmebat so ari, “Ipikasian mo ak nabwas.” Inkuanen Moises, “Gawaen ko so onung na kerew mo, et diad ontan naamtaan mo ya anggapoy arum a dios a makapiparad Katawan a Dios mi.

Exodo 9:14

No ag mo ni ra abuloyan, aliwa labat a saray opisyal mo tan saray totoom so dusaen ko, no ag ingen pati sika, pian naamtaan mo ya anggapoy kaparak diad intiron mundo.

Isaias 41:26

Siopad sikayoy nampasakbay a nagawa ya, pian nibaga mi a dugay impasakbay yo? Anggapod sikayoy akasalita na nipaakar ed saya; anggapoy akadngel a walay imbaga yo!

Isaias 41:27

Siak, say Katawan, so inmonan angibalitad Sion; Angibaki ak na angibalitad Jerusalem a kuanto, ‘Onsasabi ray totoom! Onsesempet la ra!’

Isaias 42:9

Tinmua la natan iray impapasakbay ko. Ibagak ed sikayo natan iray balon bengatla anggan kasakbayan na igapoy pakagawa ra.”

Isaias 43:10

“Totood Israel, sikayo ray tasik; pinili ta kayon aripen ko, pian nakabatan yo ak tan manisia kayo ed siak tan natalusan yo a Siak si Siak. Likud ed siak anggapo lay arum a dios nen saman, natan, tan anggan kapigan.

Isaias 45:14

Say Katawan kuantod Israel, “Kayaryanen mo ray kayamanan ed Egipto tan Sudan, tan magmaliw ya aripen mo iray atatagey a totood Seba; akagolunggolung iran ontombuk ed sika. Ondakmomo rad sika tan ibawag da, ‘Walad sika so Dios—sikato labat so Dios.

Isaias 45:18

Say Katawan pinalsa toy katawenan— sikato so Dios! Tinibokel tan ginawa toy mundo— ginawa ton malet tan mansiansia lawas. Ag to ginawan anggapoy kabaliksan to, no ag ingen ginawa ton pasen a panayaman na saray totoo. Sikato so angikuan, “Siak so Katawan, tan anggapo lay arum.

Isaias 46:5

“Siopay pangiparaan yod siak?” kuay Katawan. “Wala niy arum a singa siak?

Isaias 48:3

Say Katawan kuantod Israel, “Abaybayag ko lan impasakbay no anto ray nagawa; insan kabebekta, ginawak ira.

Isaias 65:17

Say Katawan kuanto, “Mamalsa ak na balon mundo tan balon katawenan. Sigput a nalingwanan iray agawgawa ed imbeneg a panaon.

Jeremias 49:19

Onsabi ak a singa isasabid malambut a pastolan na sakey a lion a nanlapud makdel a takel ed gilig na Ilog na Jordan, insan ko biglan pataynanen ed bansa ra iray Edomita. Insan manoley ed bansa so pangulon pilien ko. Siopay mipara ed siak? Siopay mampangayan onlaban ed siak? Siopan manoley so makasumpad siak?

Jeremias 50:44

“Onsabi ak a singa isasabid malambut a pastolan na sakey a lion a nanlapud makdel a takel na Ilog na Jordan insan ko biglan pataynanen ed siudad da iray taga Babilonia. Insan manoley ed bansa so pangulon pilien ko. Siopay mipara ed siak? Siopay onlaban ed siak? Siopan manoley so makasumpad siak?

Jeremias 6:16

Inkuan na Katawan ed saray totoo to, “Manalagey kayod nansasangaan na dalan, tan nengneng kayo; tepet yo no iner so kawalaan da ray dagdaan a dalan tan no iner so kawalaay sankamaungan a dalan. Dalan kayod saya, et nagamuran yoy kareenan.” Balet inkuanda, “Ag kami ondalan ed satan!”

Joel 2:27

Kanyan sikayo ran taga Israel, naamtaan yo a wala ak ed sikayo tan siak a Katawan so bukbukor a Dios yo. Ag lan balut napabaingan iray totook.

1 CORINTO 8:6

para sikatayo saksakey so Dios, say Ama ya amalsad amin a bengatla tan mambibilay itayon para sikato. Saksakey met so Katawan, si Jesu-Cristo, a diad panamegley to apalsay amin a bengatla, tan diad panamegley to met mambibilay itayo.

Deuteronomio 32:7

“Nunot yo so apalabas, say abaybayag lan panaon nen saman; tepet yod kaamaan yo ta ibaga rad sikayo so agawa, tepet yod saray mamasiken ta ibaga rad sikayo so agawad apalabas.

Deuteronomio 33:26

Sikayon Israelita, anggapoy dios a miparad Dios yo, Manloglogan a sigagalang a ombeltang ed tawen. Manloglogan ya onsorub ed kaloreman ta ondagon ontulong ed sikayo.