Isaias 46:11 - Maung A Balita Biblia

¹¹ Tatawagen kon ondago so toon manlapud bokig; onsibar a singa sakey ya agila tan gawaen to so implanok. Nansalita ak, et tuan nagawa so sinalitak.

Maung a Balita Biblia

¹¹ Tatawagen kon ondago so toon manlapud bokig, onsibar a singa sakey ya agila tan gawaen to so implanok. Nansalita ak, et tuan nagawa so sinalitak.

Isaias 46:11 Iomraidhean Croise

Esdras 1:2

“Sikato yay ganggan nen Ciro ya Impirador na Persia. Say Katawan a Dios na Tawen ginanggan to ak a manoley ed intiron mundo tan impalima tod siak so pangipaalagey na Timplon para sikato diad Jerusalem na Juda.

Say Libro nen Job 23:13

Sikatoy ag balut mangoman. Anggapoy makasumlang ed sikato odino makabaat ed labay ton gawaen.

Saray Salmo 119:24

Saray bilibilin mo paliliketen da ak, sikaray manisimbawad siak.

Saray Salmo 76:10

Say pasnuk na totoo mansusumpal lamlamang ed lalon pangidayew dad sika; saray ag inatey ed bakal, ituloy dan silibraan iray pistam.

Isaias 10:12

Balet say Katawan kuanto, “Kayari na gagawaen kod Palandey na Sion tan diad Jerusalem, dusaen koy impirador na Asiria lapud panagpaatagey tan panagtangsit to.”

Isaias 18:6

Saray bangkay na saray sondalo ra et natilak irad pasen a nasabi na saray manok tan saray ayayep. No panaoy tiagew kanen ira na saray manok, tan no panaoy ambetel buagen ira na saray ayayep.”

Isaias 22:25

No nagawa la ya, onlokak tan napelag imay panagsabitan a malet a nisegkal. Et sikato la yay pansamput da ra may amin a nisabit.” Say Katawan so nansalita.

Isaias 25:1

Katawan, sika so Dios ko; Igalang ta ka tan idayew koy ngaran mo. Makapakelaw iray ginagawam a bengatla; matoor mon sinumpal iray plano ya abayag lan ninunot mo.

Isaias 37:26

“Ag mo ta ni nadngelan ya abayag ko la yan ginetma? Sinumpal ko la ra ya natan. Initdan ta kay pakayarin napagmaliw mon bunton na deral-deral iray siudad ya aliber na padir.

Isaias 38:15

Balet antoy nibagak? Say Katawan so angiter ed sayan sakit. Ansakit so pagew ko kanyan ag ak makaogip.

Isaias 41:2

“Siopay angyakar na mananalod bakal a taga bokig tan panataloen to ya anggad iner so laen to? Siopay mangiiter ed sikatoy pananalo ed saray arari tan saray bansa? Wawasiwasen to ra na ispada to, et nikayat iran singa dabuk. Bubuyaken ira na saray pana to, et magmaliw iran singa osang ya itiktikyab na dagem.

Isaias 41:25

“Nampili ak na toon manaayam ed bokig, manlapud baybay awiten kon ondogpa. Gagatin-gatinan to ray manoley ya aliling day pitek, sikatoy singa managgaway banga a manggatin-gatin ed pitek.

Isaias 44:28

Ikokuankod kinen Ciro, ‘Sikay mangilaman ed siak a manoley; onuren mo so labay kon pagawad sika; iganggan mon nipaalagey lamet so Jerusalem tan nilira iray pundasion na Timplo.’”

Isaias 45:13

Siak a dili so anogsog ed kinen Ciro a manumpal na getmak tan mangoksuy ed amin a bengatla. Peteken koy amin a dalanen to. Ipaalagey to lamet so siudad kon Jerusalem, tan ibolus to ray totook ya adakep. Anggapoy angupa odino amasoksok ed impanggawa tod saya.” Say Katawan a Makapanyarin-amin so nansalita.

Isaias 56:9

Say Katawan imbaga tod saray arum a bansa ya ondago ran singa saray ayayep ed takel tan buagen da ray totoo to.

Jeremias 44:28

Balet wala rad sikayoy pigaran makapaliis ed patey tan taynan day Egipto ya ompawil ed Juda. Diad satan saray akapaliis ed patey et naamtaan da no siopay akansalita so tinmua, siak o sikara.

Jeremias 50:29

“Ibaga yod saray sondalon pumapana a dogpaan day Babilonia. Ibaki yoy balang sondalon marunong a mamana. Lakob yoy siudad tan ag kayon balut mamapabatik na anggan siopa. Bawi kayod sikato onung na ginawa to, tan gawa yod sikatoy singa ginagawa tod arum, lapud nampaatagey sumpad siak, say Masanto na Israel.

Jeremias 50:44

“Onsabi ak a singa isasabid malambut a pastolan na sakey a lion a nanlapud makdel a takel na Ilog na Jordan insan ko biglan pataynanen ed siudad da iray taga Babilonia. Insan manoley ed bansa so pangulon pilien ko. Siopay mipara ed siak? Siopay onlaban ed siak? Siopan manoley so makasumpad siak?

Jeremias 50:45

Kanyan dengel kayod siak a Katawan, dengel yoy implanok sumpad saray taga siudad na Babilonia, tan say ginetmak a gawaen ed saray totoo to. Nagayugoy iray anggan ankekelag ya anak da, tan natalagnaw so balang too.

Ezekiel 39:4

Diad satan sikato tan saray sondalo to et ompatey iran kibalatar ed kapalandeyan na Israel tan paolyan kon kanen na saray manok tan saray ayayep ed katakelan iray bangkay da.

Saray Bilang 23:19

Say Dios et aliwan singa saray totoo a mantila; Aliwan singa too a mangoman na kanunotan to. No antoy insipan to tooren to; No antoy imbaga to sumpalen to.

Saray Gawgawa 4:28

Ginagawa ran amiy nakaukolan a nagawa, onung na inggetar mo la nen saman lapud pakayarim tan linawam.

Saray Gawgawa 5:39

Balet no nanlapud Dios, ag yo ra natalo. Ompan ompaway ni ingen a say Dios so lalabanan yo!” Tinombuk na Sanidrin yan simbawa nen Gamaliel.

TAGA-EFESO 1:11

Amin a bengatla nagagawa onung ed plano tan linaway Dios; tan pinili kamiy Dios a totoo to diad pikakasakey ed Cristo, onung ed getma tan plano to nanlapu lad gapo.

TAGA-EFESO 3:11

Ginawa ya na Dios onung ed andi-anggaan a getma to, a sinumpal to diad panamegley na Katawan tayon Cristo Jesus.

Puyan 16:12

Say kumanem ya anghil inkalbo tod baleg ya Ilog na Eufrates so kargay yaung to. Amagaan imay ilog, pian niparaan so dalanen da ray arin manlapud bokig.