Isaias 45:3 - Maung A Balita Biblia

³ Itdan ta ka na saray kayamanan a manlapud saray ambilonget tan maamut a pasen; naamtaan mod satan a siak so Katawan, say Dios na Israel ya anawag ed sika ed ngaran mo.

Maung a Balita Biblia

³ Itdan ta ka na saray kayamanan a manlapud saray ambilonget tan maamut a pasen; naamtaan mod satan a siak so Katawan, say Dios na Israel ya anawag ed sika ed ngaran mo.

Isaias 45:3 Iomraidhean Croise

2 Saray Awaran 6:17

Kanyan pikasik ed sika, O Katawan a Dios na Israel, a sumpal mo pay amin ya insipan mod kinen David ya aripen mo.

Esdras 1:2

“Sikato yay ganggan nen Ciro ya Impirador na Persia. Say Katawan a Dios na Tawen ginanggan to ak a manoley ed intiron mundo tan impalima tod siak so pangipaalagey na Timplon para sikato diad Jerusalem na Juda.

Exodo 33:12

Si Moises kuantod Katawan, “Tua ya imbagam ed siak ya ipangulok iray totoo ya onlad saman a dalin, balet ag mo imbagad siak no siopay ibakim a mangibad siak. Imbagam a kabat mo ak tan makaliliket kad siak.

Exodo 33:17

Say Katawan kuantod kinen Moises, “Gawaen koy kerew mo, lapud kabkabat ta ka tan makaliliket ak ed sika.”

Isaias 41:23

Ibaga yod sikami no antoy nagawad arapen— pian nabirbiran mi a diriyos kayo! Manggawa kayoy antokaman a kamaungan odino antokaman a deral, et diad ontan ontakot tan onkelaw kami!

Isaias 43:1

Say Katawan ya amalsad sika, Israel, kuanto, “Ag ka natatakot—iyagel ta ka. Tinawag ta kad ngaran mo—kayaryan ta ka.

Isaias 48:15

Siak so nansalita tan anawag ed sikato; inwanwan ko tan impanpalabok.

Isaias 49:1

Dengel kayod siak, sikayon arawin bansa, sikayon totoon manaayam ed arawin lugar! Kasakbayan na inkianak ko, pinili ak la na Katawan tan tinoro to ak a magmaliw ya aripen to.

Jeremias 41:8

Balet walay samplora ed samay grupo ya akikasid kinen Ismael, “Ag mo kami kari papateyen! Walay trigo, sibada, larak na oliba, tan dilo mi a niamut ed kaalogan.” Kanyan kinawanan toy bilay da tan ag to ra impipatey ed saramay kakaiba ra.

Jeremias 50:26

Manlapud amin a dapag dogpaan yoy Babilonia tan lokasan yo ray pasen ya akaisinupan na saray trigo! Ibunton yon singa abunton a trigo iray nasamsam yo! Deral yoy bansa! Ag kayon balut mangikekera na antokaman!

Jeremias 50:37

Patey yo ray kabayo to tan deral yo ray karwahi to! Patey ed saray inoopaan ton sondalo— agaylay kapoy da! Deral yo ray kayamanan to; akokos tan samsam yo ra.

Jeremias 51:13

Amayamay iray ilog na Babilonia tan saray baleg a kayamanan to, balet asabi lay oras to tan apongpong lay pabilo na bilay to.

Jeremias 51:53

Anggan makasegep ed tawen so Babilonia, tan manggawad may mabiskeg a tirinsira, siansian mangibaki ak na saray totoon maneral ed sikato. Siak, say Katawan, so nansalita.”