Isaias 45:20 - Maung A Balita Biblia

²⁰ Say Katawan kuanto, “Mantitipon kayo, sikayon totood saray bansa, amin yon nilaban nen atalo so impirio; mamparontal kayod panalaysay ed sikayo! Saray totoon mampaparadan awit da ray talintao ra tan mampipikasi rad saray diriyos ya ag makapangilaban ed sikara— totoo ran anggapon balut so amta!

Maung a Balita Biblia

²⁰ Say Katawan kuanto, Mantitipon kayo, sikayon totood saray bansa, amin yon nilaban nen atalo so impirio; mamparontal kayod panalaysay ed sikayo! Saray totoon mampaparadan awit da ray talintao ra tan mampipikasi rad saray diriyos ya ag makapangilaban ed sikara totoo ran anggapon balut so amta!

Isaias 45:20 Iomraidhean Croise

2 Saray Awaran 25:15

Akapasnuk so Katawan ed saya, kanyan angibaki na propita ed kinen Amasias. Tinepet na samay propita, “Akin et igagalang mo ray diriyos na arum a bansa ya ag da anggan niyagel ed pakayarim iray dilin totoo ra?”

2 Saray Awaran 28:23

Nambabagat ed diriyos na saray Siriano ya analod sikato. Inkuanto, “Saray diriyos da ray Siriano et tinulongan da ray ararid Siria, kanyan no mangibagat ak ed sikara nayarin, tulongan da ak met.” Lapud saya sinmabiy deral ed sikato tan say bansa to.

Saray Salmo 115:8

Saray nanggagawad sikara tan amin da ray manmamatalek ed sikara et magmaliw ira komun a singa saray talintao a ginagawa ra.

Isaias 4:2

Onsabiy panaon a say Katawan pabalegen tan pagmaliwen ton marakep so balang tanaman tan kiew a walad dalin. Amin da ray nakdaan a totood Israel et ikinon tan panliketan da ray bungay dalin.

Isaias 41:21

Say Katawan ya ari na Israel kuanto: “Sikayo ran diriyos na bansa, iparontal yoy riklamo yo. Ipaway yo la ray sankaabigan a paneknek yo!

Isaias 43:9

Pantitipon yo ray amin a totoo ed saray bansa. Siopad saray diriyos da so makapangipasakbay ed nagawa ed arapen a panaon? Siopad sikaray angipasakbay ed nagagawa natan? Iyarap komun na sarayan diriyos iray tasi ra a mamaneknek ya ag ira alingo, a mangipaliwawa ed katwaan na saray salita ra.

Isaias 44:10

Anggapoy iter ton kaabigan so panggaway mital a talintao ya igalang a dios!

Isaias 44:9

Andi-kakanaan iray amin a manggagaway talintaoy diriyos, tan anggapoy kana iray pabpablien dan diriyos. Bulag tan anggapoy mata iray mangigagalang ed sarayan diriyos—tan napelag irad kababaingan.

Isaias 46:1

“Sikato la yay anggaan na saray diriyos na Babilonia! Nen saman inggalang na saray totoo si Bel tan Nebo, balet natan akalogan irad beneg na asno, makabelbelat irad saray naksawan lan ayayep.

Isaias 48:14

“Mantitipon kayo, amin yo, tan dengel yo ak! Anggapod saray diriyos so makapangipasakbay a say toon pinilik et dogpaan toy Babilonia; sumpalen to so labay kon pagawad sikato.

Isaias 57:13

No onkerew kayoy tulong, pailaban kayod saratay talintaoy diriyos yo. Diad sakey a siplug na dagem, nibantak ira! Balet saray manmamatalek ed siak et nakayaryan day dalin tan igalang da ak ed Timplok.”

Jeremias 10:14

Diad pakanengneng ed saraya, nabirbir na amin a totoo a makulang-kulang tan anggapoy pakatalus da; balang platiro naeekalay ilalo ed saray talintao to, ta tila-tilan diriyos iray gagawaen da; anggapoy bilay da.

Jeremias 10:5

Saratan a talintaoy diriyos et singa ra totoon panagabul na saray manok ed katrigowan; tan ag ira makasalita; nakaukolan a sakbaten ira ta ag ira makaakar. Ag kayo natatakot ed sikara: ag da kayo nayarin pasakitan, tan anggapoy niiter dad sikayon kaabigan.”

Jeremias 10:8

Andi-kalakal tan makulang-kulang ira yan amin a totoo. Antoy naaral da ed saray kiew a talintaoy diriyos?

Jeremias 48:13

Diad satan saray taga Moab ibaing day dios dan Camos a singa samay inkabaingan da ray Israelita ed Betel, sakey a dios a nanmatalkan da.

Jeremias 48:47

Balet diad saray agew ya arapen say Katawan pagmaliwen ton maaligwas lamet so Moab. Sikato yay sintinsia ya inter na Katawan ed Moab.

Jeremias 50:28

Saray Israelitan priso a manaayam ed Babilonia et ombabatik irad Sion, tan ibabaga ra no panoy imbawi na Katawan a Dios tayo lapud samay ginawa na saray taga Babilonia ed Timplo to.)

TAGA-EFESO 2:12

Nunot yon asian kid Cristo ed saman a panaon, aliwa kayon kabyangay baley na Israel, tan anggapoy pinanabang yod saray sipanan a niletneg ed saray sipay Dios ed saray totoo to. Mambibilay kid saman ya anggapoy ilalo tan anggapoy Dios.

TAGA-EFESO 2:16

Lapud impatey tod krus, pinatonda toy kolkolay duaran bansa, pinapawil to ran duad Dios, tan impankasakey to rad saksakey a laman.