Isaias 45:2 - Maung A Balita Biblia

² “Siak a diliy mangiparaan na dalan mo, pataren ko ray kapalandeyan tan saray kapokdulan. Igebak iray gansan puirta tan poteren ko ray balewet a balatyang.

Maung a Balita Biblia

² Siak a diliy mangiparaan na dalan mo, pataren ko ray kapalandeyan tan saray kapokdulan. Igebak iray gansan puirta tan poteren ko ray balewet a balatyang.

Isaias 45:2 Iomraidhean Croise

Saray Salmo 107:16

Gegebaen to ray gansan puirta, tan popoteren to ray balatyang a balewet.

Isaias 13:2

Diad toktok na kinmelang a pokdul, ibitin yoy bandiran para bakal! Kolyaotan yo ray sondalo tan itagey yo ray taklay yon maninyas ed sikara ya ondogpa rad saray puirta na mapaatagey a siudad.

Isaias 14:31

Kolyaot tan kerew kayo na tulong, amin yon totood siudad na Filistia! Takot kayo, amin yo! Ta onsasabin manlalapud baybay so makapal a dabuk—sakey ya olup na saray sondalo ya anggapod sikaray matakot.

Isaias 24:12

Aderal-deral lay siudad tan nigeba la ray puirta to.

Isaias 40:4

Tabunan yo so kapag patar; patar yo so kapag palandey. Saray pokdul magmaliw iran patar, tan say matibagkul a kaomaan et magmaliw a palanas.

Isaias 42:16

“Itabin ko ray bulag a totook diad saray dalan ya ag da nin balut nanakaran. Pagmaliwen kon liwawa so bilonget da tan pataren koy matibagkul a dalin da. Sikara yay sipan ko, et sumpalen ko ran sumpalen.

Isaias 45:13

Siak a dili so anogsog ed kinen Ciro a manumpal na getmak tan mangoksuy ed amin a bengatla. Peteken koy amin a dalanen to. Ipaalagey to lamet so siudad kon Jerusalem, tan ibolus to ray totook ya adakep. Anggapoy angupa odino amasoksok ed impanggawa tod saya.” Say Katawan a Makapanyarin-amin so nansalita.

Isaias 48:15

Siak so nansalita tan anawag ed sikato; inwanwan ko tan impanpalabok.

Jeremias 28:13

ya onla ak a mangikuan ed kinen Ananias, “Inkuan na Katawan a nayarian mon poteren so pakon kiew, balet salatan to na pakon balatyang.

Jeremias 51:30

Tinondaan la na saray sondalo na Babilonia so mibakal tan nanayam la rad tirinsira ra. Nakalan iray biskeg na linawa, tan nagmaliw iran singa bibii. Ageba ray puirta na siudad tan apoolan iray kaabungan.

Jeremias 51:58

Nageba ya anggad dalin iray makapal a padir na Babilonia, tan napoolan iray atatagey iran puirta to. Magmaliw ya andi-kakanaan ya amin iray kimey da ray totood saray bansa, tetemeken na apoy ya amin iray nansagpotan da. Siak, say Katawan a Makapanyarin-amin, so nansalita.”

Daniel 5:28

say Parsin et paldua, ta apalduay nanarian mo tan niiter ed saray taga Media tan saray taga Persia.”

Daniel 8:4

Binantayan ko may karniro a bobonoen toy bandad sagur, baybay, tan diad abalaten. Anggapoy ayep a makapatondad sikato odino makapaliis ed pakayari to. Ginawa toy labay ton dili tan pinmalaloy inkalastug to.

Nahum 3:13

Singa bibii iray sondalom, tan akaparontal ya anggapoy nagawaan ed arap na saray kalaban mo so bansam. Temeken na apoy iray balewet na saray puirtam.

Lucas 3:5

Nakaukolan a natabunan iray abeban pasen tan napalanas iray nipokdul tan nipalandey a pasen. Nakaukolan a napetek iray malikon daladalan, tan napatar iray matibagkul a daladalan.

Saray Gawgawa 1:15

Kalabas na pigaran agew, nantitipon iray sakey a sanlasus tan duamplon mananisia. Inmalagey si Pedro tan inkuanto,