Isaias 44:8 - Maung A Balita Biblia

⁸ Ag kayo natatakot, totook! Amta yo a nanlapud saman a panaon ya anggad natan impasakbay koy amin ya agawa, et sikayo ray tasik. Wala ta niy arum a Dios? Wala ta niy makapanyarin dios ya ag kon balut akabatan?”

Maung a Balita Biblia

⁸ Ag kayo natatakot, totook! Amta yo a nanlapud saman a panaon ya anggad natan impasakbay koy amin ya agawa, et sikayo ray tasik. Wala ta niy arum a Dios? Wala ta niy makapanyarin dios ya ag kon balut akabatan?

Isaias 44:8 Iomraidhean Croise

Genesis 46:3

“Siak so Dios, say Dios nen amam,” inkuanto. “Ag ka natatakot ya onlad Egipto; gawaen kod man a baleg a bansa iray kabyangay boleg mo.

Genesis 48:19

Ag inmabuloy si ama to tan kuanto, “On, amtak anak ko. Magmaliw met a matalonggaring a totoo iray kabyangay boleg nen Manases. Balet magmaliw a matalonggaring ni so yogtan to nen say sikato, tan magmaliw a matalonan bansa iray kabyangay boleg to.”

2 Samuel 22:32

Bukbukor na Katawan so Dios; say Dios labat so manangyagel tayo.

Esdras 1:2

“Sikato yay ganggan nen Ciro ya Impirador na Persia. Say Katawan a Dios na Tawen ginanggan to ak a manoley ed intiron mundo tan impalima tod siak so pangipaalagey na Timplon para sikato diad Jerusalem na Juda.

Esdras 8:22

Ambaing ak lan onkerew ed ari na saray sondalon mangyagel ed sikamid saray kalaban legan min mambiahi, lapud imbagak ed sikaton bindisionan na Dios mi so siopaman a manmatalek ed sikato tan dusaen to so siopaman ya onarawid sikato.

Saray Salmo 18:31

Bukbukor na Katawan so Dios; say Dios labat so manangyagel tayo.

Saray Salmo 18:32

Sayan Dios a mamapabiskeg ed siak, eekalen toy kaatapan ed dalan ko.

Saray Salmo 86:10

Sikay makapanyari tan manggagawa ka ray pakelaw; bukor mo so Dios.

Isaias 17:10

Totood Israel, alingwanan yoy Dios ya angilaban ed sikayo, ya aliling toy baleg a baton-dampay ya angyagel ed sikayo. Nanggagawa kayo la laingen na saray masanton tanamanan ya angigalangan yod dios na arum a bansa.

Isaias 26:4

Ando lan andon manmatalek kayo ed Katawan, iyagel to itayo lawas.

Isaias 30:29

Balet sikayo ran totoo na Dios, manliket tan mankanta kayo a singa gagawaen yo no labi no masanton pista. Manliket kayon singa saray manaakar legan a totogtogen iray plauta diad pamapaarap dad Timplo na Katawan a manangyagel na Israel.

Isaias 41:23

Ibaga yod sikami no antoy nagawad arapen— pian nabirbiran mi a diriyos kayo! Manggawa kayoy antokaman a kamaungan odino antokaman a deral, et diad ontan ontakot tan onkelaw kami!

Isaias 42:9

Tinmua la natan iray impapasakbay ko. Ibagak ed sikayo natan iray balon bengatla anggan kasakbayan na igapoy pakagawa ra.”

Isaias 43:10

“Totood Israel, sikayo ray tasik; pinili ta kayon aripen ko, pian nakabatan yo ak tan manisia kayo ed siak tan natalusan yo a Siak si Siak. Likud ed siak anggapo lay arum a dios nen saman, natan, tan anggan kapigan.

Isaias 43:11

“Bukbukor ko so Katawan, siak labat so makapangilaban ed sikayo.

Isaias 43:12

Impasakbay koy nagawa, insan inlaban ta kayo. Anggapoy dios na arum a bansa a nanggawad saya; sikayo ray tasik.

Isaias 43:9

Pantitipon yo ray amin a totoo ed saray bansa. Siopad saray diriyos da so makapangipasakbay ed nagawa ed arapen a panaon? Siopad sikaray angipasakbay ed nagagawa natan? Iyarap komun na sarayan diriyos iray tasi ra a mamaneknek ya ag ira alingo, a mangipaliwawa ed katwaan na saray salita ra.

Isaias 44:2

Siak so Katawan ya amalsad sika; nanlapud inkianak mo, tinutulongan ta ka. Ag ka natatakot; sika so aripen ko, say toon pinilik tan inarok.

Isaias 44:6

Say Katawan a manooley tan mangyaagel ed Israel, say Katawan a Makapanyarin-amin, kuanto, “Siak so sankaonaan tan say sankaonuran; anggapo lay arum a Dios no ag say siak labat.

Isaias 45:19

Ag ak nansalita ed maamut odino inamut koy getmak. Ag ko imbagad saray totood Israel ya anapen da ak ed maamut a pasen. Siak so Katawan, sasalitaen koy katwaan; Ipapaamtak no antoy maptek.”

Isaias 46:9

Tandaan yo ray agawa nen saman; birbir yon bukbukor koy Dios tan anggapo lay arum a singa siak.

Isaias 48:3

Say Katawan kuantod Israel, “Abaybayag ko lan impasakbay no anto ray nagawa; insan kabebekta, ginawak ira.

Isaias 48:5

Lapud saya impasakbay ko lan abayag so nagawad sika ed arapen; kasakbayan a nagawa ray bengatla imbabawag ko la ra, pian ag mo ipasen a saray talintao tan saray imahin na diriyos mo so angyabuloy a nagawa ra ya.

Jeremias 10:7

Siopay ag mangigalang ed sika, sika ya ari na amin a bansa? Sika so manepeg a galangen. Diad saray amin a makabat ed saray bansa, tan diad amin da ray arari ed bansa, anggapoy mipara ed sika.

Daniel 2:28

Balet walay Dios ed tawen a sikatoy mangipapaamtad saray mistirio. Impaamta tod sika, Kagalang ya Ari, no antoy nagawa ed arapen. Natan ibagak ed sika so kogip mo, say nipasingayew ed sika nen naogip ka.

Daniel 2:47

Inkuan na ari, “Say Dios mo so sankatalonggaringan ed amin da ray diriyos, say Katawan da ray arari, tan sikato so mangipapaamta ed kabaliksan na saray mistirio. Amtak ya, lapud ayarian mon impaliwawa so kabaliksan na sayan mistirio.”

Daniel 4:25

Napaarawi kad kawalaan da ray totoo tan manayam kad kawalaan da ray ayayep ed katakelan. Pitoy taon a mangan kay dika a singa baka, tan manogip ka ed pasen ya anggapoy tarung, a diman ka nalinaewan. Insan birbiren mo a walad silong na pakaoley na Sankatageyan a Dios iray nanarian na too tan nayarian to ran iter ed siopaman a labay ton pangitdan.

Daniel 6:22

Imbaki na Dios ko so anghil to ya amepet ed sangi da ray lion, pian ag da ak napasakitan. Ginawa to ya, ta amta to ya anggapoy kasalanan ko tan anggapoy maoges a ginawak ed sika, Kagalang ya Ari.”

Joel 2:27

Kanyan sikayo ran taga Israel, naamtaan yo a wala ak ed sikayo tan siak a Katawan so bukbukor a Dios yo. Ag lan balut napabaingan iray totook.

Juan 1:1

Diad gapoy gapo wala la so Salita. Say Salita kaibay Dios tan sikatoy Dios.

Juan 10:30

Siak tan say Ama, saksakey kami.”

Juan 6:10

“Payorung yo ray totoo,” inkuanen Jesus ed sikara. (Marikarikad saman a pasen.) Inmirung ya amin iray totoo, et sakey a liman libo la ray lalaki.

Saray Gawgawa 1:8

Balet naitdan kayoy pakayari no onsabid sikayoy Ispiritu Santo, tan magmaliw kayon tasik ed Jerusalem, diad intiron Judea tan Samaria, tan diad amin a sokung na mundo.”

Saray Gawgawa 14:15

“Sikayon totoo, akin et gagawaen yo ya? Totoo kami met a kapara yo! Impupulong mid sikayoy Maung a Balita, pian nalingwanan yo la ra yan andi-kakanaan a bengatla tan ondago ki lad mabilay a Dios ya amalsay tawen, dalin, tan dayat, tan amin a logan da ra ya.

Deuteronomio 32:31

Amta na saray kalaban da a makapoy iray dilin diriyos da, ag da naaligan so makapanyarin Dios na Israel.

Deuteronomio 32:39

“‘Siak, tan siak labat, so Dios; anggapo lay arum. Mamatey ak tan mangiter ak na bilay, manugat ak tan mamaabig ak, tan anggapoy makasumlang ed antokaman a gawaen ko.

Deuteronomio 32:4

“Say Katawan so makapanyarin manangyagel yo, ayadyari tan matonung ya amin so gagawaen to; Matoor tan matwa so Dios yo; say katonungan tan kaptekan so gagawaen to.

Deuteronomio 4:35

Say Katawan impapanengneng to ra man ed sikayo, pian napaneknekan tod sikayo a bukbukor to so Dios tan anggapo lay arum.

Deuteronomio 4:39

Kanyan natan tandaan yo tan ag yon balut lilingwanan a say Katawan et Dios ed tawen tan diad dalin. Anggapoy arum a dios.

Saray Hebreo 12:1

Aliber itayoy amayamay a tasi, kanyan ikaindan ti la ray amin a makaskasbel ed sikatayo, tan say kasalanan ya ompepeket a malet ed sikatayo. Anosan tayon ituloy so batiken tayo ni.

1 Juan 1:2

Nen nagmaliw a nanengneng yan bilay, anengneng mi. Sasalitaen mi tan ibabaga mid sikayoy nipaakar ed bilay ya andi-anggaan a kaibay Ama tan nipaamta ed sikami.

1 Samuel 2:2

“Anggapoy masanto a singa say Katawan; anggapoy miparad sikato, anggapoy manangyagel a singa say Dios tayo.