Isaias 44:5 - Maung A Balita Biblia

⁵ “Sansakey ya ibagad satan na saray totoo, ‘Kayaryan ak na Katawan.’ Ondago ran mikasakey ed saray totood Israel. Balang too itatak tod taklay to so ngaran na Katawan tan tawagen toy sikaton dili a sakey ed saray totooy Dios.”

Maung a Balita Biblia

⁵ Sansakey ya ibagad satan na saray totoo, Kayaryan ak na Katawan. Ondago ran mikasakey ed saray totood Israel. Balang too itatak tod taklay to so ngaran na Katawan tan tawagen toy sikaton dili a sakey ed saray totooy Dios.

Isaias 44:5 Iomraidhean Croise

2 Saray Awaran 36:23

“Sikato ya so ganggan nen Ciro ya Impirador na Persia. Say Katawan a Dios na Tawen ginawa to ak a manoley ed intiron mundo tan ingganggan to ak a mamaalagey na sakey a timplo to diad Jerusalem na Juda. Amin yo sirin a totoo na Dios, pawil kayo lad Jerusalem. Mila komun ed sikayo so Katawan a Dios yo.”

Nehemias 9:38

Lapud sayan amin ya agawa, sikamin totood Israel, et nanggawa kami na malet a paknaan ya insulat tan pinirmaan na saray pangulo mi, saray Levita mi, tan saray papari mi.

Saray Salmo 116:16

Siak so aripen mo, Katawan; lilingkuran ta kan singa impanlingkur nen inak. Impaliis mo ak ed patey.

Exodo 13:9

Sayan pista et sakey a pakanudnonotan a singa bengatlan nisinger ed lima yo odino diad muling yo; ipanunot tod sikayo so pangituloy yoy pangibitla tan panaral na Ganggan na Katawan, lapud say Katawan impaway to kayod Egipto diad panamegley na baleg a pakayari to.

Isaias 2:3

tan ikuan na saray totoo ra, “Gali dia ta ontatdang itayod palandey na Katawan, diad Timplo na Dios na Israel. Ibangat to itayo na saray labay ton pagawad sikatayo; mankurang itayod saray dalan sa pinili to. Ta manlalapud Jerusalem iray bangat na Katawan; manlapud Sion mansasalitad saray totoo to.”

Jeremias 32:10

Pinirmaan tan tinimbrian koy kasulatan, impatasian ko, tan inalay belat na kuarta ed simbangan.

Jeremias 50:5

Tepeten da no iner so dalan ya ompogtad Sion, insan irad man onla. Misipanan ira na andi-anggaan ed siak tan ag dan balut la deralen.

Mikias 4:2

et ikuan na saray katoowan da, “Onkalab tayod palandey na Katawan, diad Timplo na Dios na Israel. Ta ibangat tod sikatayo so labay ton pagawad sikatayo; manakar itayod saray dalan a pinili to. Ta manlalapud Jerusalem so bangat na Katawan; manlapud Sion say Katawan mansasalitad saray totoo to.”

Zacarias 13:9

Suboken ko ray akeraan a kakatlo tan linisan ko ran singa kalinisan na pilak ed apoy. Suboken ko ran singa kasubok na balituk. Insan ira mampikasi ed siak, et ebatan ko ra. Ibagak ed sikara a sikaray totook, tan ibawag dan siak so Dios da.”

2 CORINTO 8:5

Alabas ni nen say inilaloan mi! Inter dan inmona so bilay dad Katawan; insan, onung ed linawa na Dios, inter da met ed sikamiy bilay da.

TAGA GALACIA 6:16

Diad amin a mambibilay onung ed sayan totontonen, tan pati amin a totooy Dios—nawalaan ira komuy kareenan tan panangasiy Dios!

TAGA GALACIA 6:17

Kanyan manlapud natan, ag la komun aruman na anggan siopa so kairapan ko, ta saray piglat na laman ko so mangipapaamta ya aripen ak nen Jesus.

1 Pedro 2:9

Balet sikayoy apilin totoo, papari na Ari, sakey a bansan masanto, tan totoo na Dios. Say Dios pinili to kayon mangipulong na makapakelaw iran gawgawa to. Sikato met so anawag ed sikayod kabilongetan tan angyakar ed sikayod makapakelaw a liwawa to.