Isaias 44:3 - Maung A Balita Biblia

³ “Itdan ko na danum so amagamagan dalin tan paagosen ko so kinmelang a dalin na sobul na danum. Ikalbok ed saray anak mo so ispirituk; iter kod saray kabyangay boleg mo so bindision ko.

Maung a Balita Biblia

³ Itdan ko na danum so amagamagan dalin tan paagosen ko so kinmelang a dalin na sobul na danum. Ikalbok ed saray anak mo so ispirituk; iter kod saray kabyangay boleg mo so bindision ko.

Isaias 44:3 Iomraidhean Croise

Say Libro nen Job 5:25

Nawalaan ka na amayamay ya anak, a singa karakel na dika ed tapew na dalin.

Saray Salmo 107:35

Ginawa ton danum iray kabueran, tan impagmaliw ton managagos a sobul so amagan dalin.

Saray Salmo 63:1

O Dios, sikay Dios ko, tan pampipirawatan ta ka. Sika so pampipilalekay intiron inkatook; say kamarerwak so napnapgaan ed sika, a singa naksawan, amagaan, tan kinmelang a dalin.

Probirbio 1:23

Dengel kayo no pampasnukan ta kayo; itdan ta kayoy maung a simbawa tan inagnag kod sikayoy pakatalus ko.

Isaias 27:3

“Babantayan koy kaubasan ko tan sasalogen ko lawas. Guaguardiaan ko ed agew tan labi, pian anggapoy manderal ed sikato.

Isaias 32:15

Balet maminsan nin ibaki na Dios ed sikatayo so ispiritu to. Magmaliw a mataban dalin so kalawakan, tan mangiter na marakep a bunga iray kaalogan.

Isaias 32:2

Balang sakey ed sikara et magmaliw a singa sakey a salimbeng no panaoy maragem tan sakey a pasen ya amutan no walay bagyo. Magmaliw iran singa kolus a managagos ed sakey ya amagamagan pasen, tan sakey a sirum ed petek na balbaleg a bato ed kinmelang a dalin.

Isaias 41:17

“No diad pankaukolan na saray totook et mananap ira na danum, no amaga lay kolokolung da lapud inkapgaan, siak ed satan a Katawan et ebatan koy pikakasi ra; siak, a Dios na Israel et ag ko ran balut ikaindan.

Isaias 48:19

Singa la komun karakel na buer so karakel na saray kabyangay boleg yo, tan andi-duaruwa komun ya ag ko ran balut impapatey.”

Isaias 48:21

Nen inwanwan na Katawan ed kalawakan iray totoo to, ag da asaliy napgaan. Pinapaway ton para sikara so danum ed baton-dampay; nilengat toy baton-dampay, et inmagos so danum.

Isaias 49:10

ag iran balut naerasan odino naapgaan. Ag ira napasakitan na petang na agew tan makasinit a dagem, ta iwanwan ira na samay maarod sikara. Iwanwan to rad abay na sobul na danum.

Isaias 55:1

Say Katawan kuanto, “Dago kayo, amin yon napgaan—niay danum! Dago kayo, sikayon anggapoy kuarta— manaliw kayoy trigo tan mangan kayo! Dago kayo! Manaliw kayoy alak tan gatas— anggapoy nepeg yon bayaran!

Isaias 59:21

Saya so pisisipanan kod sikayo: Initdan ta kayo na pakayarik tan inyawat ko ray bangat kod sikayo a kayaryanen yo ra ed anggad angga; et manlapud natan ya anggad angga nepeg ya onuren yo ak tan ibangat yo ray anak yo tan saray kabyangay boleg yo ya onuren da ak.”

Isaias 61:9

Ombantug irad saray bansa; Nakabatan na balang sakey a makanengneng ed sikara A sikaray totoon binindisionan ko.”

Isaias 65:23

Onaligwas so antokaman a kimeyan da, tan ag nadalan na segsegang iray anak da. Bindisionan ko ra tan amin da ray kabyangay boleg da ed amin a panaon ya onsabi.

Ezekiel 34:26

“Bindisionan ko ra tan abuloyan ko ran manayam ed kaliber-liber na masanton pokdul ko. Bindisionan ko rad man na saray ompelag ya oran no nakaukolan da.

Ezekiel 36:27

Iyan kod sikayo so ispirituk tan patoluken ta kayod saray ganggan ko tan saray bilin kod sikayo.

Ezekiel 39:29

Ikalbok ed saray totood Israel so ispirituk tan ag ko la ran balut ikaindan. Siak a Katawan a Dios so nansalita.”

Ezekiel 47:8

Inkuantod siak, “Sayan danum onaagos ed bandad bokig ya anggad Patar na Jordan tan diad Inatey a Dayat. No kaagos tod Inatey a Dayat, salatan tod man so danum a maasin na matabang a danum.

Oseas 10:12

Inkuanko, ‘Mambaka kayo na balon dalin a para sikayo, mantanem kayoy katonungan, tan manani kayo na saray bindision a bunga na panangaro yod siak. Panaon la na ipawil yod siak a Katawan yo, et ondago ak a mangikalbod sikayo na saray bindision.’

Joel 2:27

Kanyan sikayo ran taga Israel, naamtaan yo a wala ak ed sikayo tan siak a Katawan so bukbukor a Dios yo. Ag lan balut napabaingan iray totook.

Joel 2:28

“Kayari to yan nagawa ibung kod balang sakey a too so ispirituk: ibawag na saray anak yon lalaki tan bibii so balitak; nawalaan na saray kogip iray mamatakken yon lalaki, tan makanengneng na pasingayew iray tobun-balo yo.

Joel 3:1

Say Katawan kuanto, “Diad satan a panaon ipawil koy aligwas na Juda tan Jerusalem.

Joel 3:18

Diad satan a panaon napano na kaubasan iray kapalandeyan, tan nawalaan na baka so balang pokdul; nawalaan na daakan a danum so intiron Juda. Manlapud Timplo na Katawan onagos so kolus a manalog ed Patar na Acacia.

Mikias 5:7

Say totood Israel a nakeraan a mabilay et magmaliw iran singa ambetel a linaew ya impelag na Katawan ed saray amayamay a bansa, singa ra mayamayan ompepelag ed saray ombabaleg a tanaman. Manmatalek irad Dios, aliwan diad too.

Zacarias 12:10

“Panoen ko na ispiritu na panangasi tan ispiritu na pikakasi iray kabyangay boleg nen David tan saray arum a totoo ed Jerusalem. Onnengeng irad sakey a dinoyuk da, tan ermenan da a singa ra saray maneermen ed saksakey ya anak. Mapalaloy panermen da a singa ra saray maneermen ed impatey na panguloan ya anak a laki.

Mateo 12:43

“No ompaway ed sakey a too so maoges ya ispiritu, mananap na amagan pasen a pampainawaan to. No anggapoy naalmo to,

Saray Gawgawa 10:45

Mankelaw ira may mananisian Judio a kakaiba nen Pedro, ta inter met na Dios ed saray Hintil so panangaron Ispiritu Santo.

Saray Gawgawa 2:17

‘Onyay gawaen ko no kaonuran iran agew, inkuay Dios: ibung kod balang sakey a too so Ispirituk. Ibawag na saray anak yon lalaki tan bibii so balitak; makanengneng na saray pasingayew iray tobun-balo yo tan nawalaan na saray kugip iray mamatakken yon lalaki.

Saray Gawgawa 2:33

Niatagey ed nikawanay Dios, tan inawat toy Ispiritu Santo ya insipan na Ama to. Inter nen Jesus yan Ispiritu Santo ed sikami, onung na nanenengneng tan narerengel yo natan.

Saray Gawgawa 2:39

Ta insipay Dios yad sikayo tan saray anak yo, tan diad saray amin a walad arawi—amin a tatawagen na Dios a Katawan tayo.”

Puyan 21:6

Inkuanto nid siak, “Asumpal la! Siak so Alpha tan say Omega, say gapo tan say samput. Siopamay napgaan itdan ko na anggapoy bayar a danum a manlapud sobul na danum na bilay.

Puyan 22:17

Inkuan na Ispiritu tan say Nobia, “Gala dia!” Nepeg ya amin da ray makadngel ed saya ikuanda met, “Gala dia!” Siopamay napgaan, onasingger; siopamay malabay, mangala na anggapoy bayar a danum na bilay.