Isaias 44:17 - Maung A Balita Biblia

¹⁷ Say arum a parti na kiew gawaen ton sakey a talintaoy dios, insan to dakmomoan tan igalang. Pampikasian to tan kuanto, “Sika so dios ko—ilaban mo ak pa!”

Maung a Balita Biblia

¹⁷ Say arum a parti na kiew gawaen ton sakey a talintaoy dios, insan to dakmomoan tan igalang. Pampikasian to tan kuanto, Sika so dios koilaban mo ak pa!

Isaias 44:17 Iomraidhean Croise

1 Saray Arari 18:26

Inala da may bakan niiter ed sikara, imparaan da, tan nampikasi rad kinen Baal ya anggad kaagewan. Ineyag da, “Ebatan mo kami pa, Baal!” tan nansayaw-sayaw irad kaliber-liber na altar a ginawa ra. Balet anggapoy ebat a naalagar da.

1 Saray Arari 18:28

Kanyan inkasil day pampipikasi ra, tan sinasalger day laman da na saray yuro tan saray punyal, onung na sirimonya ra, ya anggad inmaagos so dala.

Isaias 2:8

Napno na saray talintaoy diriyos so dalin da, tan igagalang da ray bengatlan ginawa na dilin lima ra.

Isaias 37:38

Aminsan ya agew, nen mangigagalang si Senakerib ed dalem na timplo na dios ton Nisroc, pinatey na duara ed saray anak ton lalaki a di Adramelec tan Sarezer, diad panamegley na ispada, insan batik irad dalin na Ararat. Sakey ed saray anak to a si Esarhadon so sinmalat ed sikaton nanoley.

Isaias 44:15

Say sakey a too ikana ton itotongo iray arum a kabyangan na kiew tan say arum a kabyangan et gawaen ton talintao. Saray arum a parti parlangan to a pandangdangan to tan panggawaan to na tinapay; say arum a parti gawaen ton sakey a talintaoy dios, insan to galangen.

Isaias 44:16

Parlangan to iray arum a parti na kiew; pankalutan to na karni, kanen to, tan napesel. Mandangdang tan ikuanto, “Agaylay abig ta apetangan ak! Agaylay dakep yan apoy!”

Isaias 45:20

Say Katawan kuanto, “Mantitipon kayo, sikayon totood saray bansa, amin yon nilaban nen atalo so impirio; mamparontal kayod panalaysay ed sikayo! Saray totoon mampaparadan awit da ray talintao ra tan mampipikasi rad saray diriyos ya ag makapangilaban ed sikara— totoo ran anggapon balut so amta!

Isaias 46:6

Lolokasan na saray totoo iray supot da insan da ikakalbo ray balituk da; isisimbang da ray pilak ed simbangan. Manguupa ray platiron manggawa na dios; insan da dadakmomoan tan gagalangen so sakey a dios.

Jeremias 2:27

Nabaingan kayo, sikayon mangibabaga ya ama yoy sakey a kiew tan ina yoy sakey a baton-dampay. Nagawa ya, lapud imbatikan yo ak anta siak komuy singgeran yo. Balet no wala kayod gunigon, kerewen yon asinggeran ta kayon ilaban.

Daniel 3:17

No say Dios a panlilingkuran mi et nayarian to kamin iyagel ed manliub a palbaan tan diad pakayarim, iyagel to kami.

Daniel 3:29

“Et natan, igaganggan ko a tegtegtegen so laman na siopaman a taga dinanman a bansa, anggan antoy kolor na baog to tan salita to, a mansalitay sumpad Dios di Sadrac, Mesac, tan Abednego. Gawaen a bontun na deral-deral so abung to. Anggapoy arum a dios a makapangyagel na onya.”

Daniel 6:16

Kanyan ingganggan na ari ya erelen si Daniel tan ibontuk ed maawang ya abut a kawalaan da ray lion. Inkuantod kinen Daniel, “Iyagel ka komun na Dios a matoor mon panlilingkuran.”

Daniel 6:27

Sikato so mangilalaban tan mangyaagel; manggagawa na saray milagro tan saray pakelaw diad tawen tan diad dalin. Inyagel toy Daniel ed pamatey na saray lion.”

Oseas 13:2

Itutuloy da niy panagkasalanan da diad panggagawa ra na saray mital a talintaoy diriyos a galgalangen da—saray talintaon pilak, a bunga na kanunotan tan say limay too so nanggawa. Insan da kuan, “Mangisaklang kayod sikara na saray bagat.” Panoy iyangub na saray totoo ed saraman a talintaoy diriyos—talintao ran kapara na saray bakan kalakyan?

Mikias 5:12

Deralen ko ray ikakana yon galing tan oputen kon amin iray managparles yo.

Habacuc 2:19

Pakaskasi kayo la! Ikuan yod sakey a poter na kiew, “Bangon ka!” odino diad sakey a tabas na bato, “Alagey ka!” Wala tay nipuyan ed sikayo na sakey a talintao? Nayarin naokupan na pilak tan balituk yan talintao, balet anggapoy bilay to.

Saray Gawgawa 19:27

Walay kaatapan ed saya, ta deralen toy nigosio tayo. Aliwan satan labat, naandian niy kabaliksan so timplo na matalonan diosa a si Artemis. Nayari met a natondaan lan galangen, say diosa a gagalangey amin a totood Asia tan intiron mundo!”