Isaias 44:14 - Maung A Balita Biblia

¹⁴ Nayarin mamatang na kiew a sidro ya ikana to, odino pilien toy kiew a lugo o saleng diad takel. Odino mantanem na kiew a lauril tan alagaren ton ompelag so oran a mamatubo ed intanem to.

Maung a Balita Biblia

¹⁴ Nayarin mamatang na kiew a sidro ya ikana to, odino pilien toy kiew a lugo o saleng diad takel. Odino mantanem na kiew a lauril tan alagaren ton ompelag so oran a mamatubo ed intanem to.

Isaias 44:14 Iomraidhean Croise

Isaias 40:20

Say toon ag to nayarian ya ikanay pilak o balituk lapud kairapay bilay to, et pilien to lay kiew ya ag naboluk. Manaanap na marunong ya iskotur a manggawa na talintaon ag natumba.

Isaias 44:13

Sokaten na iskotur so sakey a poter na tibokel a kiew. Igolis to na tisa ed samay kiew iray nepeg ton gawaen. Kitikitan tod satan na saray kagawaan to, gawaen ton sakey a kaparpara na sakey a guapon laki, ta ilira tod dalem na abung to.

Isaias 44:15

Say sakey a too ikana ton itotongo iray arum a kabyangan na kiew tan say arum a kabyangan et gawaen ton talintao. Saray arum a parti parlangan to a pandangdangan to tan panggawaan to na tinapay; say arum a parti gawaen ton sakey a talintaoy dios, insan to galangen.

Oseas 4:12

Onkekerew ira na puyan a manlapud sakey a poter na kiew! Sasalitaen na sakey bastun so labay dan amtaen. Inkaindan da ak. Aliling day sakey a biin mikakaloguran, diad impanlilingkur da ed arum a diriyos.

Habacuc 2:19

Pakaskasi kayo la! Ikuan yod sakey a poter na kiew, “Bangon ka!” odino diad sakey a tabas na bato, “Alagey ka!” Wala tay nipuyan ed sikayo na sakey a talintao? Nayarin naokupan na pilak tan balituk yan talintao, balet anggapoy bilay to.