Isaias 44:12 - Maung A Balita Biblia

¹² Say managpanday na talintaon mital et tonawen tod apoy so mital. Martilyoen to na mabiskeg a taklay to so mital pian nagawan sakey ya imahin. Diad pankimey to, naerasan, naapgaan, tan nakesawan.

Maung a Balita Biblia

¹² Say managpanday na talintaon mital et tonawen tod apoy so mital. Martilyoen to na mabiskeg a taklay to so mital pian nagawan sakey ya imahin. Diad pankimey to, naerasan, naapgaan, tan nakesawan.

Isaias 44:12 Iomraidhean Croise

Exodo 32:4

Inala to ra nen Aaron, tinonaw to ra, inkalbo tod moldora, tan ginawa ton balituk a bakan kalakyan. Saray totoo kuanda, “Israel, sikato ya so dios tayo ya angipaway ed sikatayod Egipto.”

Exodo 32:8

Sinmian la rad dalan ya ingganggan kon tombuken da; nanggawa ray inmoldoran balituk a bakan kalakyan, igagalang da tan pangibabagatan da. Ibabaga ra a sikatoy dios da ya angipaway ed sikara manlapud Egipto.

Isaias 40:19

Sikatoy ag mipara ed talintaon gagawaen na iskotur, a say platiro et okupan to na balituk tan ipatoon tod pilak.

Isaias 40:20

Say toon ag to nayarian ya ikanay pilak o balituk lapud kairapay bilay to, et pilien to lay kiew ya ag naboluk. Manaanap na marunong ya iskotur a manggawa na talintaon ag natumba.

Habacuc 2:13

Andi-kakanaan so nansasagputan na saray bansan dinadakep yo, tan natetemek ed apoy iray impapaalagey da. Say Katawan a Makapanyarin-amin so nanggawad saya.

Habacuc 2:18

Antoy kana na sakey a talintaoy dios? Sakey labat a ginawa na sakey a too, et anggapoy nibaga tod sikayo no ag katilaan labat. Antoy kaabigan a niiter na talintao diad panmatalek ed sikato na nanggawad sikato? Say talintao et sakey labat a dios ya ag anggan makasalita.

Zacarias 1:20

Insan impanengneng na Katawan ed siak so apatiran kumikimey a sankaawit da ray mantilyo.

Deuteronomio 4:28

Manlingkur kayod man ed saray diriyos a ginagawa na lima, saray diriyos a kiew tan bato, saray diriyos ya ag makanengneng o makadngel tan ag da nayariay mangan o onangub.