Isaias 44:11 - Maung A Balita Biblia

¹¹ Napaabeba ya amin iray mangigagalang ed talintaoy dios. Totoo labat iray manggagawa na talintaoy diriyos. Ondago ra komun a mantitipon tan salaysayen ira—nataktakot ira tan napelag irad kababaingan.

Maung a Balita Biblia

¹¹ Napaabeba ya amin iray mangigagalang ed talintaoy dios. Totoo labat iray manggagawa na talintaoy diriyos. Ondago ra komun a mantitipon tan salaysayen iranataktakot ira tan napelag irad kababaingan.

Isaias 44:11 Iomraidhean Croise

1 Saray Arari 18:40

Ingganggan nen Elias, “Erel yo ray propita nen Baal; ag kayo mamapabatik na anggan sakey ed sikara!” Inerel da ra, insan inyakar nen Elias iran amin ed Kolus na Kison tan diman to ra pinapatey.

Saray Salmo 97:7

Napepelag ed kababaingan ya amin iray mangigagalang ed saray talintaoy diriyos; mandadakmomo ya amin iray diriyos ed Katawan.

Isaias 1:29

Ombaing kayo lapud impangigagalang yod saray kiew tan lapud impanggawa yo ray masanton tanamanan.

Isaias 42:17

Amin da ray manmamatalek ed saray talintaoy diriyos ya ibabaga ran dios da iray imahin et napaabeba ra tan napelag irad kababaingan.”

Isaias 44:9

Andi-kakanaan iray amin a manggagaway talintaoy diriyos, tan anggapoy kana iray pabpablien dan diriyos. Bulag tan anggapoy mata iray mangigagalang ed sarayan diriyos—tan napelag irad kababaingan.

Isaias 45:16

Nabaingan ya amin iray managgaway talintaoy diriyos; napelag iran amin ed kababaingan.

Isaias 65:13

Kanyan ibagak ed sikayo a saray mangigagalang tan mangoonur ed siak et nawalaan ira na daakan a nakan tan nainom, balet naerasan tan naapgaan kayo. Manliket ira, balet napelag kayod kababaingan.

Jeremias 10:14

Diad pakanengneng ed saraya, nabirbir na amin a totoo a makulang-kulang tan anggapoy pakatalus da; balang platiro naeekalay ilalo ed saray talintao to, ta tila-tilan diriyos iray gagawaen da; anggapoy bilay da.

Jeremias 51:17

Diad pakanengneng ed saya magmaliw a makulang-kulang tan anggapoy pakatalus ya amin iray totoo; magmaliw a mangamanga iray managgaway talintao, lapud tila-tila tan anggapoy bilay iray diriyos a gagawaen da.

Oseas 13:2

Itutuloy da niy panagkasalanan da diad panggagawa ra na saray mital a talintaoy diriyos a galgalangen da—saray talintaon pilak, a bunga na kanunotan tan say limay too so nanggawa. Insan da kuan, “Mangisaklang kayod sikara na saray bagat.” Panoy iyangub na saray totoo ed saraman a talintaoy diriyos—talintao ran kapara na saray bakan kalakyan?

Deuteronomio 4:28

Manlingkur kayod man ed saray diriyos a ginagawa na lima, saray diriyos a kiew tan bato, saray diriyos ya ag makanengneng o makadngel tan ag da nayariay mangan o onangub.