Isaias 43:6 - Maung A Balita Biblia

⁶ Ibagak ed baybay ya ibolus to ra tan ibagak met ed abalaten ya ag to ra popokpokan. Ibagak ya abuloyan da ray totook ya ompawil a manlapud saray arawin dalin, ompawil iran manlapud amin a sokung na mundo.

Maung a Balita Biblia

⁶ Ibagak ed baybay ya ibolus to ra tan ibagak met ed abalaten ya ag to ra popokpokan. Ibagak ya abuloyan da ray totook ya ompawil a manlapud saray arawin dalin, ompawil iran manlapud amin a sokung na mundo.

Isaias 43:6 Iomraidhean Croise

Saray Salmo 107:3

impawil to kayon manlapud saray nandoroman bansa, manlapud bokig tan sagur, manlapud baybay tan abalaten.

Isaias 11:12

Say Katawan mangyatagey na tanda a mangipanengneng ed saray bansa a titiponen to lamet iray nikaykayat a totood Israel tan Juda, tan papapawilen to ran manlapud apatiran sokung na mundo.

Isaias 18:7

Onsabiy panaon a say Katawan a Makapanyarin-amin et mangawat na saray bagat a manlapud sayan dalin ya adalan-dalan na saray ilog, sayan mabiskeg tan makapanyarin bansa, sayan atatagey tan pinoy baog a totoo a tatakotan ira na sankamundoan. Onla rad Palandey na Sion a dimay pangigagalangan ed Katawan a Makapanyarin-amin.

Isaias 27:13

No onsabiy tan ya agew, nasibuk so trumpita a panawag ya ompawil iray Israelitan nibantak ed Asiria tan Egipto. Onsabi rad Jerusalem tan igalang dad may Katawan ed masanton palandey to.

Isaias 45:22

“Pawil kayod siak natan, et nilaban kayo, amin yon totoo ed intiron mundo! Siak labat so Dios, anggapo lay arum.

Isaias 49:12

Manlapud arawin dalin iray totook, manlapu rad baybay tan diad sagur, tan manlapu rad Aswan diad abalaten.”

Isaias 49:22

Say Katawan a Dios kuantod saray totoo to: “Sinsayan ko ray bansa et pasempeten da ray anak yo.

Isaias 54:3

Paawangen moy ketegan mo ed amin a dapag; nabawi na saray totoo so dalin a panaayaman natan na saray arum a bansa. Napano na saray totoo iray siudad ya ataynan ira natan.

Isaias 60:4

Nengneng kad kaliber-liber mo, tan imanom no antoy nagagawa: Mantitipon iray totoom ya onsempet la! Manlapud arawin pasen iray anak mon lalaki; Naawit a singa ogogaw iray anak mon bibii.

Isaias 60:9

Bapor iran manlalapud arawi ran bansa, Sankaawit da ray onsempet lan totoo na Dios. Sankaawit na saray totoo so balituk tan pilak A pamagalang ed ngaran na Katawan, Say masanton Dios na Israel, Ya impagmaliw ton galangen na amin a bansa iray totoo to.

Isaias 66:20

Manlapud saray bansa papawilen da ray kadalaan yo a sikaray rigalod siak. Iyakar da rad masanton palandey ed Jerusalem ya akakabayo rad mula, kabayo, tan diad saray kamilyo, tan saray arum akalogan irad karwahi tan diad saray kariton, a singa saray Israelita a mangyaakar ed Timplo na saray bagat da a trigo ya akakargad saray pananginan a malinis onung ed ganggan.

Jeremias 23:8

Ingen mansamba ra a kuanda, ‘Nitay mabilay a Dios ya angipaway na saray totood Israel ed baybay a bansa tan angipaway met ed sikara ed saray amin a bansa ya angikayatan tod sikara.’ Insan irad satan manayam ed dilin dalin da.”

Jeremias 29:14

On, kuankod sikayo, narumog yo ak, insan papawilen ta kayod dalin yo. Tiponen ta kayo manlapud balang bansa tan balang lugar ya angikayatan kod sikayo, insan papawilen ta kayo ed dalin yo a dimay amadakepan kod sikayo. Siak, say Katawan, so nansalita.’

Jeremias 3:14

“Pawil kayo, aliwan matoor a totoo; kayaryan ta kayo. Mangala ak na sakey ed sikayo ed balang baley tan duara ed balang boleg, tan papawilen ta kayo ed Palandey na Sion.

Jeremias 31:8

Alaen ko rad bansa ed baybay tan tiponen ko ran manlapud saray sokung na mundo. Milad sikara iray bulag tan saray lopuy, saray malokun tan amin da ray paanak-anak. Ompawil ira a sakey a matalonggaring a bansa.

Ezekiel 36:24

Alaen ta kayo ed balang bansa tan ipawil ta kayo ed dilin dalin yo.

Ezekiel 37:21

Ibagam ed sikara a siak a Katawan a Dios et alaen kon ipaway ed nandoroman bansa a nikaykayatan na amin a totook, pantitiponen ko ra, insan ko ra iyakar ed dilin dalin da.

Joel 3:7

Ipaway ko ra natan ed saray pasen ya angilakuan yod sikara. Gawaen kod sikayo so ginagawa yod sikara.

Zacarias 6:6

Samay karwahin igogoyur na saray andeket a kabayo et mamapaarap irad baybay diad Babilonia, saramay ampotin kabayo et diad bokig so lalaen da, tan saramay batekan et oonla rad bansa diad abalaten.

Deuteronomio 30:4

Anggaman a nikayat kayod sankaarawian a sokung na mundo, tiponen kayo na Katawan a Dios yo insan to kayo papawilen,