Isaias 43:5 - Maung A Balita Biblia

⁵ Ag ka natatakot—wala ak ed sika! “Manlapud bokig tan sagur pasempeten ko ray totoom.

Maung a Balita Biblia

⁵ Ag ka nanatakotwala ak ed sika! Manlapud bokig tan sagur pasempeten ko ray totoom.

Isaias 43:5 Iomraidhean Croise

Saray Salmo 106:47

Ilaban mo kami pa, O Katawan a Dios mi, tan tipon mo kami a manlapud saray arum a bansa, pian misalamat kami, tan idayew miy masanton ngaran mo.

Saray Salmo 107:3

impawil to kayon manlapud saray nandoroman bansa, manlapud bokig tan sagur, manlapud baybay tan abalaten.

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

Isaias 41:14

Say Katawan kuanto, “Daiset may makapoy kayon Israelita, ag kayo natatakot, tulongan ta kayo. Siak, say masanton Dios na Israel, so mangyaagel ed sikayo.

Isaias 41:8

“Balet sikayo, Israelitan aripen ko, sikayo ray totoon pinilik saray kabyangay boleg nen Abraham a kaarok.

Isaias 41:9

Inala ta kayon manlapud saray samput na dalin; tinawag ta kayod saray sankaarawian a sokung na mundo tan kuantod sikayo, ‘Sikayo ray aripen ko.’ Ag ta kayo impolisay, no ag ingen pinili ta kayo.

Isaias 43:1

Say Katawan ya amalsad sika, Israel, kuanto, “Ag ka natatakot—iyagel ta ka. Tinawag ta kad ngaran mo—kayaryan ta ka.

Isaias 43:2

No ondalan kad aralem a danum, wala ak ed sika; ag ka natabunan na saray gunigon mo. No ondalan kad apoy, ag ka napoolan; ag ka napasakitan na saray ambelat a subok ya onsabid sika.

Isaias 44:2

Siak so Katawan ya amalsad sika; nanlapud inkianak mo, tinutulongan ta ka. Ag ka natatakot; sika so aripen ko, say toon pinilik tan inarok.

Isaias 49:12

Manlapud arawin dalin iray totook, manlapu rad baybay tan diad sagur, tan manlapu rad Aswan diad abalaten.”

Isaias 49:18

Nengneng kad liber-liber ta imanom no antoy nagagawa! Mantitipon iray totoom—onsesempet la ra! No panon ya anggapoy duaruwa a siak so mabilay a Dios, ontan met a nikinon mo ray totoom; nikinon mo ran singa pangikinon na nubia ed saray alahas to.

Isaias 54:3

Paawangen moy ketegan mo ed amin a dapag; nabawi na saray totoo so dalin a panaayaman natan na saray arum a bansa. Napano na saray totoo iray siudad ya ataynan ira natan.

Isaias 54:7

“Diad maganon bekta tinaynan ta ka; balet lapud ontan lan panangarok ed sika sayakopen ta ka.

Isaias 61:9

Ombantug irad saray bansa; Nakabatan na balang sakey a makanengneng ed sikara A sikaray totoon binindisionan ko.”

Isaias 8:10

Mamplano kayo, balet ag kayo mampalabo. Tongtong yo lay labay yon tongtongen, balet andi-kakanaan ya amin iray tongtongen yo, lapud walad sikami so Dios.

Jeremias 23:7

“Onsabiy panaon,” kuay Katawan, “a saray totoo et ag la ra mansamba a kuanda, ‘Nitay mabilay a Dios ya angipaway ed dalin na Egipto ed saray totood Israel.’

Jeremias 23:8

Ingen mansamba ra a kuanda, ‘Nitay mabilay a Dios ya angipaway na saray totood Israel ed baybay a bansa tan angipaway met ed sikara ed saray amin a bansa ya angikayatan tod sikara.’ Insan irad satan manayam ed dilin dalin da.”

Jeremias 29:14

On, kuankod sikayo, narumog yo ak, insan papawilen ta kayod dalin yo. Tiponen ta kayo manlapud balang bansa tan balang lugar ya angikayatan kod sikayo, insan papawilen ta kayo ed dalin yo a dimay amadakepan kod sikayo. Siak, say Katawan, so nansalita.’

Jeremias 3:18

Mikasakey ed satan so Israel ed Juda, insan manolup iran manlapud dalin ya akadakepan da diad baybay, tan onla rad dalin ya inter kon andi-anggaan a kayaryan na saray lalaki yo.”

Jeremias 42:11

Ag kayo la ontatakot ed ari na Babilonia. Ag yo tatakotan, ta wala ak ed sikayo; iyagel ta kayod pakayari to.

Jeremias 51:46

Ag yo pakakapoyey linawa yo odino ontatakot lapud saray dengel-dengel yon balita. Tinaon a doma so onkakayat a dengel-dengel a balita—saray balitan nipaakar ed panagduksa ed dalin tan saray nipaakar ed pibabakal na sakey ya ari ed kapara ton ari.

Joel 3:7

Ipaway ko ra natan ed saray pasen ya angilakuan yod sikara. Gawaen kod sikayo so ginagawa yod sikara.

Mikias 2:12

“Balet pantitiponen ta kayo, amin yon totood Israel a nakdaan. Tiponen ta kayon singa saray karniron ompapawil ed koral da. Say dalin yo et napano lamet na amayamay a totoo a singa sakey a pastolan a napno na karniro.”

Zacarias 8:7

Ilaban ko ray totook ed saray dalin ya akadakepan da,

Lucas 13:29

Onsabi ray totoon manlapud bokig tan sagur, abalaten tan baybay, tan ondongo rad lamisaan ed Panariay Dios.

Juan 10:16

Wala ni ray arum a karnirok ya andi rad sayan koral. Nakaukolan ya ipitipon ko met ira. Dengelen da met so bosis ko tan diad onya, magmaliw a saksakey so poluk tan saksakey met so managpastol.

Deuteronomio 30:3

say Katawan a Dios yod satan et kasian to kayo. Papawilen to kayod dalin yo manlapud saray bansan angikayatan tod sikayo, tan paaligwasen to kayo lamet.