Isaias 43:25 - Maung A Balita Biblia

²⁵ Anggaman ontan, siak so Dios a mamipirdonad saray kasalanan mo, et onyay gagawaen ko lapud inka-Dios ko. Ag ta ka singilen ed saray kasalanan mo.

Maung a Balita Biblia

²⁵ Anggaman ontan, siak so Dios a mamipirdonad saray kasalanan mo, et onyay gagawaen ko lapud inka-Dios ko. Ag ta ka singilen ed saray kasalanan mo.

Isaias 43:25 Iomraidhean Croise

2 Saray Awaran 6:21

Dengel mo pa ray pikakasik tan saray pikakasi na saray totoom no mampikasi ran akaarap ed sayan pasen. Ditad ayaman mon tawen, dengel mo kami pa tan pirdona mo kami.

Saray Salmo 103:12

No panoy kaarawiy bokig ed abalaten, ontan met so kaarawiy impangekal tod sikatayo na saray kasalanan tayo.

Saray Salmo 103:3

Papaandien ton amin iray kasalanan ko tan papaabigen ton amin iray sakit ko.

Saray Salmo 25:11

Sumpal mo pay sipan mo, Katawan, tan pirdonam pa ray kasalanan ko, ta amayamay la ra.

Saray Salmo 25:7

Pirdonam pa ray kasalanan tan saray lingok nen wala ak nid kalangweran. Lapud ag mangoman a panangarom tan kaabigan mo, Katawan, nunot mo ak pa!

Saray Salmo 51:3

Bibirbiren ko ray maoges a ginagawak; lawas walad kanunotan ko ray kasalanan ko.

Saray Salmo 51:4

Sika labat, anggapo lay arum, so nankasalananan ko, tan ginagawak iray ipapasen mon maoges. Kanyan matonung so panisintinsiam ed siak.

Saray Salmo 51:9

Ag mo pa nenengnengen iray kasalanan ko, tan ponasan mo pan amin so kaogsan ko.

Isaias 1:18

Say Katawan kuanto, “Gali dia natan, ta mampapalinewan itayo. Anggaman a marotarotak kayod kasalanan, pagmaliwen ta kayon malinis a singa yilo. Anggaman ya ambalangan singa dala iray kasalanan yo, pagmaliwen ta kayon singa kapotiy bagoy karniro.

Isaias 37:35

Iyagel ko yan siudad lapud sikatoy pakagalangan ko tan lapud samay sipan kod kinen David ya aripen ko.’”

Isaias 38:17

Say kapaitan na bilay ko et nasalatan na inawa. Iyaagel moy bilay ko ed amin a kaatapan; Pipirdonaen moy amin a kasalanan ko.

Isaias 43:11

“Bukbukor ko so Katawan, siak labat so makapangilaban ed sikayo.

Isaias 44:22

Saray kasalanan mo et impapalir ko ra a singa lorem. Pawil kad siak; siak so mangilalaban ed sika.”

Isaias 48:11

Lapud siak so makasengeg na panggagawak ed gagawaen ko— ag ko abuloyan a nalemlemew so ngaran ko odino abuloyan koy siopaman a minabang ed kagalangan a siak labat so akankayaryan.”

Isaias 55:7

Saray makasalanan a totoo et ibeneg da komun so kabibilay da tan omanen day panagnunot da. Ompawil ira komun ed Katawan a Dios tayo, ta mapangasi tan sipaparaan a mamirdona.

Isaias 64:8

Balet sika so ama mi, Katawan. Aliling miy pitek, tan aliling moy managgaway banga. Pinalsa mo kami,

Isaias 64:9

kanyan, Katawan, ag mo pa kapalaloen so pasnuk mod sikami odino pagnayonen so paningil mod saray kasalanan mi. Sikami ray totoom, kasian mo kami pa.

Jeremias 31:34

Anggapod sikaray nepeg a mangibangat ed kabansaan to na nipaakar ed pangamta ed Katawan, ta nakabatan da ak ya amin, abeba may atagey so kipapasen da. Pirdonaen ko ray kasalanan da tan ag ko la nunoten iray ginagawa ran kaogsan. Siak, say Katawan, so nansalita.”

Jeremias 50:20

No onsabi yan panaon, anggapoy narumog a kasalanan ed Israel tan diad Juda, lapud pirdonaen ko ray totoon intilak kon mambilay. Siak, say Katawan, so nansalita.”

Ezekiel 18:22

Napirdona ray amin a kasalanan to, tan sikatoy mambilay, lapud matonung iray ginagawa to.

Ezekiel 20:14

Balet ag ko ginawa, bangta makapangyepas iman na kagalangan na ngaran ko diad saray bansa ya akanengneng ed siak ya angipaway ed Israel dimad Egipto.

Ezekiel 20:22

Balet ag ko ginawa, bangta makapangyepas iman na kagalangan na ngaran ko diad saray bansa ya akanengneng ed siak ya angipaway ed Israel dimad Egipto.

Ezekiel 20:9

Balet ag ko ginawa, bangta makapangyepas iman na kagalangan na ngaran ko, ta diad imatun na saray totoon pipiayaman da nen saman, imbawag kod Israel ya ipaway ko ra ed Egipto.

Ezekiel 33:16

Pirdonaen ko ray ginagawa ton kasalanan tan mambilay lapud nanggawa na kaptekan tan kamaungan.

Ezekiel 36:22

“Natan sirin, salitam ed saray Israelita yan ibabagak ed sikara, siak a Katawan a Dios: Say gawaen ko et aliwan sikayoy makasengeg, Israelita, no ag ingen say masanton ngaran ko ya impelag yod kababaingan diad iner man a bansan nila yo.

Ezekiel 36:32

Israel, labay kon ipaamtad sika ya aliwan sikay makasengeg na panggagawaan kod saya. Labay kon nabaingan tan napaabeba ka lapud saray gagawaen mo. Siak a Katawan a Dios so nansalita.”

Marcos 2:7

“Akin et ontan so panagsalita to yan too? Sumpad Dios tay ibabaga to! Siopay makapirdona na kasalanan no ag say Dios labat?”

Lucas 5:21

Saramay Pariseo tan saramay iskriba inkuandad kanunotan da, “Siopa yan too et sumpad Dios so sasalitaen to? Siopay makapirdona na kasalanan no ag say Dios labat?”

Saray Gawgawa 3:19

Kanyan magbabawi kayo la tan pawil kayo lad Dios, pian naponas iray kasalanan yo,

Saray Taga Roma 5:20

Nen niiter so Ganggan, lalon dinmakel so panaggaway kaogsan. Balet nen dinmakel so kasalanan, lalon binmaleg so panangaroy Dios.

TAGA-EFESO 1:6

Igalang tayo lapud makapakelaw a panangaro ton inter tod sikatayo diad panamegley na inararo ton Anak!

TAGA-EFESO 1:8

ya inter ton ag nasabsabaan ed sikatayo! Onung ed kakabatan tan pakatalus na Dios

Saray Hebreo 10:17

Insan inkuanto, “Ag ko la nunoten iray kasalanan tan saray kaogsan da.”

Saray Hebreo 8:12

Pirdonaen ko ray kasalanan da tan ag ko la nunoten iray ginagawa ran kaogsan.”