Isaias 43:23 - Maung A Balita Biblia

²³ Ag mo ak inyakaran na karnirom a para bagat a popoolan; ag mo inkanan pangigalang ed siak iray bagat mo. Ag ta ka impansakbat na ambelat diad impamilit kod sikan mangibagat odino pinairap ta ka diad impankerew kod sikay insinso.

Maung a Balita Biblia

²³ Ag mo ak inyakaran na karnirom a para bagat a popoolan; ag mo inkanan pangigalang ed siak iray bagat mo. Ag ta ka impansakbat na ambelat diad impamilit kod sikan mangibagat odino pinairap ta ka diad impankerew kod sikay insinso.

Isaias 43:23 Iomraidhean Croise

Nehemias 13:10

Akabatan ko met a tinaynan na saray tumutogtog tan saray kumakanta, tan saray Levita so Jerusalem ta pinmawil irad kaalogan da. Onyay agawa, lapud kulang a pambilay da so iiter na totood sikara.

Exodo 30:34

Say Katawan kuantod kinen Moises, “Mangala ka na nampaparan karakel na onggendan a masamit a rikado—istakti, onika, galbanum, tan puron olibanum.

Probirbio 15:8

Makaliliket so Katawan no mampikasi iray totoon maptek, balet kabosul to ray bagat ya iyaakar ed sikato na saray totoon maoges.

Probirbio 21:27

Kabosul na Katawan iray bagat na saray totoon maoges, nagkalalo la no maoges iray getma ran mangibagat.

Probirbio 3:9

Pagalangan moy Katawan diad panamegley na pangibagat mod sikato na sankaabigan a bungay dalin mo.

Isaias 66:3

“Saray totoo gagawaen day labay dan dili. Anggapoy pandomaan ed sikara so pamatey na baka ya ibagat tan say pamatey na too ya ibagat; say pangibagat na kordiro tan say pamekpek na aso ed tenger; say pangisaklang da na bagat a trigo tan say pangibagat day dala na baboy; say pangibagat da na insinso tan say pampikasi rad talintaoy diriyos. Maliket irad makapaingungot a klasiy panangigalang ed Dios.

Jeremias 7:21

“Totook, akan yo la laingen iray bagat a popoolan, a pati saray bagat a nayarin kanen. Sikato yay ibabagak, siak a Katawan a Makapanyarin-amin a Dios na Israel.

Jeremias 7:22

Nen impaway kod Egipto iray lalaki yo, anggapoy ingganggan kod sikaran nipaakar ed bagat a popoolan odino antokaman a bagat.

Levitico 2:1

No say sakey a too et mangisaklang ed Katawan na bagat a trigo, nepeg to nin gilingen a pagmaliwen ya arina. Patoroan to na larak na oliba tan tapewan to na insinso,

Levitico 24:7

Mangyan kayo na daiset ya insinso ed kapag dasig, a pakapatnagan a sikatoy bagat a popoolan ed Katawan, a mangalay pasen na tinapay.

Amos 5:25

“Totood Israel, diad loob na apataplon taon na impangiwanwan kod sikayo ed kalawakan, ag ko kinaukolan ed sikayon mangyapay kayod siak na saray bagat.

Mikias 6:3

Say Katawan kuanto, “Sikayo ran totook, antoy ginawak ed sikayo? Siak tay agawan makabelbelat ed sikayo? Ebat kayod siak.

Malakias 3:8

Tetepetan ta kayo, maung kasin takewan na too so Dios? Andi-duaruwa ya aliwan maung, balet tatakewan yo ak. “Panon mi kan tatakewan?” tepet yo. Diad saray kakaplo tan diad saray bagat.

Mateo 11:30

Ta mainomay so ipasakbat kod sikayo, tan anlemew so ipaawit kod sikayo.”