Isaias 43:20 - Maung A Balita Biblia

²⁰ Igalang ak na anggan saray ayayep ed katakelan; idayew ak na saray asod katakelan tan saray abistrus no saray ilog et paagosen kod kalawakan, pian naitdan na danum iray totook a pinilik.

Maung a Balita Biblia

²⁰ Igalang ak na anggan saray ayayep ed katakelan; idayew ak na saray asod katakelan tan saray abistrus no saray ilog et paagosen kod kalawakan, pian naitdan na danum iray totook a pinilik.

Isaias 43:20 Iomraidhean Croise

Isaias 41:17

“No diad pankaukolan na saray totook et mananap ira na danum, no amaga lay kolokolung da lapud inkapgaan, siak ed satan a Katawan et ebatan koy pikakasi ra; siak, a Dios na Israel et ag ko ran balut ikaindan.

Isaias 48:21

Nen inwanwan na Katawan ed kalawakan iray totoo to, ag da asaliy napgaan. Pinapaway ton para sikara so danum ed baton-dampay; nilengat toy baton-dampay, et inmagos so danum.

Isaias 49:10

ag iran balut naerasan odino naapgaan. Ag ira napasakitan na petang na agew tan makasinit a dagem, ta iwanwan ira na samay maarod sikara. Iwanwan to rad abay na sobul na danum.

Puyan 17:14

Labanan da may Kordiro balet taloen to ra, ta sikatoy Katawan da ray kakatawan tan Ari da ray arari. Saray atawag, apili, tan matoor a mananombuk to so kakaiba ton manalo.”

Juan 4:14

“balet ag lan balut naapgaan so siopaman ya oninom na danum, ya iter ko. Ta say danum ya iter kod sikato magmaliw a sobul ed loob to a mangiter ed sikatoy mabilay a danum tan bilay ya andi-anggaan.”

Isaias 13:22

Saray hayina tan saray asod katakelan et mandangul-dangul irad saray tori tan saray palasio. Sinmabi lay agew na pakaderal na Babilonia. Ngalngali la mangangga ray agew to.”

Puyan 22:17

Inkuan na Ispiritu tan say Nobia, “Gala dia!” Nepeg ya amin da ray makadngel ed saya ikuanda met, “Gala dia!” Siopamay napgaan, onasingger; siopamay malabay, mangala na anggapoy bayar a danum na bilay.

Puyan 21:6

Inkuanto nid siak, “Asumpal la! Siak so Alpha tan say Omega, say gapo tan say samput. Siopamay napgaan itdan ko na anggapoy bayar a danum a manlapud sobul na danum na bilay.

1 Pedro 2:9

Balet sikayoy apilin totoo, papari na Ari, sakey a bansan masanto, tan totoo na Dios. Say Dios pinili to kayon mangipulong na makapakelaw iran gawgawa to. Sikato met so anawag ed sikayod kabilongetan tan angyakar ed sikayod makapakelaw a liwawa to.

Juan 4:10

Inmebat si Jesus, “No amtam labat so iter na Dios tan no kabat mo no siopay mikekerew ed sika na inomen, miala kad sikato angangko et itdan to kay mabilay a danum.”

Marcos 13:20

Balet pinaraiset na Dios ira tan ya agew, pian nilaban iray totoon pinili to; ta no andi, anggapo komuy nilaban.

Joel 3:18

Diad satan a panaon napano na kaubasan iray kapalandeyan, tan nawalaan na baka so balang pokdul; nawalaan na daakan a danum so intiron Juda. Manlapud Timplo na Katawan onagos so kolus a manalog ed Patar na Acacia.

Jeremias 31:9

Diad liket dan ompapawil iray totook ag da napokpokay interter na lua ra, mampipikasi ra legan ko ran iwawanwan. Iwanwan ko rad gilig na managagos a danum, diad mablak a dalan pian ag ira niparokul. Singa ama so pasen ko ed Israel, et si Efraim so sankapangulowanan ya anak kon laki.”

Isaias 65:15

Ikana na saray pinilik a totoo so ngaran yo a sakey a samba. Siak a Katawan a Dios pateyen ta tayo. Balet itdan ko na balon ngaran iray mangoonur ed siak.

Isaias 43:19

Talaranan yoy gawaen kon balo a bengatla. Nagagawa la—nanengneng yo la natan! Manggawa ak na dalan ed kalawakan tan itdan ta kayo na saray sobul diman.

Saray Salmo 148:10

amin yon ayayep ya amo tan ayayep ed katakelan, ayayep a korung-korung tan kamanokan ed tagey!

Saray Salmo 104:21

Mangwam iray kilaw a lion, no liber-liber iran mananap na kakanen ya iiter na Dios.

Saray Salmo 33:12

Maliket so bansa a say Dios to et say Katawan; maliket iray totoon pinili na Dios a kayaryan to!

Isaias 30:25

Diad agew a nadakep iray tirinsira na saray kalaban yo tan napatey iray totoo ra, onagos iray sobul a manlapud balang palandey tan balang pokdul.

Isaias 32:2

Balang sakey ed sikara et magmaliw a singa sakey a salimbeng no panaoy maragem tan sakey a pasen ya amutan no walay bagyo. Magmaliw iran singa kolus a managagos ed sakey ya amagamagan pasen, tan sakey a sirum ed petek na balbaleg a bato ed kinmelang a dalin.

Isaias 33:21

Ipanengneng ed sikatayo na Katawan so kagalangan to. Manayam tayo ed gilig na saray maawang ya ilog tan kolus, ya ag dalanen na bapor da ray kalaban.

Isaias 35:7

magmaliw ya ilog so makasinit a kabueran, tan nawalaan na saray sobul so amaga-magan dalin. Ontubo ray tanobung tan saray talaib ed pasen a panaayaman a gendat na saray asod katakelan.

Isaias 41:18

Saray ilog paagosen kod saray kapokdulan ya anggapoy tanaman tan paagosen kod saray patar iray sobul. Pagmaliwen kon dipositoy danum so kalawakan; pagmaliwen kon managagos a danum so amagan dalin.