Isaias 43:18 - Maung A Balita Biblia

¹⁸ Balet say Katawan kuanto, “Ag kayo manmamatalek ed saray agawgawad imbeneg a panaon, odino pinunot iray agawa nen saman ni.

Maung a Balita Biblia

¹⁸ Balet say Katawan kuanto, Ag kayo manmamatalek ed saray agawgawad imbeneg a panaon, odino pinunot iray agawa nen saman ni.

Isaias 43:18 Iomraidhean Croise

1 Saray Awaran 16:12

Sikayo ran kabyangay boleg nen Israel ya aripen na Dios, sikayo ran kabyangay boleg nen Jacob a pinili na Dios nunot yo ray makapakelaw a milagron ginagawa to, tan saray sintinsian iniiter to.

Isaias 46:9

Tandaan yo ray agawa nen saman; birbir yon bukbukor koy Dios tan anggapo lay arum a singa siak.

Isaias 65:17

Say Katawan kuanto, “Mamalsa ak na balon mundo tan balon katawenan. Sigput a nalingwanan iray agawgawa ed imbeneg a panaon.

2 CORINTO 3:10

Lapud saya nayarian tin ibaga a naandipat la may gendat a kagalangan, ta pinalabsanan lay lalon marlang a kagalangan.

2 CORINTO 5:17

Kanyan nagmaliw a balon pinalsa so siopaman a toon akikasakey ed Cristo. Linmabas lay daan, tan sinmabi lay balo.

Deuteronomio 7:18

Ag kayo ontatakot ed sikara; nunot yo may ginawa na Katawan a Dios yo ed ari na Egipto tan amin a totoo to.

Deuteronomio 8:2

Nunot yo no panoy impangiwanwan ed sikayo na Katawan a Dios yo ed loob na apataploy taon diad kalawakan, impanlikna to kayoy kairapan a panubok ed sikayo, pian naamtaan to no antoy ginetma yon gawaen tan no kasi onuren yo ray ganggan to odino andi.