Isaias 42:8 - Maung A Balita Biblia

⁸ “Yahweh so ngaran ko, Anggapoy arum a dios a makapibiang ed kagalangan ko; ag ko abuloyan a makapibiang iray talintaoy diriyos ed dayew ko.

Maung a Balita Biblia

⁸ Yahweh so ngaran ko, Anggapoy arum a dios a makapibiang ed kagalangan ko; ag ko abuloyan a makapibiang iray talintaoy diriyos ed dayew ko.

Isaias 42:8 Iomraidhean Croise

Saray Salmo 66:2

Mankanta kayon mangigalang ed ngaran to; nagnap a dayew so iter yod sikato!

Saray Salmo 83:18

Naamtaan da komun a sika labat so Katawan say Sankatageyan a manoley ed sankamundoan.

Exodo 34:14

“Ag kayo mangigagalang ed arum a diriyos ta siak a Katawan et maimon ak a Dios.

Exodo 4:5

Imbilin na Katawan ed kinen Moises, “Gawam yan pakelaw a pamaneknek mod saray Israelita a say Katawan a Dios na samay lalaki ra, say Dios di Abraham, Isaac, tan Jacob, et pinmanengneng ed sika.”

Isaias 43:11

“Bukbukor ko so Katawan, siak labat so makapangilaban ed sikayo.

Isaias 43:3

Ta siak so Katawan a Dios mo, say masanton Dios na Israel, a mangilalaban ed sika. Ipatalok so Egipto, Etiopia tan Seba pian narondon ka.

Isaias 48:11

Lapud siak so makasengeg na panggagawak ed gagawaen ko— ag ko abuloyan a nalemlemew so ngaran ko odino abuloyan koy siopaman a minabang ed kagalangan a siak labat so akankayaryan.”

Isaias 48:5

Lapud saya impasakbay ko lan abayag so nagawad sika ed arapen; kasakbayan a nagawa ray bengatla imbabawag ko la ra, pian ag mo ipasen a saray talintao tan saray imahin na diriyos mo so angyabuloy a nagawa ra ya.

Isaias 48:6

“Agawa la ray amin ya impasakbay ko; nepeg mon birbiren yan katwaan. Natan ibagak ed sikay balon bengatla ya onsabi, bengatla ran nagawa ya ag ko impaamta nen saman.

Jeremias 33:2

Akisalitad siak so Katawan ya amalsa, anibokel, tan angilira ed mundo tan Yahweh so ngaran to. Inkuanto,

Daniel 5:4

tan indadayew da ray diriyos a balituk, pilak, gansa, balatyang, kiew, tan bato.

Juan 5:23

pian amin igalang day Anak a singa pangigagalang dad Ama. Siopamay ag mangigalang ed Anak, ag to igalang so Ama ya angibakid sikato.

Juan 8:58

“Ibabagak ed sikayoy katwaan,” kuanen Jesus, “Kasakbayan a nianak si Abraham, ‘Siak et Siak.’”

Deuteronomio 28:58

“No ag yo pampelengan ya onuren iray amin a bangat na Dios a nisulat ed sayan libro tan no ag yo pagalangan so makapakelaw tan makapataktakot a ngaran na Katawan a Dios yo,