Isaias 42:6 - Maung A Balita Biblia

⁶ “Siak, say Katawan, tinawag ta ka tan initdan ta kay pakayari a mangipakurang na inkatonung ed tapew na dalin. Diad panamegley mo misipanan ak ed amin da ray katoowan; diad panamegley mo mangyakar ak na silew ed saray bansa.

Maung a Balita Biblia

⁶ Siak, say Katawan, tinawag ta ka tan initdan ta kay pakayari a mangipakurang na inkatonung ed tapew na dalin. Diad panamegley mo misipanan ak ed amin da ray katoowan; diad panamegley mo mangyakar ak na silew ed saray bansa.

Isaias 42:6 Iomraidhean Croise

Isaias 26:3

Katawan, sika so mangiiter na nagnap a kareenan ed saray totoon mangyaapasakey na kanunotan dad sika, tan manmamatalek irad sika.

Isaias 27:3

“Babantayan koy kaubasan ko tan sasalogen ko lawas. Guaguardiaan ko ed agew tan labi, pian anggapoy manderal ed sikato.

Isaias 32:1

Onsabiy panaon a walay sakey ya arin manoley onung ed katonungan, tan wala ray pangulon ipakurang day kaptekan.

Isaias 41:13

Siak so Katawan a Dios yo; Pabiskegen ta kayo tan ibagak ed sikayo, ‘Ag kayo natatakot; tulongan ta kayo.’”

Isaias 41:2

“Siopay angyakar na mananalod bakal a taga bokig tan panataloen to ya anggad iner so laen to? Siopay mangiiter ed sikatoy pananalo ed saray arari tan saray bansa? Wawasiwasen to ra na ispada to, et nikayat iran singa dabuk. Bubuyaken ira na saray pana to, et magmaliw iran singa osang ya itiktikyab na dagem.

Isaias 42:1

Say Katawan kuanto, “Saya so aripen ko a pinabiskeg ko— sikatoy pinilik tan pakaliliketan ko. Pinanok na ispirituk, tan sikatoy mangyakar ed balang bansa na inkatonung.

Isaias 43:1

Say Katawan ya amalsad sika, Israel, kuanto, “Ag ka natatakot—iyagel ta ka. Tinawag ta kad ngaran mo—kayaryan ta ka.

Isaias 45:1

Say Katawan pinili ton manari si Ciro. Tinoro to a manakep ed saray bansa; ibabaki ton mangekal na pakayari da ray arari; ilokas na Katawan iray puirta na saray siudad a looban nen Ciro. Say Katawan kuantod kinen Ciro.

Isaias 45:13

Siak a dili so anogsog ed kinen Ciro a manumpal na getmak tan mangoksuy ed amin a bengatla. Peteken koy amin a dalanen to. Ipaalagey to lamet so siudad kon Jerusalem, tan ibolus to ray totook ya adakep. Anggapoy angupa odino amasoksok ed impanggawa tod saya.” Say Katawan a Makapanyarin-amin so nansalita.

Isaias 49:6

Say Katawan inkuantod siak, “Walay babaleg a kimey a pagawak ed sika ya aripen ko, ag ko labat paipawil ed sika so inkatalonggaring na saray totood Israel ya akapaliis ed patey, no ag ingen gawaen ta ka met a sakey a silew ed saray bansa— pian nilaban iray amin a katoowan ed tapew na dalin.”

Isaias 49:8

Say Katawan kuantod saray totoo to, “No onsabiy panaon na pangilaban kod sikayo, ipatnag kod siyayoy maung a linawak tan ebatan koy ikekerew yoy tulong. Bantayan tan iyagel ta kayo tan diad panamegley yo misipanan ak ed amin a katoowan. Panayamen ta kayo lamet ed dalin yo a natan et anggapoy kabaliksan to.

Jeremias 12:16

No diad intiron puso ra et onalig irad kabibilay na saray totook tan mansamba ra, ‘Onung a mabilay so Katawan’—a singa impanbangat dad saray totook a nansamba rad Baal—magmaliw iran kabyangan na saray totook tan onaligwas ira.

Mateo 26:28

ta sikato yay dalak a mamaneknek ed impisipanay Dios, say dalak ya onterter a para amayamay a totoo, pian napirdona ray kasalanan.

Lucas 2:32

Say silew a mamaliwawad saray Hintil, tan mangiter na dayew ed bansam ya Israel.”

Juan 8:12

Nansalita lamet si Jesus ed saray totoo. Inkuanto, “Siak so silew na sankamundoan. Say ontombuk ed siak walad sikatoy silew a mangiiter na bilay tan ag manakar ed kabilongetan.”

Saray Gawgawa 13:47

Ta onyay ingganggan na Katawan ed sikami: ‘Impasen ta kan singa silew da ray Hintil, pian niyakar moy kilalaban ed intiron mundo.’”

Saray Gawgawa 26:23

a salanti, nakaukolan a manirap so Cristo tan sikatoy onaan ya onolid bilay, pian nibawag toy liwaway kilalaban ed saray Judio tan saray Hintil.”

2 CORINTO 1:20

ta sikatoy pakasumpalay amin a sipay Dios. Sikato yay makasengeg, a diad panamegley nen Jesu-Cristo, nayarian tayon ibagay “Amen” a pamagalang tayod Dios.

Saray Hebreo 12:24

Sinmingger kayod kinen Jesus, a manamegley na balon sipanan, tan diad niterter a dala a mangipaamtay magmaung ni ran bengatla nen say impaamtay dala nen Abel.

Saray Hebreo 13:20

Say Dios a panlapway kareenan so amaolid bilay ed Katawan tayon Jesus, a sikatoy Matalonggaring a Pastol da ray karniro, lapud dala ton amaneknek na andi-anggaan a sipanan.

Saray Hebreo 7:2

Inter nen Abraham ed sikato so kakaplo na amin a sinamsam to. (Say ononan kabaliksay ngaran nen Melkisedek et “Ari na Katonungan.” Lapud ari met na Salem, say labay met ya ibagay ngaran to et “Ari na Kareenan.”)

Saray Hebreo 7:26

Si Jesus sirin, so Pangulon Pari a mangiiter na saray nakaukolan tayo! Ta sikatoy masanto; anggapoy tilul o kasalanan to; nibiig ed saray makasalanan tan nitanduro ya anggad labas da ray katawenan.

Saray Hebreo 8:6

Balet, natan, naawat nen Jesus so lalon atagey a kimey na inkapari nen say kimey da. Ontan met a magmaung so sipanay Dios tan say too ya agawad panamegley nen Jesus, lapud niletneg ed magmaung ni ran sipan.

Saray Hebreo 9:15

Kanyan si Cristo so manamegley na balon sipanan, pian natawir na saray tinawag na Dios so andi-anggaan iran bindision ya insipan to. Nagawa ya lapud walay inatey ya amaandiy kasalanan da ray totoo nen wala ni rad silong na onaan a sipanan.

1 Pedro 2:9

Balet sikayoy apilin totoo, papari na Ari, sakey a bansan masanto, tan totoo na Dios. Say Dios pinili to kayon mangipulong na makapakelaw iran gawgawa to. Sikato met so anawag ed sikayod kabilongetan tan angyakar ed sikayod makapakelaw a liwawa to.