Isaias 42:25 - Maung A Balita Biblia

²⁵ Lapud saya indapo tod sikatayoy pasnuk to tan impanirap to tayod bakal. Singa apoy ya amool ed intiron Israel so pasnuk to, balet ag tayo atalusan no antoy kabaliksan na nagagawa; ag tayon balut akaaral ed agawa.

Maung a Balita Biblia

²⁵ Lapud saya indapo tod sikatayoy pasnuk to tan impanirap to tayod bakal. Singa apoy ya amool ed intiron Israel so pasnuk to, balet ag tayo atalusan no antoy kabaliksan na nagagawa; ag tayon balut akaaral ed agawa.

Isaias 42:25 Iomraidhean Croise

2 Saray Arari 25:9

Pinoolan toy Timplo, say palasio, tan say kaabungan na amin da ray totoon atagey so kipapasen ed Jerusalem,

Say Libro nen Job 40:11

Imanom iray mapasirayew; pampasnukan mo ra tan paabebam ira.

Isaias 29:13

Inkuan na Katawan, “Igagalang da ak ira yan totoo diad panamegley na bibil da, balet arawdawid siak so puso ra. Say rilihion na sarayan totoo et say panagpatlep da labat ed saray abangonan tan saray totontonen ya impaakseb na too.

Isaias 47:7

Abaloan mo a sika lawas so riyna, tan ag mo inngalngalep ira yan bengatla; ag mo anggan ninunot no kapigay pangangga ra.

Isaias 48:8

Amtak ya ag ka napanmatalkan, a sika lawas so bantug a mananumpa. Sikato yay makasengeg ya ag mo yan balut nadngelan nen saman, ya ag mon balut naamingaw.

Isaias 5:25

Mamapasnuk so Katawan ed saray totoo to tan inyonat toy lima ton manusad sikara. Nayegyeg iray kapalandeyan, tan natilak a singa dotak ed saray dalan iray bangkay da ray ompatey. Anggaman onyay nagawa ag onkepay pasnuk na Katawan, tan siansian akaonat niy lima ton manusa.

Isaias 57:1

Ompatey iray matonung, et anggapoy toon makatalus odino mangabagey. Balet no ompatey ira, anggapo lay makasigensigen ed sikara.

Isaias 57:11

Say Katawan kuanto, “Siopa ra yan diriyos a mamapatakot ed sikayo, kanyan tilatilaan yo ak tan sigput yo ak lan lilingwanan? Tinondaan yo lay pangigagalang yod siak lapud abayag ak ya ag oneseesel?

Isaias 9:13

Ag nagbabawi ray totood Israel; anggaman a dinusa ra na Katawan a Makapanyarin-amin, ag ira pinmawil ed sikato.

Isaias 9:19

Lapud pasnuk na Katawan a Makapanyarin-amin, say pananusa to et ondadalang a singa pool ed intiron dalin tan papateyen to ray totoo, tan balang sakey iyaagel toy sikaton dili.

Jeremias 12:11

Ginawa ran andi-kakanaan so dalin ko; nagmaliw a begtebegtew ed imaton ko. Nagmaliw a kabueran so intiron bansak, tan anggapo lay malabay ed sayan dalin ko.

Jeremias 5:3

Andi-duaruwan aanapen na Katawan so katooran. Binakbak to kayo, balet ag yo inkabilangan; kinabil to kayo, balet ag kayo nampasimbalo. Anawet so puso yo tan ag yo ikaindan iray kasalanan yo.

Jeremias 7:20

Kanyan siak, say Katawan a Dios, idapok ed sayan Timplo so ontan lan pasnuk ko. Idapok ed saray totoo, saray ayayep, tan anggan diad saray kakiewan tan saray tanaman. Say pasnuk ko singa pool ya anggapoy makadepdep.

Saray Tagleey 2:3

Lapud sanuk to dineral toy biskeg na Israel; Ag tinmulong nen sinmabi ray kalaban. Singa apoy a nampool; tinemek toy amin a bengatla.

Saray Tagleey 2:4

Singa kalaban ya impaarap toy pana tod sikatayo; Pinatey ton amin iray ikikinon tan panliliketan tayo. Anggan diad Jerusalem alikna tayoy manliub a pasnuk to.

Ezekiel 20:34

Ipanengneng kod sikayoy pakayarik tan say pasnuk ko no tiponen ta kayon amin manlapud saray bansan nikayatan yo.

Oseas 7:9

et ag da nanaamamtaan a nanaoyusan iray biskeg, lapud sayan gagawaen da. Magano lay anggaan da, et ag da anggan amta.

Nahum 1:6

No mamapasnuk so Katawan, siopay makapaliis ed patey? Siopay makatepel na ontan lan sanuk to? Iibung toy manliub a pasnuk to; diad arap to nakukusbo tan ondadabuk iray baton-dampay.

Malakias 2:2

Nepeg yo ak a pagalangan diad panamegley na gagawaen yo. No ag yo dengelen so ibabagak ed sikayo, isamba ta kayo. Isambak iray bengatlan panlalapwan na pambilay yo. Diad tuay tua insambak la ra, lapud leleglemewen yoy ganggan ko.

Deuteronomio 32:22

Onliub a singa apoy so pasnuk ko tan poolan toy amin a bengatlan walad tapew na dalin. Sabien toy daledalem na pasen a panaayaman da ray inaatey tan padapolen toy anggan saray letnegan na kapalandeyan.