Isaias 42:24 - Maung A Balita Biblia

²⁴ Siopay angipalimad Israel ed saray managsamsam? Say dilin Katawan a nankasalananan tayo! Ag tayo nambilay onung ed linawa to odino inmonur ed saray bangat to.

Maung a Balita Biblia

²⁴ Siopay angipalimad Israel ed saray managsamsam? Say dilin Katawan a nankasalananan tayo! Ag tayo nambilay onung ed linawa to odino inmonur ed saray bangat to.

Isaias 42:24 Iomraidhean Croise

2 Saray Awaran 15:6

Say sakey a bansa pinairap toy sananey a bansa, tan say sakey a siudad pinairap toy sananey a siudad, lapud ipapasabi na Dios so segsegang tan kairapan ed sikara.

2 Saray Awaran 36:17

Kanyan imbaki na Katawan so ari na Babilonia ya ondogpad sikara. Pinapatey na ari iray tobun-balon lalaki a taga Juda, anggan diad Timplo. Anggapoy panangasi to ed anggan siopa, malangwer may matakken, laki may bii, mansasakit may maksil so laman. Say Dios impalima to ran amin ed sikato.

Saray Salmo 81:12

Kanyan inabuloyan kon mansiansiay awet na kapusoan da, tan manggawa ray labay dan dili.

Saray Salmo 81:13

Agaylay pampirawat kon ondengel iray totook; agaylay pampirawat kon onuren da ak!

Isaias 30:15

Say Katawan a Dios a Masanto na Israel kuanto ed saray totoo, “Pawil kayo tan mandeen kayon manmatalek ed siak. Diad ontan ombiskeg kayo tan niarawi kayod kaatapan.” Balet ag yo labay a gawaen.

Isaias 42:23

Siopad sikayoy ondengel ed saya? Manlapud natan manasikaso kayo lan ondengel?

Isaias 45:7

Papalsaen ko so liwawa tan kabilongetan; iiter koy bindision tan ipapadalan koy deral. Siak a Katawan so manggagawa ed sarayan amin.

Isaias 47:6

Akapasnuk ak ed saray totook; impasen kon ag ko la ra kayaryan: Impasilong ko rad pakayarim, et ag mo ra kinasian; anggan saray mamatakken pinairap mo ran tuloy.

Isaias 48:18

“No komun ta dinmengel kayo ed saray ganggan ko, inmagos komun ed sikayo ray bindision a singa kolus ya ag balut naekatan. Sinmasabi komun ed sikayoy pananalo a singa saray daluyon ya onsisipwak ed gilig na dayat.

Isaias 57:17

Akapasnuk ak ed sikara lapud kasalanan da tan say inkaagom da, kanyan dinusak ira tan inkaindan ko ra. Balet anawet so olo ra tan intuloy dan inonur so labay da.

Isaias 63:10

balet sinumpa ra tan pinaermen da so masanton ispiritu to. Kanyan nagmaliw a kalaban da so Katawan tan nilabanan to ra.

Jeremias 44:10

Balet anggad natan ag kayo ni nampaabeba. Ag yo ak ni papagalangan tan ag kayo ni mambibilay onung ed saray ganggan ya inter kod sikayo tan saray lalaki yo.

Jeremias 5:15

Totood Israel, mangibaki so Katawan na sakey a bansan manlapud arawin pasen tan dogpaan to kayo. Mabiskeg tan abayag lan bansa, tan ag yo amta so salita ray totoo to.

Saray Tagleey 1:14

“Inlista ton amin iray kasalanan ko, insan to ra binerber ya amin; Imbitin to ra ed beklew ko, et kinmapoy ak lapud saya. Impalima ak na Katawan ed saray kalaban ko, tan siak so sarasarag da.

Saray Tagleey 1:18

“Maptek so Katawan, ta sinumlang ko ray salita to. Dengel yo ak, totood inerman a pasen; nengneng yoy paniirap ko. Nalan priso iray tobun-balon bibii tan lalaki.

Daniel 1:2

Inyabuloy na Katawan a nadakep nen Ari Nabucodonosor si Ari Joakim tan impasamsam toy pigaran kayamanan na Timplo. Inawit tod Babilonia iray pigaran totoon adakep to, tan inyan tod timplo na saray diriyos to iray kayamanan ya asamsam tod saray panagsinupan a kuarto na Timplo.

Amos 3:6

Nayari kasin ag ontakot iray totoo no napaknul ed siudad so trumpitan manawag na bakal? Nayari kasin onsabiy deral ed siudad no ag ipadalan na Katawan?

Mateo 22:7

Mapalaloy pasnuk to may ari. Imbaki to ray sondalo to tan pinatey da met iray amatey ed saramay aripen, insan da pinoolay siudad da.

Deuteronomio 28:49

Say Katawan mangibaki na onsumpad sikayon sakey a bansan manlapud arawin dalin, ya ag yo amta so salita ray totoo to. Onsibar irad sikayon singa sakey ya agila.

Deuteronomio 32:30

Akin et tinalo na sakey a too so sanlibon totoo, tan duara so samplon libo? Say Katawan a Dios da et inkaindan to ra; say makapanyarin Dios da impalima to rad kalaban da.

Saray Huis 10:7

Kanyan akapasnuk so Katawan ed saray Israelita, tan inabuloyan ton nadakep ira na saray Filisteo tan saray Ammonita.

Saray Huis 2:14

Kanyan mapalaloy impakapasnuk na Katawan ed sikara tan inabuloyan ton dinogpaan ira na saray kalaban da tan tinakewan ira. Inabuloyan to ran nipasilong ed pakayari na saray kalaban dad kaliber-liber da, tan saray Israelita et ag da niagel so sikaran dili.

Saray Huis 3:8

Kanyan akapasnuk so Katawan ed Israel, et inabuloyan toy Ari Cusan-risataim na Mesopotamia a nadakep to ra. Waloy taon a nagmaliw iran walad silong na pakaoley to.