Isaias 42:22 - Maung A Balita Biblia

²² Balet natan asamsaman iray totoo to; akolung ira ed dalem na dalin tan niamut irad saray prisowan. Atakewan tan asamsaman ira, balet anggapoy onsingger a mangyagel ed sikara.

Maung a Balita Biblia

²² Balet natan asamsaman iray totoo to; akolung ira ed dalem na dalin tan niamut irad saray prisowan. Atakewan tan asamsaman ira, balet anggapoy onsingger a mangyagel ed sikara.

Isaias 42:22 Iomraidhean Croise

Saray Salmo 102:20

Nadngel toy tagleey da ray priso, tan imbolus to ray asintinsiaan ya ompatey.

Saray Salmo 50:22

“Dengel yo ya, sikayon ag mangasasikasod siak, ta no andi, bingbingkasen ta kayo, et anggapoy mangyagel ed sikayo.

Isaias 1:7

Nagmaliw ya apaolyan so bansa yo tan tinemek na apoy iray siudad yo. Sankanengneng yon sasakopen na saray taga arum a bansa so dalin yo tan dederalen day amin a bengatla.

Isaias 14:17

Ag ta saya man so toon aneral ed saray siudad tan impagmaliw ton kalawakan so mundo? Ag ta sikato ya may toon ag balut angibolus ed saray adakep to odino amasempet ed sikara?”

Isaias 18:2

Manlapud saman a dalin onsabid Ilog na Nilo iray ibabakin managbalita. Manlogan irad saray baloton papiro. Sempet kayo la, sikayo ran masiglat ya ibabaki! Iyakar yoy balita ed dalin yo ya adalan-dalan na saray ilog, diad mabiskeg tan makapanyarin bansa yo, diad saray atatagey tan pinoy baog a totoo yo a tatakotan ira na sankamundoan.

Isaias 24:18

Siopamay nibatikan toy pakataktakotan napelag ed abut, tan siopamay napaliisan toy abut naerel ed patit. Onoran na mapmaples tan nagalaw iray pundasion na dalin.

Isaias 24:22

Say Dios panseseksekan to ray arari, a singa ra priso ed sakey ya abut. Ipriso to ra ya anggad onsabiy oras a pakadusa ra.

Isaias 24:3

Nagaygay so dalin tan naderal-deral. Nansalita so Katawan tan nagaway imbaga to.

Isaias 36:1

Diad kumalabinapat a taon na panooley nen Ari Ezekias, dinogpaan nen Senakerib ya impirador na Asiria iray aliber na padir a siudad na Juda tan adakep to ra.

Isaias 42:23

Siopad sikayoy ondengel ed saya? Manlapud natan manasikaso kayo lan ondengel?

Isaias 42:7

Itdan moy pakanengneng iray bulag, tan ibolus mo ray akayorung ed ambilonget a prisowan.

Isaias 45:13

Siak a dili so anogsog ed kinen Ciro a manumpal na getmak tan mangoksuy ed amin a bengatla. Peteken koy amin a dalanen to. Ipaalagey to lamet so siudad kon Jerusalem, tan ibolus to ray totook ya adakep. Anggapoy angupa odino amasoksok ed impanggawa tod saya.” Say Katawan a Makapanyarin-amin so nansalita.

Isaias 5:29

Saray sondalo et mangngongwam iran singa lion ya akapatey na ayep tan aawiten tod pasen ya anggapoy makasamsam ed sikara.

Isaias 51:23

Iter ko lad saray nampapairap ed sikayo, saray amarokul ed sikayo ed saray dalan, insan da kayo ginagatinan a singa kayo dotak.”

Isaias 56:9

Say Katawan imbaga tod saray arum a bansa ya ondago ran singa saray ayayep ed takel tan buagen da ray totoo to.

Jeremias 50:17

Say Katawan kuanto, “Saray totood Israel et singa ra karniron osil-osilan tan ikaykayat na saray lion. Onona, dinogpaan ira na ari ed Asiria, insan si Ari Nabucodonosor na Babilonia nginangalngal to ray pokel da.

Jeremias 52:31

Nen taon a nagmaliw ya arid Babilonia si Evil-merodac, kinasian to si Ari Joakin na Juda; impaway to ed prisowan. Agawa ya nen kumaduamplo tan limay agew na kumalabinduan bulan na kumatalomplo tan piton taon na inkapriso nen Joakin.