Isaias 42:20 - Maung A Balita Biblia

²⁰ Israel, amayamay so nanenengneng mo, balet anggapoy walad sika. Akalokas iray layag mo, balet anggapoy narerengel mo.”

Maung a Balita Biblia

²⁰ Israel, amayamay so nanenengneng mo, balet anggapoy walad sika. Akalokas iray layag mo, balet anggapoy narerengel mo.

Isaias 42:20 Iomraidhean Croise

Saray Salmo 107:43

Nudnunoten komun na saray makabat ira yan bengatla; motekteken da komun so ag mangoman a panangaroy Katawan.

Isaias 1:3

Amta na saray baka iray akankaryan ed sikara, tan amta na saray asno no iner so pamapakanan ed sikara na amo ra. Balet ag ak amta o natalusan na saray totook ya Israelita.”

Isaias 58:2

Inagew-agew da ak ya igagalang, tan ibabaga ra a maseet iran mangaamta na linawak tan mangoonur na saray ganggan ko. Kekerewen dad siak ya itdan ko ray matonung iran ganggan tan maliket ira konon mangigagalang ed siak.”

Isaias 6:9

Kanyan imbaga ton onla ak ya ikuankod saray totoo, “Anggan panoy idengel yo, ag yo natalusan. Anggan panoy inengneng yo, ag yo naamtaan no antoy nagagawa.”

Jeremias 6:10

Inmebat ak, “Siopay ondengel ed siak, no misalita ak ed sikara tan pasakbayan ko ra? Pinepepetan da ray kalayagan da, tan ag ira ondengel ed saray salitam. Elek-elekan da labat so paibabagam ed siak.

Ezekiel 33:31

Kanyan saray totook mantitipon iran ondengel na ibagam, balet ag da susumpalen so ibagam a gawaen da. Walad bibil da ray salitan napnoy aro, balet itutuloy day panagagom da.

Ezekiel 33:32

Para sikara anggapoy pidomaan mod saray managpaliket na karaklan diad panamegley na kansion para arowan odino panagtogtog na arpa. Dedengelen da ray amin a sasalitaen mo, balet anggapoy anggan sakey ya oonuren da.

Saray Bilang 14:22

anggapod sarayan totoo so makaloob ed saman a dalin. Anengneng da so kagalangan ko tan saray milagron ginagawak dimad Egipto tan diad kalawakan, balet sinusubok da ak ya amimpigapiga tan ag da ak inonur.

Mateo 13:13

Say makasengeg no akin et ipaparalan kod alimbaway ibabagak ed sikara et saya: onnenengneng ira, balet ag ira makanengneng; onderengel ira, balet ag ira makadngel odino makatalus.

Saray Taga Roma 2:21

Ibabangat mo ray arum, balet akin et ag mo ibabangat so sikan dili? Ipupulong mo, “Ag kayo mantatakew,” balet akin et mantatakew ka?

Deuteronomio 4:9

Manalwar kayo! Ag yon balut lilingwanan, legay bilay yo, imay anengneng na dilin mata yo. Ibaga yod saray anak yo tan saray apo yo